ഡ്രാമ/ആക്ഷൻ/ത്രില്ലർ

മട്ടാഞ്ചേരി എ സി പി ആര്യൻ ജോൺ ജേക്കബിന്റെ(ജയസൂര്യ) അപകട മരണം അന്വേഷിക്കുന്ന കൊച്ചി എ സിപി ആന്റണി മോസസ് (പൃഥീരാജ്) കേസന്വേഷണത്തിന്റെ അവസാനഘട്ടത്തിൽ എത്തിനിൽക്കുമ്പോൾ ഒരു വാഹനാപകടത്തിൽ പെടുന്നു. അപകടത്തിൽ പഴയ ഓർമ്മകൾ നഷ്ടപ്പെട്ട ആന്റണി മോസസിനെ ആത്മാർത്ഥസുഹൃത്തായ പോലീസ് കമ്മീഷണർ ഫർഹാൻ (റഹ്മാൻ) മോസസിനെ ആശുപത്രി വാസത്തിനു ശേഷം തിരികെ ഉദ്യോഗത്തിലേക്ക് കൊണ്ടുവരാൻ ശ്രമിക്കുന്നു. എന്നാൽ മോസസിനു പഴയ സുഹൃത്തുക്കളേയും പരിസരങ്ങളേയും തിരിച്ചറിയാൻ ആകുന്നില്ല. എന്നാൽ ഫർഹാൻ മോസസിനെ അയാൾ പരിചയിച്ച പഴയ സ്ഥലങ്ങളിലും പരിസരങ്ങളിലും വീണ്ടും ചെന്ന് പരിചയപ്പെടുത്തുന്നു. മോസസ് തന്നെ ചികിത്സിച്ച ഡോക്ടർ തനൂജയെ(ശ്വേതാ മേനോൻ) ചെന്നു കാണുന്നു. ഇത്തരമൊരു അവസ്ഥയിൽ നിന്ന് വളരെ വേഗം നോർമൽ അവസ്ഥയിലേക്ക് തിരിച്ചുവന്ന ആളുകളുണ്ടെന്നും മോസസിനു എളുപ്പം തിരിച്ചു വരാൻ കഴിയുമെന്നും ഉറപ്പു നൽകുന്നു. മോസസ് ഓർമ്മകളിലേക്ക് തിരിച്ചു വരാൻ ശ്രമം നടത്തുന്നു. ഫർഹാന്റെ നിർബന്ധം കൊണ്ട് മോസസ് ഉദ്യോഗത്തിൽ തിരികെ പ്രവേശിക്കുന്നു. പകുതി വഴിയിൽ നിർത്തിയ ആര്യൻ ജോൺ ജേക്കബിന്റെ കൊലപാതകം അന്വേഷിക്കാൻ ഫർഹാൻ മോസസിനെ ചുമതലപ്പെടൂത്തുന്നു. മോസസ് വീണ്ടും അന്വേഷണം തുടരുന്നു.

കൊച്ചി സിറ്റി പോലീസ് കമ്മീഷണറായ ഫർഹാനും എ സി പിയായ ആന്റണി മോസസും ആത്മാർത്ഥ സുഹൃത്തുക്കളാണ്. മോസസിന്റെ സഹോദരി അന്നയെ വിവാഹം ചെയ്തിരിക്കുന്നതും ഫർഹാനാണ്. ഇതിനിടയിൽ മട്ടാഞ്ചേരി എ സി പി ആയി ചാർജ്ജെടുത്ത ആര്യൻ ജോൺ ജേക്കബ് ജോലിയിൽ പ്രവേശിച്ച അന്ന ട്രാഫിക്കിൽ വെച്ച് നേവൽ ഉദ്യോഗസ്ഥനായ ക്യാപ്റ്റൻ ശ്രീനിവാസുമായി ഒരു പ്രശ്നത്തിൽ പെടുന്നു. അതിൽ നിന്നും ആര്യനെ രക്ഷപ്പെടുത്തുന്നത് മോസസും ഫർഹാനുമാണ്. തുടർന്ന് മൂവരും സുഹൃത്തുക്കളാകുന്നു. മൂവർക്കും പഴയൊരു മുംബൈ ചരിത്രമുണ്ട്. ഐ പി എസ് ലഭിച്ചതിനു ശേഷം മൂവരും മുംബൈയിൽ ജോലി ചെയ്തിട്ടുണ്ട്. മോസസിന്റെ ഫ്ലാറ്റിൽ മൂവരും പലപ്പോഴും സൌഹൃദം പങ്കുവെക്കുന്നു.

ആര്യൻ ജോൺ ജേക്കബിനു പക്ഷേ സ്വന്തം വീട്ടിൽ നിന്നും വേണ്ടത്ര ബഹുമാനവും സ്നേഹവും ലഭിക്കുന്നില്ല. ഈ പദവിയെമാത്രം വീട്ടുകാർ താല്പര്യപ്പെടുന്നു. ആര്യൻ ജോൺ വിപ്രോയിൽ ജോലിയുള്ള റബേക്ക(ഹിമ ഡേവീഡ്) യുമായി പ്രണയത്തിലാണ്. ഇതിനിടയിലാണ് ആര്യൻ ജോണിനും ആന്റണി മോസസിനും ഹൈദരാബാദിലേക്ക് താല്കാലിക ട്രാൻസ്ഫർ ലഭിക്കുന്നത്. ഐ പി എസ് ട്രെയിനികൾക്ക് പരിശീലനം കൊടുക്കാൻ. ഹൈദരാബാദിലെത്തിയ ഇരുവർക്കും മറ്റൊരു ദൌത്യത്തിൽ പങ്കു ചേരേണ്ടി വരുന്നു. ട്രെയിനികളിൽ ചിലരെ മാവോയിസ്റ്റ് ഗ്രൂപ്പുകൾ ബന്ദിയാക്കുകയും അവരെ മോചിപ്പിക്കാനുള്ള ഓപ്പറേഷനിൽ ആര്യൻ ജോൺ ജേക്കബ് മൂന്നു മാവോയിസ്റ്റുകളെ കൊലപ്പെടുത്തുകയും കേരളാ പോലീസിന്റെ അഭിമാനത്തിനു പാത്രമാകുകയും ചെയ്തു.

ആര്യനെ ആദരിക്കാനും അവാർഡു കൊടുക്കാനുമുള്ള ചടങ്ങിൽ അവാർഡ് സ്വീകരിച്ചതിനു ശേഷം ആര്യൻ ജോൺ നടത്തിയ മറുപടീ പ്രസംഗത്തിനിടയിൽ അജ്ഞാതന്റെ ഗൺ ഷോട്ടിനാൽ ആര്യൻ ജോൺ ജേക്കബ് മരണപ്പെടുന്നു. അതിന്റെ കേസന്വേഷണം ആന്റണി മോസസിനു ചെയ്യേണ്ടീ വരുന്നു. എന്നാൽ അന്വേഷണത്തിന്റെ അവസാന ഘട്ടത്തിൽ വെച്ച് ആന്റണി മോസസും ഒരു അപകടത്തിൽ പെടുന്നു.

പിന്നീടുള്ള അന്വേഷണത്തിൽ കുറ്റവാളി ആരെന്നു വെളിവാകുന്നതാണ് കഥാന്ത്യം

തമിഴ് നാട്ടീലെ രാമേശ്വരത്ത് ഭീകര വിരുദ്ധ ഫോഴ്സിന്റെ ഒരു ഓപ്പറേഷനില്‍ നിന്ന് തലനാരിഴക്ക് മൂന്നു ഭീകരര്‍ രക്ഷപ്പെടുന്നു. അവരുടെ അടുത്ത ലക്ഷം കൊച്ചിയായിരുന്നു. അവര്‍ സുരക്ഷിതരായി കൊച്ചിയിലെത്തി നഗരത്തില്‍ പലയിടങ്ങളിലും ബോംബ് സ്ഫോടനങ്ങള്‍ നടത്താന്‍ പദ്ധതിയിടുന്നു.

കൊച്ചി നഗരത്തിലെ ഏറിയപങ്കു ഭൂമിയും ന്യൂ ഇന്ത്യ ബില്‍ഡേഴ്സ് കമ്പനിയുടെ കയ്യിലാണ്‍.കമ്പനിയുടെ ഉടമ വില്ല്യംസ് (അനില്‍ ആദിത്യന്‍)  പാവങ്ങളെ ചതിച്ചും കൊന്നും  വാങ്ങിയതാണ്  ഈ സ്ഥലങ്ങള്‍. വില്ല്യംസിന്റെ പുതിയ പ്രൊജക്റ്റിനു സമീപം താമസിക്കുന്ന ശങ്കരന്‍ നമ്പൂതിരിയുടെ (ടീ. പി മാധവന്‍) വസ്തു കൂടി വില്യംസിനു സ്വന്തമാക്കണമെന്നുണ്ട്. കൊടൂക്കാന്‍ ശങ്കരന്‍ നമ്പൂതിരിയും മകനും (സുധീഷ്) തയ്യാറല്ല. വസ്തു സ്വന്തമാക്കാന്‍ വില്യംസ് ഇരുവരേയും ഒരു വാഹനാപകടമെന്നോണം കൊലപ്പെടുത്തുന്നു.

കൊച്ചിയിലെ എണ്ണമറ്റ ദുരൂഹ മരണങ്ങളും റിയല്‍ എസ്റ്റേറ്റ് മാഫിയയും കൊട്ടേഷന്‍ ടീമിന്റെ പ്രവര്‍ത്തനങ്ങളുമെല്ലാം നഗരത്തെ ഭീദിതമാക്കുന്നുവെന്ന് കണ്ട് കേരള മുഖ്യമന്ത്രി ഡല്‍ഹിയില്‍ നിന്ന്, പല ഉത്തരേന്ത്യന്‍ ജില്ലകളിലും കളക്ടറായി സേവനമനുഷ്ഠിച്ചിട്ടൂള്ള, മുന്‍പ് കേരളത്തില്‍ തന്നെ സിവില്‍ സര്‍വ്വീസ് ഉദ്യോഗസ്ഥനായിരുന്ന  അവിനാശ് വര്‍മ്മ ഐ എ എസ് (സുരേഷ് ഗോപി) നെ പ്രത്യേക അനുമതിപ്രകാരം എറണാകുളം ജില്ലയുടെ കളക്റ്ററായി നിയമിക്കുന്നു. രാജ ഭരണം പോയെങ്കിലും കൃഷ്ണവിലാസം കൊട്ടാരത്തിലെ ഇളമുറത്തമ്പുരാനായ അവിനാശ് വര്‍മ്മ നാട്ടിലേക്ക് തിരിച്ചു വരുന്നതില്‍ ഏറെ സന്തോഷിക്കുന്നു ചേട്ടന്‍ മഹേന്ദ്ര വര്‍മ്മ(നെടുമുടി വേണു) യും അമ്മയും (കവിയുര്‍ പൊന്നമ്മ) മറ്റു കുടൂംബാംഗങ്ങളും.

പക്ഷെ കൊച്ചിയിലെ അവിനാശ് വര്‍മ്മയുടെ പ്രവര്‍ത്തനങ്ങള്‍ സുഖകരമായിരുന്നില്ല. ആദ്യ ദിനങ്ങളില്‍ തന്നെ അദ്ദേഹം മനസ്സിലാക്കുന്നു, കൊച്ചിയിലെ ന്യൂ ഇന്ത്യ ബിലേഡേര്‍സ് ഗ്രൂപ്പിന്റെ തലവന്‍ വില്യംസും അയാള്‍ക്ക് സഹായങ്ങള്‍ ചെയ്തുകൊടുക്കുന്ന സിറ്റി പോലീസ് കമ്മീഷണര്‍ ജോര്‍ജ്ജ് മാത്യു (ബാബുരാജ്) മേയര്‍ മഹാലക്ഷ്മി (മോഹിനി) വാട്ടര്‍ അതോറിറ്റി എഞ്ചിനീയര്‍ (അലിയാര്‍) തുടങ്ങി അധികാരികളും കൊട്ടേഷന്‍ ടീമുകളും എല്ലാം ഒരുമിച്ച് കൈകോര്‍ത്ത് നില്‍ക്കുകയാണെന്ന്.  പശ്ചിമ കൊച്ചിയിലെ ഒരു വിഭാഗം ചെറുപ്പക്കാരും അവര്‍ക് നേതൃത്വം കൊടുക്കുന്ന അരുന്ധതി (മേഘ) എന്ന ആക്റ്റിവിസ്റ്റും ഒരു ദിവസം മേയറെ ബന്ദിയാക്കുന്നു. നിജസ്ഥിതി മനസ്സിലാക്കിയ ജില്ലാ കളക്റ്റര്‍ അരുന്ധതിയുടേയും സംഘത്തിന്റേയും വ്യവസ്ഥകള്‍ അംഗീകരിച്ച് അവരെ വെറുതെ വിടുന്നു. മാത്രമല്ല അരുന്ധതിയുടേ പ്രദേശത്തെ ജനങ്ങളുടെ കുടീവെള്ള പ്രശ്നം ഒറ്റ ദിവസം കൊണ്ടും കളക്ടര്‍ അവിനാശ് വര്‍മ്മ പരിഹരിക്കുന്നു. സാധാരണ ജനങ്ങള്‍ കളക്റ്റര്‍ക്കൊപ്പം നില്‍ക്കുന്നു. വില്യംസിന്റെ പ്രവര്‍ത്തനങ്ങള്‍ക്ക് നിയമപരമായി തടസ്സം നില്‍ക്കുന്ന കളക്റ്റര്‍ക്കെതിരെ വില്യംസ് കരുനീക്കങ്ങള്‍ ആരംഭിക്കുന്നു. അവിനാശ വര്‍മ്മയുടെ ചേട്ടന്‍ മഹേന്ദ്ര വര്‍മ്മ നടത്തുന്ന കോവിലകം ബില്‍ഡേഴ്സ് ഗ്രൂപ്പുമായി വില്യംസ് ഒരു സംയുക്ത ബിസിനസ്സ് സംരംഭം ആരംഭിക്കുന്നു. വില്യംസിന്റെ ഈ ബുദ്ധിപരമായ നീക്കത്തിനു പിന്നില്‍ മഹേന്ദ്ര വര്‍മ്മയുടെ കുടൂംബത്തിലെ ചിലരും ഉണ്ടായിരുന്നു.

ശങ്കരന്‍ നമ്പൂതിരിയുടെ സ്വത്ത് ജില്ലാ രജിസ്ട്രാറുടെ സഹായത്തോടേ കൈക്കലാക്കിയ വില്യംസിന്റെ പ്രൊജക്റ്റ് പ്രവര്‍ത്തനങ്ങള്‍ കളക്റ്റര്‍ നിയമ നടപടികളോടെ നിര്‍ത്തലാക്കി വില്യംസിനെ അറസ്റ്റ് ചെയ്യിക്കുന്നു. ആസ്മാ രോഗിയായ വില്യംസ് ലോക്കപ്പില്‍ കിടന്ന് മരിക്കുന്നു. വില്യംസിന്റെ മരണത്തോടേ വില്യംസിന്റെ സഹോദരന്‍ ജോണ്‍ ക്രിസ്റ്റഫര്‍ (രാജീവ്) വിദേശത്തു നിന്നും കേരളത്തിലെത്തി ന്യൂ ഇന്ത്യാ ബില്‍ഡേഴ്സ് ഗ്രൂപ്പിന്റെ ഭരണമേറ്റെടുക്കുന്നു. അന്താരാഷ്ട്ര ക്രിമിനല്‍ ബന്ധങ്ങളുള്ള ക്രിസ്റ്റഫറിനു വില്യംസിന്റെ മരണത്തിനു പ്രതികാരം ചെയ്യണം. തനിക്കൊപ്പം നില്‍ക്കുന്ന അധികാര വര്‍ഗ്ഗത്തെ കൂട്ടുപിടിച്ച് ക്രിസ്റ്റഫര്‍ ജില്ലാ കളക്റ്റര്‍ അവിനാശ വര്‍മ്മക്കെതിരെ കരുക്കള്‍ നീക്കി. പിന്നിട് ഇരുവരുടേയും നേര്‍ക്ക് നേര്‍ പോരാട്ടങ്ങളാണ്....

ചിത്രത്തിന്റെ വിശദമായ റിവ്യൂ ഇവിടെ വായിക്കാം