അമ്മേ നിളാദേവി പൈതലായ് പണ്ടു ഞാൻ
 നിൻ മടിത്തട്ടിൽ നീന്തി തുടിയ്ക്കവേ (൨)
കണ്ടതാം നിന്റെ കമനീയരൂപമോ
കണ്ടാൽ അറിയാതിന്നെന്തേ വിവശയായ്
(അമ്മേ നിളാദേവി പൈതലായ് .. .. )

കുഞ്ചന്റെ മഞ്ചീര നാദതാളങ്ങളിൽ
തുഞ്ചന്റെ പൈങ്കിളി പിൻപാട്ടു പാടവേ (൨)
മേനിയിൽ പുഷ്പാഭരണങ്ങൾ ചാർത്തി നീ
മോഹിനിയാട്ടം നടത്തിയീ വേദിയിൽ
അമ്മേ നിളാദേവി പൈതലായ് പണ്ടു
ഞാൻ നിൻ മടിത്തട്ടിൽ നീന്തി തുടിയ്ക്കവേ

ആനംത നംത നംതനനം ആനംതന നംതനനം

അർദ്ധനാരീശ്വരം ദിവ്യം

അർത്ഥമദ്വൈത സാരം

മോക്ഷം തേടിപ്പോകും ജീവാത്മാവുകളല്ലോ

നാമീ ഭൂവിൻ ശിവശക്തി സംഗമതീരം....

ആ......

ആത്മാവിന്നാശ്രമ വാടിയിലിന്നുനീ

ആയിരംചിറകുമായ് പരന്നുവന്നൂ

ഓംകാരമന്ത്ര ധ്വനികളിലിവളുടെ

മോഹാന്ധതയെല്ലാം വീണുടഞ്ഞൂ

ചതുർവ്വേദങ്ങളിൽ.........

ചതുർവ്വേദങ്ങളിൽ സ്മൃതികാവ്യഭൂമിയിൽ

പുണ്യം തേടും താപസനല്ലോ ഞാൻ

എന്നെ പൂജാമലരായ് സ്വീകരിയ്ക്കൂ നീ...

ആനംത നംതന നംതനനം

ദേവാ നിൻ തിരുമുന്നിൽ തിരിയിട്ടു നിൽക്കും

യവനകഥയിൽ നിന്നു വന്ന ഇടയകന്യകേ
വയന പൂത്ത വഴിയിലെന്തെ വെറുതെ നിൽപ്പു നീ
യമുനയൊഴുകും വനികയിലെ വേണുഗായകാ
മുരളി പാടും പാട്ടിൽ സ്വയം മറന്നു നിന്നു ഞാൻ
തമ്മിൽ തമ്മിൽ അന്നാദ്യമായ്‌ കണ്ടു
നിന്നെ കാണാനെൻ കണ്ണുകൾ പുണ്യം ചെയ്തു

യവനകഥയിൽ നിന്നു വന്ന ഇടയകന്യകേ
യമുനയൊഴുകും വനികയിലെ വേണുഗായകാ

രാവിൻ തങ്കത്തോണിയേറി എൻ അരമനതൻ
അറയിലിവൾ ആരും കാണാതിന്നു വന്നു
പ്രേമലോലയായ്‌ ചെഞ്ചൊടിയിണതൻ
പുഞ്ചിരിയിൽ തൂവെണ്ണിലാവുതിർന്നൂ
രാപ്പാർക്കാൻ ഇടമുണ്ടോ
ഇടനെഞ്ചിൽ കൂടുണ്ട്‌
നീർമാതളം പൂചൂടും കാലം വന്നു

സ്വപ്നമരാളികേ നിന്റെ പൊന്‍തൂവലാല്‍
തൊട്ടുണര്‍ത്തൂ തൊട്ടുണര്‍ത്തൂ
നിദ്രതന്‍ നീലോല്‍പലത്തില്‍
മയങ്ങുന്ന മുഗ്ദ്ധ സങ്കല്‍പ്പത്തെ വീണ്ടും  (സ്വപ്ന മരാളികേ ...)

ഹേമന്ത രാവിന്റെ  തീരത്തു ശശിലേഖ
പ്രേമ സമാധിയില്‍ മുഴുകീ (2)
മേദിനി വിരിച്ചപൂമെത്തയില്‍ ഇളം തെന്നല്‍
മേഘസന്ദേശം വായിച്ചുറങ്ങീ  (സ്വപ്ന മരാളികേ ...)

താലവനങ്ങളില്‍ പാതിരാക്കുയിലിന്റെ
കോമള സംഗീതമൊഴുകീ (2)
ജാലകച്ഛായയില്‍ ഞാനൊരു ഗന്ധര്‍വ്വ
രൂപനെ ധ്യാനിച്ചിരുന്നു (സ്വപ്നമരാളികേ..)

----------------------------------------------------------------

മൗനം സ്വരമായ് എൻ പൊൻ വീണയിൽ
സ്വപ്നം മലരായ് ഈ കൈക്കുമ്പിളിൽ
ഉണരും സ്മൃതിയലയിൽ ആരോ സാന്ത്വനമായ്
മുരളികയൂതി ദൂരെ ആ......
ഉം...ഉം..ഉം....
ജന്മം സഫലം എൻ ശ്രീരേഖയിൽ
സ്വപ്നം മലരായ് ഈ കൈക്കുമ്പിളിൽ

അറിയാതെയെൻ തെളി വേനലിൽ
കുളിർമാരിയായ് പെയ്തു നീ (2)
നീരവരാവിൽ ശ്രുതി ചേർന്നുവെങ്കിൽ
മൃദുരവമായ് നിൻ ലയമഞ്ജരി
ആ..ആ.ആ ഉം..ഉം..
സ്വപ്നം മലരായ് ഈ കൈക്കുമ്പിളിൽ
ജന്മം സഫലം എൻ ശ്രീരേഖയിൽ

കാതോരം കവിത മൂളും
കാണാകാറ്റിൻ തണുവേൽക്കേ
പനിനീർ നനവുപോലെ
തോരാമഴ തൻ കുളിരേൽക്കേ
മനസ്സിനുള്ളിൽ പതിയെ വീണ്ടും
പഴയ ബാല്യം പൂക്കുന്നു (2) (കാതോരം..)

ലോകാധിപാ കാന്താ കരുണാലയമേ വാഴ്ക
ഉണ്ണിയായ് ഞാനമ്മേ നിൻ
നെഞ്ചിൽ ചായുമ്പോൾ
പൂ‍മ്പാലമൃതു നൽകുന്നു
ഓമനത്തിങ്കൾക്കിടാവോ ആരിരോ
പിച്ച വെയ്ക്കാനായുമ്പോൾ
മണ്ണിൽ വീഴുമ്പോൾ
പിന്നിൽ താങ്ങായ് നിൽക്കുന്നു
നാവിന്തുമ്പിലേതോ പുണ്യം
നാമാക്ഷരമായ് വിടരുന്നു (2)  (കാതോരം..)

ചെന്താമരയേ വാ
മന്ദാകിനിയായ് വാ
ചന്ദനമുകിലായ് വാ
കുളിരിൻ മണിമഴയായ് (ചെന്താമര...)

ഹേയ് കണ്ണാടിക്കവിളിലൊരുമ്മ
പെണ്ണെ നിൻ നാണം ചുവന്നോ
എൻ നെഞ്ചിൽ തുടികൊട്ടും താളം
പൊന്നേ നീ തിരിച്ചറിഞ്ഞോ
കാറ്റലയായ് കുറുനിരകൾ
മാടിയൊതുക്കും ഞാൻ
പാദസരങ്ങൾ പല്ലവി പാടും പ്രണയഗാനം മൂളാം ഞാൻ  (ചെന്താമര...)

നിന്മേനി വാകപ്പൂ തോൽക്കും
നിന്മേനിക്കെന്തു സുഗന്ധം
കാണാപ്പൂ മറുകിൽ ചന്തം
നീയെന്റെ നിത്യവസന്തം
ഈ മടിയിൽ പൂമടിയിൽ എന്നെയുറക്കൂ നീ
രാവറിയാതെ നോവറിയാതെ
ഹൃദയരാഗം മീട്ടൂ നീ  (ചെന്താമര...)

ചാഞ്ചക്കം ചാഞ്ചക്കം ചാഞ്ചാട്
മെല്ലെ ചാഞ്ഞുറങ്ങാൻ ചാഞ്ചാട്
ഇത്തിരിക്കുഞ്ഞിൻ കണ്ണുറങ്ങ്  മെല്ലെ
ചിത്തിരക്കുഞ്ഞിൻ കരളുറങ്ങ്

കന്നിപ്പീലിതൂവലൊതുക്കും കിങ്ങിണി തേൻ കുരുന്നേ
കുന്നോളം പുത്തൻ തന്നാലും
വാനോരും വന്നു വിളിച്ചാലും
കൈ വിടാതെ വളർത്തും നിന്നെ
കാഞ്ചനക്കൂട്ടിലുറക്കും (കന്നിപ്പീലി....)

കാൽ വളരുമ്പോൾ കുഞ്ഞിക്കൈ വളരുമ്പോൾ (2)
കണ്ണു തരാം മുത്തണിയാൻ
കണ്ണു തരാൻ പുതു മുത്തണിയാൻ
വാൽക്കണ്ണാടിയുമായ് അമ്മയുണർന്നല്ലോ
ഉള്ളിലൊരു അമ്മയുണർന്നല്ലോ (കന്നിപ്പീലി....)

കുളിരു കോരണ്‌ കരള്‌ തുടിക്കണ്‌

കൂട്ടുകാരീ ഓ കൂട്ടുകാരീ

മാറിൽ ഒരുപിടി ചൂടു പകരൂ

മാൻകിടാവേ ഓ മാൻകിടാവേ

കണ്ണിനമൃതാണോമനേ- നിൻ

നനഞ്ഞ സൗന്ദര്യം

മഞ്ഞുതുള്ളികൾ വീണു ചിന്നിയ

മഞ്ജുമലർ പോലെ- എന്റെ

മാനസത്തിൻ കൂട്ടിനുള്ളിൽ

വന്നിരുന്നാട്ടെ- നീയെൻ

താമരക്കിളിയേ

പരമശിവനെ പുണർന്നു പാർവതി

മല കുലുങ്ങുമ്പോൾ

എന്റെ സഖിയും പുൽകിയെന്നെ

മാരി പെയ്യുമ്പോൾ

പുത്തൻ ചന്ദ്രഹാസം നൽകിടാം ഞാൻ

വന്നിരുന്നാട്ടെ - മെയ്യിൽ ചേർന്നിരുന്നാട്ടേ

ചിത്രകന്യകേ നിന്മുഖം കാണുമ്പോൾ
ചിന്തയ്ക്കു ചിറകുകൾ വിടരുന്നൂ
എന്റെ ചിന്തയ്ക്കു ചിറകുകൾ വിടരുന്നൂ
വിടരുന്നൂ വിടരുന്നൂ വിടരുന്നൂ

നീലസാഗരം തുളുമ്പി നിൽപ്പൂ
നിന്റെ നീൾമിഴിപ്പൂവിൽ
എന്തു ദാഹം എന്തു മോഹം
നിന്നിലലിയാനോമലേ

മേഘമാലകൾ മഴയായ് വീഴും
നിന്റെ പൂഞ്ചായൽ കണ്ടാൽ
എന്തു മോഹം എന്തു ദാഹം
ഒന്നു തഴുകാനോമലേ

പവിഴമുത്തുകൾ വിരുന്നുവന്നൂ
നിന്റെ നേർമണിച്ചുണ്ടിൽ
ആ.... ആ......ആ....