മരുഭൂമിയിൽ വന്ന മാധവമേ നീ
മടങ്ങിപ്പോകുകയോ
മന്ദസ്മിതത്താലെൻ കണ്ണുനീരൊപ്പിയ നീയും
മരീചികയോ നീ - മടങ്ങിപ്പോകുകയോ

അറിയാതിളം പൈതൽ തെറ്റുചെയ്തീടുകിൽ
അമ്മ പിണങ്ങീടുമോ ആ....
ചിറകറ്റ പൈങ്കിളിതൻ തൂവൽ മുട്ടിയാൽ
ചില്ല ഉണങ്ങീടുമോ - പൂമര ചില്ലയുണങ്ങീടുമോ
(മരുഭൂമിയിൽ..)

പിച്ചനടക്കുമെൻ സ്വപ്നങ്ങൾ ദുഃഖത്തിൻ
ഉച്ചവെയിൽ താങ്ങുമോ
ഊമയാം പൂവിനെ തൊട്ടുതലോടാതെ
ഉഷസ്സേ നീ പോകുമോ - സ്നേഹത്തിൻ
ഉഷസ്സേ നീ പോകുമോ
(മരുഭൂമിയിൽ..)

മഞ്ഞിൽ നീരാടും ചന്ദനലതയോ
മന്ദഹസിക്കും ചന്ദ്രികക്കതിരോ ...
മനോഹരീ നീ മാരകൽപ്പനയോ
മലയാളത്തിൻ കാവ്യഭംഗിയോ....
മഞ്ഞിൽ നീരാടും ചന്ദനലതയോ

രാജസാരസ നർത്തനമാടുന്നു
രാഗഭാവനാ ഹൃദയവേദിയിൽ..
ഓരോ പീലിയും വിടരും നേരം..
ഒരു മിഴി മാത്രം തെളിയുകയായ്.. നിൻ
കരിമിഴി മാത്രം തെളിയുകയായ്...
മഞ്ഞിൽ നീരാടും ചന്ദനലതയോ

രാജകദംബം പൂത്തുലയുന്നു
രാജീവനയനേ നാം വലയുന്നു..
ഗീതഗോവിന്ദ ഗീതങ്ങൾ പാടി
പാതയിലാടുന്നു പൂന്തെന്നൽ.. നിൻ
പൂമേനി തഴുകുന്നു പൂന്തെന്നൽ...

മാനത്തു നിന്നൊരു നക്ഷത്രം വീണു..
മണ്ണിൽ വന്നപ്പോൾ കന്യകയായി..
കന്യകതൻ ചിരി കനകവസന്തം
കണ്മണിതൻ ചുണ്ടിൽ കസ്തൂരിഗന്ധം..
(മാനത്തു.. )

നക്ഷത്രപ്പൂവിനെ എത്തിപ്പിടിച്ചു
സ്വപ്നം പോലൊരു പ്രേമസ്വരൂപൻ
പ്രേമസ്വരൂപൻ...
(മാനത്തു.. )

മണ്ണിലെ വർണ്ണങ്ങൾ ചൂടിയ പൂവേ
വിണ്ണിലേക്കെന്നെ ഉയർത്തുകയില്ലേ
നിന്നനുഭൂതി തൻ സ്വർണ്ണരഥത്തിൽ
എന്നെക്കൂടി ഇരുത്തുകയില്ലേ
ഇരുത്തുകയില്ലേ...

പൂർ‍ണ്ണേന്ദു മുഖിയോടമ്പലത്തിൽ വച്ചു 

പൂജിച്ച ചന്ദനം ഞാൻ ചോദിച്ചു 

കണ്മണിയതു കേട്ടു നാണിച്ചു നാണിച്ചു 

കാൽനഖം കൊണ്ടൊരു വരവരച്ചു 

ആരാധന തീർന്നു നടയടച്ചു 

ആൽത്തറവിളക്കുകൾ കണ്ണടച്ചു 

ആളുകളൊഴിഞ്ഞു അമ്പലക്കുളങ്ങരെ 

അമ്പിളി ഈറൻ തുകിൽ വിരിച്ചു

 (പൂർണ്ണേന്ദു മുഖി) 

ചന്ദനം നൽകാത്ത ചാരുമുഖീ 

നിൻ മനം പാറുന്നതേതുലോകം 

നാമിരുപേരും തനിച്ചിങ്ങു നിൽക്കുകിൽ 

നാട്ടുകാർ കാണുമ്പോൾ എന്തു തോന്നും 

(പൂർണ്ണേന്ദു മുഖി)

അശ്വതി നക്ഷത്രമേ എന്‍ അഭിരാമസങ്കല്‍പ്പമേ 
ഹൃദയാംബരത്തിലെ മുകിലാംബരത്തിലെ 
മറയാത്ത മംഗല്യമേ 
അശ്വതി നക്ഷത്രമേ എന്‍ അഭിരാമസങ്കല്‍പ്പമേ 

ആദ്യ താരമായ് ആദ്യാനുരാഗമായ് 
അഴകേ എന്‍ ഹൃദയത്തില്‍ നീ വിടര്‍ന്നു
ഒരു താരം മാത്രം ഉദിക്കുന്ന മാനം 
ഹൃദയേശ്വരി എന്‍ മനസ്സെന്ന മാനം 
അശ്വതി നക്ഷത്രമേ എന്‍ അഭിരാമസങ്കല്‍പ്പമേ 

പോയ യുഗങ്ങളില്‍ നമ്മള്‍ അജ്ഞാതമാം 
മായയാല്‍ ഇതുപോല്‍ അടുത്തിരിക്കാം 
അണയാത്ത രാഗം അമലേ നിന്‍ രാഗം 
അതിനായെന്‍ ഉള്ളില്‍ നിലയ്ക്കാത്ത ദാഹം 

മഞ്ഞിൻ ചിറകുള്ള വെള്ളരിപ്രാവേ
ഉള്ളിന്റെ ഉള്ളിൽ തിരയുന്നതെന്തേ
മൗനം മയങ്ങുന്ന
മോഹങ്ങളാണോ
തൂവൽത്തുമ്പിലെ സിന്ദൂരമാണോ....

നളിനങ്ങൾ നീന്തുന്ന നയനങ്ങളിൽ
നിഴൽ പോലെ വന്നു ഞാനേഴഴകേ
പവിഴങ്ങൾ ചോരുന്ന ചുണ്ടിൽ നിന്നും
പൊഴിയുന്നതെന്നുമെൻ നാമമല്ലേ
അറിയാതെ കാൽ‌വിരൽ കുറിമാനമെഴുതുന്നുവോ..
ദേവീ..ദേവീ..ദേവീ....
[അമ്മലയില് പൊമ്മലയിലൊരോമല്ക്കൂട്ടില്
ചേക്കേറും കിളിയമ്മേപ്പോല്-കുക്കൂ കുക്കൂ]

ഇന്നലെ നീയൊരു സുന്ദരരാഗമായെൻ
പൊന്നോടക്കുഴലിൽ വന്നൊളിച്ചിരുന്നു
മാമകകരാംഗുലീ ചുംബനലഹരിയിൽ
പ്രേമസംഗീതമായ് നീ പുറത്തു വന്നു
ഇന്നലെ നീയൊരു സുന്ദരരാഗമായെൻ
പൊന്നോടക്കുഴലിൽ വന്നൊളിച്ചിരുന്നു

മാനത്തെ മട്ടുപ്പാവിൽ താരകാനാരിമാരാ
ഗാനനിർഝരി കേട്ടു തരിച്ചു നിന്നു
നീലമാമരങ്ങളിൽ ചാരിനിന്നിളം തെന്നൽ
താളമടിക്കാൻ പോലും മറന്നു പോയി
ഇന്നലെ നീയൊരു സുന്ദരരാഗമായെൻ
പൊന്നോടക്കുഴലിൽ വന്നൊളിച്ചിരുന്നു

തരളിത രാവിൽ മയങ്ങിയോ സൂര്യമാനസം
വഴിയറിയാതെ വിതുമ്പിയോ
മേഘനൊമ്പരം
ഏതു വിമൂക തലങ്ങളിൽ ജീവിതനൌകയിതേറുമോ
ദൂരെ ദൂരെയായെൻ
തീരമില്ലയോ
(തരളിത രാവിൽ)

എവിടെ ശ്യാമകാനന രംഗം
എവിടെ തൂവലുഴിയും
സ്വപ്നം
കിളികളും പൂക്കളും നിറയുമെൻ പ്രിയവനം
ഹൃദയം നിറയുമാർദ്രതയിൽ
പറയൂ‍ സ്നേഹകോകിലമേ
ദൂരെ ദൂരെയായെൻ തീരമില്ലയോ
(തരളിത രാവിൽ)

ആ......ആ.....ആ...
ആലില മഞ്ചലിൽ നീയാടുമ്പോൾ
ആടുന്നു
കണ്ണായിരം
ചാഞ്ചക്കം താമര പൂമിഴിയിൽ
ചാഞ്ചാടും സ്വപ്നമേതോ
പൂവും പൊന്നും
തേനും
നാവിൽ തേച്ചതാരോ
പാവക്കുഞ്ഞും കൂടെ ആട്
(ആലില മഞ്ചലിൽ)

പൂരം
നാളല്ലോ പേരെന്താകേണം
ഓമൽക്കാതിൽച്ചൊല്ലാം
നാഗം കാക്കും കാവിൽ നാളേ പൂവും
നീരും
ഉണ്ണിക്കൈകാൽ വളര് തിങ്കൾ പൂപോൽ വളര്
(ആലില
മഞ്ചലിൽ)

ആ...ആ...ആ...ആ...ആ...

ശ്രീലതികകൾ തളിരണിഞ്ഞുലയവേ

വാ കിളിമകളേ തേൻകുളുർമൊഴിയേ

അരിയൊരീയൂഞ്ഞാൽ അതിലിരുന്നാടൂ

കനകലിപികളിലെഴുതിയ കവിതതൻ അഴകെഴും

(ശ്രീലതികകൾ)

ഏഴുസാഗരവുമേറ്റുപാടുമൊരു രാഗമായുണരു നീ

പോരികെൻ തരള നാദമായ്

മധുരഭാവമായ് ഹൃദയഗീതമായ് വരിക

ഏഴുസാഗരവുമേറ്റുപാടുമൊരു രാഗമായുണരു നീ

സരിമ സരിമപ സരിമപനി സരിമപനിസ സരിമപനിസരി രിമപനിസരിമപ....ആ....

(ശ്രീലതികകൾ)

ഏഴുപൊൻ‌തിരികൾ പൂത്തുനിൽക്കുമൊരു ദീപമായുണരു നീ...

പോരികെൻ കരളിലാകവേ

മലയസാനുവിൽ നിറനിലാവുപോൽ വരിക