നൂതനഗാനത്തിൻ യമുനാ തീരത്തിൽ(2) 
നൂപുര ധ്വനികൾ മുഴങ്ങട്ടെ(2) 
നിറയ്കൂ നിങ്ങൾ നിറയ്കൂ - വീണ്ടും 
നിർവൃതി തൻ പാനപാത്രം (2) 
ആ....

പാവന പ്രണയത്തിൻ സങ്കൽപ സാമ്രാജ്യ
ബാദുഷയല്ലോ ഞാൻ - സഖിമാരെ
ബാദുഷയല്ലോ ഞാൻ
ചിരിയ്ക്കൂ ഒന്നു ചിരിയ്ക്കൂ
തങ്കചിലങ്കയും നിങ്ങളും ഒരുപോലെ
ചിരിയ്ക്കൂ ഒന്നു ചിരിയ്ക്കൂ
തങ്കചിലങ്കയും നിങ്ങളും ഒരുപോലെ
ആ.... 
നൂതനഗാനത്തിൻ യമുനാ തീരത്തിൽ
നൂപുര ധ്വനികൾ മുഴങ്ങട്ടെ(2) 

ഇന്ദുലേഖതൻ പൊൻ കളിതോണിയിൽ
ഇന്നലെ ഞാൻ നിന്നെ കൊണ്ടുപോയീ(2)
നിദ്രാസമുദ്രത്തിൻ തീരത്തു നമ്മുടെ
നിശ്ചയതാംബൂലം നടന്നു
(ഇന്ദുലേഖ..)

വെണ്മുകിൽ മാലകൾ തോരണം കെട്ടിയ
സുന്ദരവാസന്ത മണ്ഡപത്തിൽ (വെണ്മുകിൽ)
ജാതിയും മുല്ലയും പൂമഴ പൊഴിച്ചപ്പോൾ (2)
ജാതകം കൈമാറി നമ്മൾ
(ഇന്ദുലേഖ..)

വാനവും ഭൂമിയും സാക്ഷികളായ്‌ നിന്നു
വാരിധി തരംഗങ്ങൾ കുരവയിട്ടു (വാനവും)
മോദബാഷ്പത്തിന്റെ വൈഡൂര്യം പതിച്ചുള്ള(2)
മോതിരം കൈമാറി നമ്മൾ
(ഇന്ദുലേഖ..)

കണ്ണീരും സ്വപ്നങ്ങളും
വിൽക്കുവനായ്‌ വന്നവൻ ഞാൻ
ഇന്നു നിന്റെ മന്ദിരത്തിൻ
സുന്ദരമാം ഗോപുരത്തിൽ
കണ്ണീരും സ്വപ്നങ്ങളും

കണ്മഷിയും കുങ്കുമവും
കരിവളയും വാങ്ങിടുവാൻ (2)
കണ്മണി നീ ഓടി വന്നൂ (2)
പൊൻപണമായ്‌ മുന്നിൽ നിന്നു
കണ്ണീരും സ്വപ്നങ്ങളും
വിൽക്കുവനായ്‌ വന്നവൻ ഞാൻ
കണ്ണീരും സ്വപ്നങ്ങളും

ജീവിതമെന്നാൽ നിനക്കൊരു
മാതളപ്പൂ മലർവനംതാൻ (2)
ജീവിതമീ പാവങ്ങൾക്കോ 
പാദം പൊള്ളും പാഴ്‌മരു താൻ
കണ്ണീരും സ്വപ്നങ്ങളും
വിൽക്കുവനായ്‌ വന്നവൻ ഞാൻ
കണ്ണീരും സ്വപ്നങ്ങളും

അംഗനയെന്നാൽ വഞ്ചന തന്നുടെ
മറ്റൊരു നാമം - പാരിൽ
അംഗനയെന്നാൽ
മഹാവിപത്തിൻ മറ്റൊരു രൂപം
അംഗനയെന്നാൽ വഞ്ചന തന്നുടെ
മറ്റൊരു നാമം

നെഞ്ചിലിരിക്കും ഭാവം കപടം
പുഞ്ചിരി വെറുമൊരു മൂടുപടം
മലർമിഴിമൂടും മായാവലയം
മാറ്റുകിലവിടം മറ്റൊരു നരകം
(അംഗനയെന്നാൽ ..)

നാരീമണികൾ നരജീവിതത്തിൽ
നരകം തീർക്കും വിഷപുഷ്പങ്ങൾ
മദകരസൌരഭമേറ്റുമയങ്ങിയടുത്തോ
പൂർണ്ണവിനാശം തന്നേ
 

മുല്ലമലർ തേൻകിണ്ണം മല്ലിപ്പൂ മധുപാത്രം
പാടി നടക്കും തെന്നലിനിന്നൊരു 
പാനോൽസവവേള - മധു
പാനോൽസവവേള
(മുല്ലമലർ..)

എന്റെ മിഴിയിലെ സ്വപ്നശതങ്ങൾ
നൃത്തമാടും വേള
ഏന്റെ ഹൃദയസ്വർഗ്ഗസദസ്സിൽ 
മണിവീണാ ഗാനമേള 
(മുല്ലമലർ..)

ഇന്നു വിരിയും ചൈത്രവനത്തിൽ 
നമ്മളാടും ലീല - നമ്മളാടും ലീല
കണ്ടു മുന്തിരി വള്ളികൾ മുന്നിൽ 
പണിയുന്നു പൊന്നൂഞ്ഞാലാ 
(മുല്ലമലർ..)

മലയമാരുത രഥത്തിലേറി 
മന്ദമെത്തി ദേവൻ
പൂത്തുവിരിയും നിന്നുടെ ചുണ്ടിലെ
പൂങ്കുല കവരാനായി 
(മുല്ലമലർ..)

ഒരിയ്ക്കലെൻ സ്വപ്നത്തിന്റെ
ശരൽക്കാല കാനനത്തിൽ
ചിരിച്ചും കൊണ്ടോടിയോടി
വന്നൂ നീ (ഒരിയ്ക്കലെൻ...)

താമരമിഴിയിൽ ആ.....ആ....
താമരമിഴിയിൽ തിളക്കമുള്ളൊരു
താപസകന്യകയായീ ആ....ആ‍...
നീയന്നു ദേവയാനിയായി
ഞാനന്നു കചനെന്ന കുമാരനായി

രാജകുമാരി നിന്നെ കാത്തു
രാജാങ്കണത്തിൽ ഞാൻ ലാ..ലാ..ലാ.. 
നീയന്നു ജൂല്യറ്റായി
ഞാനന്നു പ്രേമധനൻ റോമ്യോയായി

മാലിനിതന്നുടെ കരയിൽ കൂടെ
മാനിനെതേടി തോഴി ആഹാഹാ...ആ..
നീയന്നു ശകുന്തളയായി
ഞാനന്നു ദുഷ്യന്തനാം മന്നവനായി
 

മണ്ണെറിഞ്ഞാല്‍ പൊന്നു വിളയും
മലയാളക്കരയില്‍
കല്യാണക്കിളി കാരോലക്കിളി
പൊന്നോണത്തിനു വന്നാട്ടേ 
വന്നാട്ടേ - വന്നാട്ടേ.... 
(മണ്ണെറിഞ്ഞാല്‍... )

ചെങ്കോട്ട കോട്ട കടന്ന് 
വയനാടന്‍ കുന്നു കടന്ന്
തങ്കത്തിന്‍ ചിറകും വീശി 
താഴോട്ടങ്ങിനെ വന്നാട്ടെ
കല്യാണക്കിളി കാരോലക്കിളി
പൊന്നോണത്തിനു വന്നാട്ടേ 
വന്നാട്ടേ - വന്നാട്ടേ..

ഇത്തിരിനെല്ലേ പാണ്ടിനെല്ലേ
ഇന്നല്ലേ നമ്മുടെ കേരളത്തില്‍
പുത്തരി കൊയ്യും പാവങ്ങള്‍ക്കും
പട്ടിണികൊണ്ടാണത്താഴം
പട്ടിണികൊണ്ടാണത്താഴം

ചേട്ടത്തിയമ്മ - എന്റെ ചേട്ടത്തിയമ്മ (2)
നാട്ടുകാർ കണ്ട് തൊഴും നവരത്നദീപമായ്
വീട്ടിൽ വിളങ്ങണമെൻ ചേട്ടത്തിയമ്മ (2)
ചേട്ടത്തിയമ്മ - എന്റെ ചേട്ടത്തിയമ്മ

വീട്ടിൽ വലത്തുകാൽ വെയ്ക്കുന്ന നാൾ തൊട്ടെ
കൂട്ടത്തിൽ കൂടിയിരിയ്ക്കണം (2)
കാലത്തും നേരത്തും ഉണ്ണാത്ത ചേട്ടനെ
കാഞ്ഞിരവടി വെട്ടി തല്ലണം (2) - കേട്ടോ‍
ചേട്ടത്തിയമ്മ - എന്റെ ചേട്ടത്തിയമ്മ

പട്ടണക്കാരിയായ് ചുറ്റി നടക്കുന്ന
പച്ചപ്പരിഷ്കാരി ആകരുതേ (2)
ചോടും കണിയുമായ് ആടിയില്ലെങ്കിലും
ചോറും കറിയുമൊരുക്കണം
ചേട്ടത്തിയമ്മ - എന്റെ ചേട്ടത്തിയമ്മ

പണ്ടു നമ്മൾ കണ്ടിട്ടില്ല പവിഴമല്ലിപ്പൂവനത്തിൽ
പാട്ടു പാടി പാട്ടു പാടി ഓടിയിട്ടില്ല
(പണ്ടു നമ്മൾ... )

അച്ഛനമ്മമാരീ ബന്ധം നിശ്ചയിച്ച നാളിൽ പ്രേമം
പിച്ച വെച്ചു പിച്ച വെച്ചു മനസ്സിലെത്തി (2) - മാരൻ
പിച്ചകപ്പൂവമ്പുമായി മനസ്സിലെത്തി (2)
(പണ്ടു നമ്മൾ... )

കവിഹൃദയം ഉള്ളവൻ കലാലോക ഗന്ധർവ്വൻ
കണ്ടാലോ സുന്ദരൻ എന്റെ തോഴൻ (2)
പൗർണ്ണമി പാലൊളി വെണ്ണിലാ പെണ്ണേ നീ
കല്യാണ ചെറുക്കനെ കണ്ണു വെയ്ക്കരുതെ (2)- എന്റെ
കല്യാണ ചെറുക്കനെ കണ്ണു വെയ്ക്കരുതെ

മറ്റൊരു സീതയെ കാട്ടിലേക്കയയ്ക്കുന്നൂ
ദുഷ്ടനാം ദുര്‍വിധി വീണ്ടും - ഇതാ
ദുഷ്ടനാം ഉര്‍വിധി വീണ്ടും 
(മറ്റൊരു... )

യുഗങ്ങള്‍ കഴിഞ്ഞിട്ടും ജഗം തന്നെ മാറിയിട്ടും
ചരിത്രത്തിന്‍ ചക്രം വീണ്ടും തിരിയുന്നൂ (2)
കണ്ണുനീര്‍മുകിലുകള്‍ കവിളത്തു പെയ്യുമീ-
പെണ്ണിന്റെ നൊമ്പരം ആരറിയാന്‍ (2)

വേര്‍പിരിഞ്ഞകലുന്ന നിന്നിണക്കിളിയുടെ
വേദന കുലുങ്ങാതെ കണ്ടുനില്‍ക്കാന്‍ (2)
രാമനല്ലല്ലോ നീ - ഓ.. ഓ..
രാമനല്ലല്ലോ നീ - രാജാവുമല്ലല്ലോ
കേവലനാമൊരു മനുജന്‍ 
രാമനല്ലല്ലോ നീ രാജാവുമല്ലല്ലോ
കേവലനാമൊരു മനുജന്‍ 
(മറ്റൊരു... )