വരവർണ്ണിനീ വർണ്ണ ലയരഞ്ജിനീ

വിടർന്നു നിന്നൂ ഒരു വനപുഷ്പമായ്

വളർ പൗർണ്ണമി എന്റെ സുര സുന്ദരീ നീ

വിടർന്നു വന്നൂ ഉള്ളിലനുഭവമായ് (വരവർണ്ണിനീ..)

ആപാദവശ്യമാം നിന്മന്ദസ്മിതം കാൺകേ

ആവേശഭരിതമാകുന്നെൻ ഹൃദയം

ആ സൗഭഗം ഞാൻ നുകർന്നിടുമ്പോൾ

ആയിരം മിഴികളിൽ നീർ മുളയ്ക്കും (വരവർണ്ണിനീ..)

മാലേയ പവനനിലാലോലമാടും നിൻ

നീലാളകങ്ങൾ തലോടുമ്പോൾ

ഏതോ ലഹരിയിൽ ഞാനറിയാതെന്റെ

താരുണ്യം നിന്നിൽ വെച്ച് മറന്നു പോകും (വരവർണ്ണിനീ..)

പള്ളിയറക്കാവിലെ ഭദ്രകാളിയേ (2)

പത്തു ദിക്കും പുകൾ കൊണ്ട  ഭദ്രകാളിയേ (2)

ഒത്തറയും വിളി കൊണ്ടു നിൽക്കും ഭദ്രകാളിയേ

മുത്തുമണിച്ചിലമ്പു കൊണ്ടേ എന്റെ കാളിയേ (പള്ളിയറ..)

കല്ലോട് നെല്ലോട് വാരിത്തായോ

പാപശാപങ്ങളും തീർത്തു തായോ (2)

മാഞ്ചാലോടഞ്ചാലും തൂകിത്തായോ

മണമുള്ള ചെമ്പകം ചൂടിവായോ  (പള്ളിയറ..)

വാളും ചിലമ്പും ശൂലമായ് (2)

പോർക്കളത്തിലും ചെന്നോരമ്മേ (2)

ദാരികന്റെ തലയറുത്ത കാളിയമ്മേ

കാലദോഷം നീ തീർക്കൂ കാളിയമ്മേ

എങ്കളൊരു മൊഴി പാടിപ്പാടി വരുമ്പോൾ

സഹ്യാചലത്തിലെ സരോവരങ്ങളിലെ

സുഗന്ധം ചൊരിഞ്ഞു തരൂ കാറ്റേ

മരന്ദം പകർന്നു തരൂ

മഞ്ഞലച്ചാർത്തിലെ മരതകപ്പച്ചയിൽ

കുളിച്ചു കയറിയ പ്രകൃതീ നീ നിൻ

ഗോപുരവാതിൽ തുറന്നു തരൂ

കുങ്കുമക്കുറിയണിയിച്ചു തരൂ (സഹ്യാചല..)

വസന്തോത്സവത്തിലെ വസുമതീതലത്തിലെ

പീലി വിരിച്ചൊരു സൗന്ദര്യമേ നിൻ

ഗോപുരവാതിൽ തുറന്നു തരൂ

സ്വാഗതഗാനത്താൽ സ്വീകരിക്കൂ (സഹ്യാചല..)

പവിഴ പൊന്മല പടവിലെ കാവിൽ

ഭജന നടത്തുന്നൂ പൂങ്കുരുവീ

ശയനപ്രദക്ഷിണം ചെയ്തൊഴുകുന്നൂ

ശാലീന സുന്ദരി പാലരുവീ

പ്രകൃതി തൻ ക്ഷേത്രത്തിൽ കൊടിയേറ്റ്

വാസന്ത ദേവി തൻ മുടിയേറ്റ്

ഉത്സവക്കളി കണ്ട് നടക്കാമിനി ഈ

പച്ചില ഗോപുരത്തിൽ കഴിയാമിനി (പവിഴ,,)

ഇലകളിൽ മഞ്ഞലയാലഭിഷേകം

ഹൃദയത്തിൽ സ്വപ്നത്താലഭിഷേകം

കാമനും രതിയുമായി ആടാമിനി

ആ രാസലീലാ ഗാഥ പാടാമിനി (പവിഴ..)

കണിക്കൊന്നയല്ല ഞാൻ

കണികാണുന്നതെൻ

കണ്മണി തൻ മോഹ മന്ദസ്മിതം

കനവുകളല്ല ഞാൻ കാണുന്നതവളുടെ

കല്പനാ വൈഭവ മന്ത്രജാലം (കണിക്കൊന്ന..)

മലർമാലയല്ല ഞാൻ മാറിലിടുന്നതെൻ

മാൻ മിഴിയാളുടെ സ്വേദഹാരം

കതിരുകളല്ല ഞാൻ കൊയ്യുന്നതവളുടെ

കവിളത്തു പൂക്കുന്ന പൂങ്കുലകൾ (കണിക്കൊന്ന..)

ഓർമ്മയിലെന്നെന്നും ഒളി തൂകുന്നതെൻ

പ്രേമമയീ തൻ നീലലോചനങ്ങൾ

എൻ ചുണ്ടിൽ പുഞ്ചിരിയായ് വിടരുന്നതാ

ചുംബനപ്പൂവിലെ പൂമ്പൊടികൾ (കണിക്കൊന്ന..)

കുരുത്തോലത്തോരണപന്തലിലെ

കുറുമൊഴി മുല്ലപ്പൂ മണ്ഡപമേ

കൗമാരം തൊട്ടെന്റെ കല്പനാ വീഥിയിൽ

കതിർ മഴ തൂകിയ ഗോപുരമേ (കുരുത്തോല..)

കല്യാണി പൂവിടും നാദസ്വരം

കളിയാക്കി പാടിടും പാദസ്വരം (2)

സങ്കല്പ നക്ഷത്ര ദീപ്തികളൊന്നാകും

ചങ്ങല വട്ട തൻ ദീപനാളം

ആ നിർവൃതി തൻ നിമിഷങ്ങളേ (കുരുത്തോല..)

ആ കണ്ണിന്നൊളി മിന്നും പൊൻ മാംഗല്യം

അതു കാണും നെഞ്ചിലെ പൂഞ്ചില്ലില്ലം

നിറപറ ചൂടുന്ന ചെന്തെങ്ങിൻ പൂക്കുല

നിലവിളക്കേന്തുന്ന നെയ്ത്തിരികൾ

ആ നിർവൃതി തൻ നിമിഷങ്ങളേ (കുരുത്തോല..)

ജാതിമല്ലിപ്പൂമഴയിൽ
ഓമന തൻ പുഞ്ചിരിയിൽ
പൂനിലാവിലിളകിയാടും
പാലരുവി പോലെയായ് ഞാൻ
(ജാതിമല്ലി..)
 
ഇന്ദു തന്റെ മണിയറയിൽ
ഇന്ദ്രനീലവിരികൾ താഴ്ന്നു
മാറിടത്തിൻ മദമിനിയും
മഞ്ഞസാരി മൂടിടുമോ
കാറ്റേ ഈ കാഞ്ചീപുരം പട്ടിൽ നീ
മുഖമണയ്ക്കൂ..
(ജാതിമല്ലി..)
 
ചന്ദനത്തിൻ കുറിയിൽ
സ്വേദബിന്ദു സ്വർണ്ണമണികളായി
മാദകമാ കനകമീ
മൗനച്ചെപ്പിലടങ്ങിടുമോ
കാറ്റേ നീ ഞാനായ്  പോയാ പൂക്കൂട
തുറന്നു നോക്കൂ..
(ജാതിമല്ലി..)

കാവിലമ്മേ അമ്മേ  കാവിലമ്മേ (2)
കാളിയമ്മേ അമ്മേ കാളിയമ്മേ (2)
കളമെഴുതി കൈ കൂപ്പി മുടിയാട്ടം തുള്ളുമീ
കന്യകളേ കാത്തരുളണമേ അമ്മേ
കതിർ മിഴികൾ കനൽമിഴികൾ കനിയേണമേ (കാവിലമ്മേ..)
 
 
അമ്പിളിക്കല ചൂടുന്ന തമ്പുരാന്റെ ജടയിൽ നിന്നു
ചെമ്പരത്തി പൂത്ത പോലെയുണർന്നൊരമ്മേ (2)
ദാരികന്റെ രക്തത്താൽ ചെത്തിപ്പൂമാലയിട്ട
വീരഖഡ്ഗം വീശിയെഴുന്നള്ളുമമ്മേ (2)
കാവുകളും കളരികളും കാത്തരുളേണമേ നിന്റെ
കാൽ ചിലമ്പൊലിയുലകാകെ നിറയണമമ്മേ (2) (കാവിലമ്മേ..)
 

വാർഡുനമ്പറേഴിലൊരു വല്ലാത്ത രോഗി

വാതമല്ല പിത്തമല്ല കഫമല്ല

നഴ്സമ്മേ ക്കാണുമ്പോൾ  നറുമൊഴി കേൾക്കുമ്പോൾ

പൾസിനും ഹാർട്ടിനും പണിമുടക്ക്  (വാർഡ്...)

കയ്പ്പുള്ള മിക്സ്ചറും നഴ്സമ്മ കൊടുക്കുമ്പം

കൽക്കണ്ടത്തിരുമധുരം (2)

ഇഞ്ചക്ഷൻ കൊടുത്താലും ഇഞ്ചിസത്തു കൊടുത്താലും

ഇഞ്ചിഞ്ചായ് രോമാഞ്ചം

ഇഞ്ചിഞ്ചായ് രോമാഞ്ചം  (വാർഡു..)

ഡോക്ടറു കാലത്തു കൊഴൽ വെച്ചു നോക്കുമ്പം

ഹാർട്ട് ഓക്കേ പൾസ് ഓക്കേ

നഴ്സമ്മയടുത്തു വന്ന് പനിക്കുഴൽ വെയ്ക്കുമ്പം

പനി പനി തുള്ളപ്പനി (വാർഡ്..)

ഉണ്ണിപ്പൂങ്കവിളിലൊരുമ്മ കന്നിപ്പൂ മിഴികളിലുമ്മ

അമ്മയ്ക്ക് മാറത്ത് തൂമുത്ത് നീ

അച്ഛന്റെ മോഹത്തിൻ പൂമൊട്ട് ( ഉണ്ണി..)

അമ്പാടിമണിപ്പൈതൽ വിരുന്നു വന്നൂ ഇന്ന്

പഞ്ചാരപാലമൃതു  പകർന്നു തന്നൂ

അമ്പിളിക്കിളിക്കുഞ്ഞു പറന്നു വന്നൂ താഴെ

അമ്മാനക്കളിപന്തിതാരെറിഞ്ഞൂആ..ആ...ആ.. (ഉണ്ണി..)

താഴം പൂ  മെടഞ്ഞൊരു തടുക്കു വെയ്ക്കും ഉണ്ണി

താമരപ്പട്ടുടുത്തു പടിഞ്ഞിരിക്കും

തച്ചോളിക്കഥ പാടിയുടുക്കു കൊട്ടും

പെരുംതച്ചന്റെ കഥ കേട്ടു കരഞ്ഞുറങ്ങും (ഉണ്ണി..)