അഷ്ടമിരോഹിണി രാത്രിയിൽ
അമ്പല മുറ്റത്ത് നിൽക്കുമ്പോൾ
ആല വിളക്കിന്റെ നീല വെളിച്ചത്തിൽ
അന്നു ഞാനാദ്യമായ്‌ കണ്ടു - ഈ മുഖം
അന്നു ഞാനാദ്യമായ്‌ കണ്ടു

ചുറ്റും പ്രദക്ഷിണ വീഥിയിൽ ആ... 
അങ്ങയെ ചുറ്റി നടന്നൊരെൻ മോഹം (2)
ഓരോ ദിവസവും പൂത്തു തളിർക്കുന്നു
കോരിത്തരിക്കുന്നു ദേഹം (2)
 ഹാ ഹായ്ഹായ്...ആ... 
(അഷ്ടമി... )

ഒന്നല്ലൊരായിരം നാളുകൾ ഇങ്ങനെ
ഓമൽ പ്രതീക്ഷകളോടേ
കണ്ണൻ വരും വരെ കാത്തിരുന്നീടുമീ -
വൃന്ദാവനത്തിലെ രാധ
 ഹാ ഹായ്ഹായ്...ആ... 
(അഷ്ടമി... )

അഷ്ടമുടിക്കായലിലെ 
അന്നനടത്തോണിയിലെ 
ചിന്നക്കിളി ചിങ്കാരക്കിളി -ചൊല്ലുമോ 
എന്നെ നിനക്കിഷ്ടമാണോ 
ഇഷ്ടമാണോ
(അഷ്ടമുടി... )

ഓളങ്ങള്‍ ഓടിവരും നേരം 
വാരിപ്പുണരുന്നു തീരം വാരി
വാരി വാരിപ്പുണരുന്നു തീരം 
മോഹങ്ങള്‍ തേടിവരും നേരം 
ദാഹിച്ചു നില്‍ക്കുന്നു മാനസം 
എന്‍ മനസ്സിലും നിന്‍ മനസ്സിലും 
ഇന്നാണല്ലോ പൂക്കാലം 
പൊന്നു പൂക്കാലം
(അഷ്ടമുടി... )

ഗാനങ്ങള്‍ മൂളിവരും കാറ്റേ 
മാറോടണയ്ക്കുന്നു മാനം - നിന്നെ 
മാറോടണയ്ക്കുന്നു മാനം 
കൂടെത്തുഴഞ്ഞു വരും നേരം 
കോരിത്തരിയ്ക്കുന്നു ജീവിതം 

സുറുമയെഴുതിയ മിഴികളെ
പ്രണയമധുര തേൻ തുളുമ്പും
സൂര്യകാന്തി പൂക്കളേ
(സുറുമ... )

ജാലകത്തിരശ്ശീല നീക്കി
ജാലമെറിയുവതെന്തിനോ 
തേൻ പുരട്ടിയ മുള്ളുകൾ നീ
കരളിലെറിയുവതെന്തിനോ 
(സുറുമ... )

ഒരു കിനാവിൻ ചിറകിലേറി
ഓമലാളെ നീ വരൂ
നീലമിഴിയിലെ രാഗലഹരി
നീ പകർന്നു തരൂ തരൂ
(സുറുമ... )

സ്വരരാഗരൂപിണീ സരസ്വതീ 
സ്വര്‍ണ്ണ സിംഹാസനമെവിടെ
സ്വരരാഗരൂപിണീ സരസ്വതീ 
സ്വര്‍ണ്ണ സിംഹാസനമെവിടെ

പുഷ്പിത വനഹൃദയങ്ങളിലൂടെ 
സ്വപ്നഹംസ രഥമേറി (പുഷ്പിത..)
കലയുടെ ഹിമാവാഹിനികള്‍ നിന്നെ 
കാണാനലയുകയല്ലോ
കാണാനലയുകയല്ലോ 
സ്വരരാഗരൂപിണീ സരസ്വതീ 
സ്വര്‍ണ്ണ സിംഹാസനമെവിടെ

നിത്യ വസന്തം ...നര്‍ത്തനമാടും ...
നിന്‍ തിരു സന്നിധിയില്‍ ...
വിശ്വ സൌന്ദര്യം ...വീണമീട്ടുമീ...
വിളക്കുമാടപ്പടവില്‍ ...

ദ്വാരകേ...ദ്വാരകേ...
ദ്വാപരയുഗത്തിലെ പ്രേമസ്വരൂപന്റെ
സോപന ഗോപുരമേ
കോടിജന്മങ്ങളായ്‌ നിൻ സ്വരമണ്ഡപം
തേടിവരുന്നു മീരാ നൃത്തമാടിവരുന്നു മീര
ദ്വാരകേ ദ്വാരകേ
ദ്വാപരയുഗത്തിലെ പ്രേമസ്വരൂപന്റെ
സോപന ഗോപുരമേ

വാർമുടി പിന്നിത്തരാം വാൽക്കണ്ണെഴുതിത്തരാം
സംഗീത പാഠം നൽകാം
ശൃംഗാര പൂമകളെ
സമ്മതം നൽകാമോ നീ മധുര ഹാർമോണ്യമെ
(വാർമുടി)

അരയക്കുടിയുടെ കാംബോജിയുണ്ട്‌
ശെമ്മാങ്കുടിയുടെ പൊൻ തോടിയുണ്ട്‌
രവിശങ്കർ വയിച്ച ദർബാരിയുണ്ട്‌
രാഗങ്ങൾ ഓമനയ്ക്ക്‌ അനുരാഗം മേമ്പൊടിയ്ക്ക്‌
സകല കലാവല്ലഭൻ
ഞാൻ സകലകലാവല്ലഭൻ വല്ലഭൻ
കലാവല്ലഭൻ
(വാർമുടി)

ഇന്ദുകമലം ചൂടി
സിന്ധുഭൈരവി പാടി
പ്രാണസഖീ നീയൊരുക്കിയ
പ്രേമഹാരം വാടി (2)
(ഇന്ദു)

നീലരാവിൻ നീരദവാനിലെ
ശാരദ ചന്ദ്രിക പോലെ
ആർദ്രയായ്‌ വന്നു നീ യാത്ര ചോദിച്ച നേരം
കാർത്തികതാരകം പൊലിഞ്ഞുപോയി
പൊലിഞ്ഞുപോയി
(ഇന്ദു)

പാടിത്തളർന്നെന്റെ മാറിലൊതുങ്ങി നീ
മാടപ്പിറാവിനെ പോലെ
ആദ്യമായ്‌ അന്നു നീ അന്ത്യ ചുംബനം നൽകെ
രാക്കിളികൾ കൂടി കരഞ്ഞുപോയി
കരഞ്ഞുപോയി
(ഇന്ദു)

ചിരിക്കുമ്പോൾ നീയൊരു സൂര്യകാന്തി
കരയുമ്പോൾ നീയൊരു കതിരാമ്പൽ
ഉറങ്ങുമ്പോൾ എൻ പ്രിയരാത്രിഗന്ധീ
ഉണരുമ്പോഴോമന ഉഷമലരി
ചിരിക്കുമ്പോൾ നീയൊരു സൂര്യകാന്തി
കരയുമ്പോൾ നീയൊരു കതിരാമ്പൽ

പാടുമ്പോൾ നീയൊരു പാലരുവി
പളുങ്കൊളി ചിന്നുന്ന തേനരുവി
പരിഭവം കൊള്ളുമ്പോൾ തേൻകുരുവി
പഴിചൊല്ലി ചിലയ്ക്കുന്ന പൂങ്കുരുവീ
പഴിചൊല്ലി ചിലയ്ക്കുന്ന പൂങ്കുരുവീ
ചിരിക്കുമ്പോൾ നീയൊരു സൂര്യകാന്തി
കരയുമ്പോൾ നീയൊരു കതിരാമ്പൽ
ആ... ആ...ആ...

ദേവഗായകനെ ദൈവം ശപിച്ചു
ഭൂമിയിൽ വന്നവൻ യാചിച്ചു
നൊമ്പരക്കിളിയുടെ വർണശലാകകൾ
സുന്ദരരാഗമായുയർന്നൂ - വാനിൽ
സുന്ദരരാഗമായുയർന്നൂ

ഒരു തന്ത്രി മാത്രം തൊടുത്ത തൻ തമ്പുരു
ഉയിരോടു ചേർത്തവൻ നടന്നൂ
അരുണോദയത്തിൻ അമ്പല നടയിൽ
അഗ്നിവിളക്കായ്‌ എരിഞ്ഞൂ 
ദേവഗായകനെ ദൈവം ശപിച്ചു
ഭൂമിയിൽ വന്നവൻ യാചിച്ചു

നെഞ്ചെരിഞ്ഞുയരുന്ന പുക കണ്ടു ലോകം
പുഞ്ചിരിയാണെന്നു പറഞ്ഞൂ
ഗദ്ഗദം ശാരീരശുദ്ധിയായ്‌ കരുതീ
കണ്ണുനീർ ഭാവമായ്‌ കരുതീ

മാരിവിൽ ഗോപുര വാതിൽ തുറന്നു
മാലാഖയായ്‌ നീ വന്നൂ
ആദ്യാനുരാഗത്തിൻ ഹർഷാനുഭൂതിയിൽ
ആത്മാവിന്നാരാമം പൂത്തു
(മാരിവിൽ)

മണ്ണിലെ മോഹത്തിൻ തളിരായ്‌ വിടർന്ന ഞാൻ
എൻ നില പാടെ മറന്നു പോയി
മണ്ണിലെ മോഹത്തിൻ തളിരായ്‌ വിടർന്ന ഞാൻ
എൻ നില പാടെ മറന്നു പോയി
ആരോമലാളുമൊത്താകാശ തീർത്ഥത്തിൽ
ആറാടുവാൻ ഞാൻ കൊതിച്ചു പോയി
(മാരിവിൽ)

ചെല്ലച്ചിറകു വളരാത്ത ഞാനെന്റെ
കല്യാണമണ്ഡപം തേടി
എന്നിലെ മാനത്ത്‌ പൊങ്ങിപ്പറക്കുവാൻ
എന്തിനായ്‌ മാടി വിളിച്ചൂ
(മാരിവിൽ)