ഉമ്മിണി ഉമ്മിണി ഉയരത്ത്
അമ്പിളി വീട്ടിന്നയലത്ത്
പാദുഷാ ഞാൻ കെട്ടി നല്ലൊരു
പവിഴക്കൊട്ടാരം - നല്ലൊരു
പവിഴക്കൊട്ടാരം
(ഉമ്മിണി... )

മതിലുകളെല്ലാം മാണിക്യം
വാതിലെല്ലാം വൈഡൂര്യം
മുത്തു പതിച്ചൊരു മട്ടുപ്പാവിൽ
ഒത്തിരിയൊത്തിരി ഹൂറികളും 
(ഉമ്മിണി... )

സുന്ദരിമാരാം ഹൂറികളോ
പൊന്മണി വിശറികൾ വീശുന്നു
നവരത്നത്തിൻ മണിമഞ്ചത്തിൽ
നമ്മുടെ റാണി കിടക്കുന്നു 

ആ തൃസന്ധ്യതൻ അനഘമുദ്രകൾ
ആരോമലേ നാം മറക്കുവതെങ്ങിനെ
ആദ്യ സമാഗമ നിമിഷ സ്പന്ദം
ആത്മപ്രിയേ നാം മറക്കുവതെങ്ങിനെ
ആ തൃസന്ധ്യതൻ അനഘമുദ്രകൾ
ആരോമലേ നാം മറക്കുവതെങ്ങിനെ

പാടല പശ്ചിമ വ്യോമഹൃദന്തം
പാടി വിടർത്തിയ താരകമല്ലിക
പാടല പശ്ചിമ വ്യോമഹൃദന്തം
പാടി വിടർത്തിയ താരകമല്ലിക
ആലിംഗനസുഖ കഥ പറഞ്ഞൊഴുകും
ആകാശമേഘ തരംഗാവലികൾ

മാടത്തരുവിക്കരയിൽ വന്നൊരു
മാടത്തക്കിളിയെവിടെപ്പോയ് 
പൊട്ടിക്കരയും കൊച്ചരുവീ നീ
സത്യം പറയാമോ - നീ സത്യം പറയാമോ 
മാടത്തരുവിക്കരയിൽ വന്നൊരു
മാടത്തക്കിളിയെവിടെപ്പോയ് 

മദനന്റെ കൂടെപ്പോയ് മറുനാട്ടിലൊളിച്ചോ
മലവേടൻ ശരമെയ്തു മരണത്തിൽ പതിച്ചോ
പാപത്തിൻ ചളിക്കുണ്ടിൽ ചിറകറ്റു പതിച്ചോ
കദനത്തിൻ കാട്ടുതീയിൽ സ്വയം മൃത്യു വരിച്ചോ 
സ്വയം മൃത്യു വരിച്ചോ 
മാടത്തരുവിക്കരയിൽ വന്നൊരു
മാടത്തക്കിളിയെവിടെപ്പോയ് 

ശക്തി നൽകുക താത നീയെൻ
മുൾക്കിരീടം പേറുവാൻ
കൂരിരുളിൽ കാൽവരിയിൽ
കുരിശുമേന്തി നീങ്ങുവാൻ -
നീങ്ങുവാൻ - നീങ്ങുവാൻ
ശക്തി നൽകുക താത നീയെൻ
മുൾക്കിരീടം പേറുവാൻ 

പുണ്ണു മൂടിയ പുറകിൽ ചാട്ടകൾ
വന്നു കൊള്ളും നേരവും
പുഞ്ചിരിച്ചു പാപികൾക്കായ്
കൈയുയർത്തിയ മന്നവാ 
ശക്തി നൽകുക താത നീയെൻ
മുൾക്കിരീടം പേറുവാൻ

കല്പന നീയേകുമെങ്കിൽ
ശക്തനായ് ഞാൻ തീർന്നിടും
കൽത്തുറുങ്കിലിരുന്നു കണ്ണീർക്കാ‍സ
കൈകളിലേന്തുവാൻ 
ശക്തി നൽകുക താത

കരുണാകരനാം ലോകപിതാവേ
കനിവിൻ ഉറവിടമേ
തിരുകൃപയാലീ പനിനീർവനിയിൽ
കുരുവികളായ് ഞങ്ങൾ 
(കരുണാകരനാം...)

അന്നന്നത്തേക്കപ്പവുമന്നവും
അവിടുന്നരുളേണം
അറിവിന്നമൃതം അനുദിനമുള്ളിൽ
നിറയെപ്പകരേണം 
കരുണാകരനാം ലോകപിതാവേ
കനിവിൻ ഉറവിടമേ

നിത്യം കൃപയാൽ ഞങ്ങടെ ചുണ്ടുകൾ
സത്യം പറയേണം
നിത്യം നിന്നുടെ കനിവാൽ കണ്ണുകൾ
വെട്ടം കാണേണം 
കരുണാകരനാം ലോകപിതാവേ
കനിവിൻ ഉറവിടമേ 

പാപച്ചളിയിൽ മാനവപാദം
പതറാതടി വെയ്ക്കാൻ
പരമപിതാവേ നീ കനിയേണം
പറുദീസാ നാഥാ
(കരുണാകരനാം...)

ലില്ലിപ്പൂമാലവിൽക്കും പൂക്കാരിപ്പെൺകിടാങ്ങൾ
കള്ളക്കണ്ണേറു നടത്തും പുഷ്പവനത്തിൽ - നാം
ഉല്ലാസയാത്ര പോയതു മറന്നുപോയോ
ലില്ലിപ്പൂമാലവിൽക്കും പൂക്കാരിപ്പെൺകിടാങ്ങൾ
കള്ളക്കണ്ണേറു നടത്തും പുഷ്പവനത്തിൽ

വെള്ളിലപ്പക്ഷികൾ വന്നൂ - പുല്ലാംകുഴലൂതിനടക്കും
വെള്ളാമ്പൽ പൊയ്കക്കരയിൽ ഇരുന്നു നമ്മൾ
കല്യാണം സ്വപ്നം കണ്ടതു മറന്നുപോയോ - അന്നു
കല്യാണം സ്വപ്നം കണ്ടതു മറന്നുപോയോ 
(ലില്ലിപ്പൂമാല...)

കന്നിരാവിൻ കളഭക്കിണ്ണം... 
കന്നിരാവിൻ കളഭക്കിണ്ണം
പൊന്നാനിപ്പുഴയിൽ വീണപ്പോൾ
പൊന്നാനിപ്പുഴയിൽ വീണപ്പോൾ

ഒന്നാംകുന്നിലെ ഒന്നാം പൈങ്കിളി
മുങ്ങാംകുളിയിട്ടെടുക്കാൻ പോയ്
ഓളങ്ങൾ കിണ്ണമെടുത്തൊളിപ്പിച്ചൂ
ഒന്നാം പൈങ്കിളിയെ കളിപ്പിച്ചു
ഒന്നാം പൈങ്കിളിയെ കളിപ്പിച്ചു - പണ്ട്
കന്നിരാവിൻ കളഭക്കിണ്ണം
പൊന്നാനിപ്പുഴയിൽ വീണപ്പോൾ
പൊന്നാനിപ്പുഴയിൽ വീണപ്പോൾ

ഓർമ്മ വേണം ഓർമ്മ വേണം
ഓരോ ദിവസവുമേ
ഓടിയകലും പൈങ്കിളിയേ
കൂടു കൂട്ടിയ നിലയം (ഓർമ്മ..)

ഒരു ചെറുഹൃദയം
കൈത്തിരിയേന്തി
കാത്തിരിക്കും നിന്നെ
ആ കാലം നീങ്ങുകിൽത്തന്നെ
ആയിരം ആയിരം ആശകളോടെ
അരികിലണയുമീ രാവിൽ
ഇരുഹൃദയങ്ങളിലൊന്നായി തന്നെ
ഓരോ കൊച്ചു കിനാവുകൾ(ഓർമ്മ...)

നിന്മുഖം കണ്ടപ്പോൾ കരഞ്ഞവൾ ഞാൻ
എന്മുഖം കാണുമ്പോൾ ചിരിക്കുന്നു നീ
മാതാവിൻ ജീവിതപ്പാതാളപ്പരപ്പിലെ
ശ്രീതാവുംനവരത്ന മണിവിളക്കേ
എൻ തങ്കക്കുടമേ നീയുറങ്ങുറങ്ങൂ 
നിന്മുഖം കണ്ടപ്പോൾ കരഞ്ഞവൾ ഞാൻ
എന്മുഖം കാണുമ്പോൾ ചിരിക്കുന്നു നീ

മാനം നിനക്കൊരു കുട മാത്രം
മാനവരെല്ലാരുമത്ഭുതങ്ങൾ
മണ്ണും കല്ലും മണിമുത്തും നിന്നുടെ
കണ്ണിൽ വെറുമൊരു കളിപ്പാട്ടം - കളിപ്പാട്ടം
നിന്മുഖം കണ്ടപ്പോൾ കരഞ്ഞവൾ ഞാൻ
എന്മുഖം കാണുമ്പോൾ ചിരിക്കുന്നു നീ

വൃന്ദാവനിയിൽ രാധയോടൊരുനാൾ
നന്ദഗോപാലൻ ചോദിച്ചു 
പ്രേമമെന്തന്നറിയാമോ
ഓമലേ നീ പറയാമോ
ഓമലേ നീ പറയാമോ 
വൃന്ദാവനിയിൽ രാധയോടൊരുനാൾ
നന്ദഗോപാലൻ ചോദിച്ചു 

കല്യാണ കൃഷ്ണന്റെ കവിളിൽ നുള്ളി
ചൊല്ലി കണ്മണി രാധികയും 
ഇടയപ്പെണ്ണിന്നെന്തറിയാം
ഇടയപ്പെണ്ണിന്നെന്തറിയാം
പദങ്ങളില്ല വർണ്ണിക്കാൻ 
ഓ...
വൃന്ദാവനിയിൽ രാധയോടൊരുനാൾ
നന്ദഗോപാലൻ ചോദിച്ചു 

കണ്ണൻ ചൊല്ലി രധേ നീയൊരു
കണ്ണാന്തളിയുടെ പൂവല്ലോ 
അനുരാഗത്തെ വർണ്ണിക്കാൻ
അറിയില്ലറിയില്ലൊരുവനുമേ 
വൃന്ദാവനിയിൽ രാധയോടൊരുനാൾ
നന്ദഗോപാലൻ ചോദിച്ചു