ഡ്രാമ/ആക്ഷൻ

മാധവമേനോൻ (നെടുമുടി വേണു) റിട്ടയേർഡ് പോലീസ് ഓഫിസറാണ്. ഔദ്യോഗിക ജീവിതത്തിൽ സത്യസന്ധതയോടെ പെരുമാറിയ അദ്ദേഹം പലർക്കും വളരെ സ്നേഹനിധിയായ വ്യക്തിയാണ്. സംശുദ്ധ ജീവിതം നയിക്കുന്ന മാധവമേനോനു രണ്ട് പെൺ മക്കളാണുള്ളത് മീരയും(മേഘനാ രാജ്) മീനയും (ലക്ഷ്മി ശർമ്മ)

തമിഴ് നാട് പോലീസിലെ പേരുകേട്ട ഐ പി എസ് ഓഫീസറാണ് നരസിംഹം ഐ പി എസ് (ശരത് കുമാർ) മാധവ മേനോന്റെ മകൾ മീരയെ നരസിംഹം വിവാഹം കഴിക്കുന്നു. കേരള പോലീസിലെ ഓഫീസറായ നന്ദഗോപൻ (ജഗദീഷ്) മീനയെ വിവാഹം ചെയ്യുന്നു. നന്ദഗോപനു പക്ഷെ ഓഫീസ് ജോലിയേക്കാളും കൂടുതൽ വീട്ടിലെ ജോലി ചെയ്യാനാണ് സമയം.

സംസ്ഥാനത്ത് നിയമസഭാ ഇലക്ഷൻ പ്രഖ്യാപിക്കുന്നു. പ്രതിപക്ഷ പാർട്ടിയിലെ നേതാവ് രാഷ്ട്രീയ ലാഭത്തിനു വേണ്ടി ഭരണ കക്ഷിയെ തിരഞ്ഞെടുപ്പിൽ പരാജയപ്പെടൂത്തുക എന്ന ലക്ഷ്യത്തിൽ പഴയൊരു കസ്റ്റഡി മരണം വീണ്ടും ജന മധ്യത്തിലും മീഡിയയിലും കൊണ്ടുവരുന്നു. അത് ഭരണ കക്ഷിയെ അങ്കലാപ്പിലാക്കുന്നു. മുൻപ് മാധവ മേനോൻ സർവ്വീസിലിരിക്കെ ഒരു കൌമാരക്കാരൻ പോലീസ് കസ്റ്റഡിയിൽ വെച്ച് കൊല്ലപ്പെടുകയുണ്ടായി. ആ കേസ് പുനരന്വേഷണം വന്നപ്പോൾ അന്നത്തെ ഇൻ ചാർജ്ജ്  ആയിരുന്ന മാധവ മേനോൻ അറസ്റ്റ് ചെയ്യപ്പെടുന്നു. പത്രക്കാരോടും അന്വേഷണ ഉദ്യോഗസ്ഥരോടും ആ മരണത്തിനു ഉത്തരവാദി ഞാനാണെന്ന് മാധവമേനോൻ പറയുന്നു. മാധവ മേനോൻ ജയിലിലാകുന്നു. എന്നാൽ നരസിംഹത്തിനും നന്ദഗോപനും അറിയാമായിരുന്നു ഇത് മാധവ മേനോനല്ല ചെയ്തത് എന്ന്. നരസിംഹവും നന്ദഗോപനും പലയാവർത്തി ചോദിച്ചിട്ടും മാധവ മേനോൻ സത്യം വെളിപ്പെടുത്തുന്നില്ല.  അച്ഛൻ ആരെയോ ഭയക്കുകയോ ആരെയോ സംരക്ഷിക്കുകയോ ചെയ്യുന്നുണ്ടെന്ന് ഇരുവർക്കും തോന്നി. അതുകൊണ്ട് നരസിംഹവും നന്ദഗോപനും ഒരുമിച്ച് ഈ കേസ് അന്വേഷിക്കാനിറങ്ങി.

ഒടുവിൽ അവർ സത്യം പുറത്ത് കൊണ്ടു വരുന്നു. അത് ആരെയും ഞെട്ടിപ്പിക്കാൻ പോന്നതായിരുന്നു.

സി ഐ ബാലചന്ദ്രൻ ഉദ്യോഗത്തിൽ നിന്നു സസ്പെൻഡ് ചെയ്യപ്പെട്ടിരിക്കുന്നു. എല്ലാവരോടും പെട്ടെന്ന് ദ്വേഷ്യപ്പെടുന്ന ബാലചന്ദ്രനു സർവ്വീസിൽ ചൂടൻ ബാലൻ എന്ന വട്ടപ്പേരുമുണ്ട്. ദീർഘകാലം സസ്പെൻഷനിലായപ്പോൾ ബാലചന്ദ്രൻ റിയൽ എസ്റ്റേറ്റ് കച്ചവടം തുടങ്ങി സമ്പന്നന്നായി. വേദനിക്കുന്നൊരു ഭൂതകാലം ബാലചന്ദ്രനുണ്ട്. കൈക്കൂലി വാങ്ങാതെയും ആർക്കും അടിയറവും പറയാതെയും സർവ്വീസിൽ ഇരുന്ന കാലത്ത് സാമ്പത്തികമായി നല്ല നിലയിലല്ലായിരുന്നു. അതേ സമയം അമിത മദ്യപാനിയും. ഭാര്യ വേർപിരിഞ്ഞശേഷം  ബാലചന്ദ്രൻ ഒറ്റക്കാണ്.

നഗരത്തിൽ പ്രമുഖ രാഷ്ട്രീയ നേതാവിന്റെ മകനും യുവ വ്യവസായിയുമായ തോമസ് പുഞ്ചക്കാടന്റെ അതി ദാരുണമായ കൊലപാതകം നടക്കുന്നു. ഒരു ചാനൽ റിപ്പോർട്ടറായ അൻ വർ (വിനീത് കുമാർ) ആണ് ബാലചന്ദ്രനെ ഈ വിവരം വിളിച്ച് പറയുന്നത്. ബീച്ചിനോട് ചേർന്ന് ആ യുവവ്യവസായിയെ കുരിശിൽ തറച്ച് കൊന്ന രീതിയിലായിരുന്നു കാണപ്പെട്ടത്. മുൻ മന്ത്രിയായ വർഗ്ഗീസ് പുഞ്ചക്കാടന്റെ മകനാണ് കൊല്ലപ്പെട്ടത് എന്നതുകൊണ്ട് ഉന്നത തല അന്വേഷണം വരുന്നു. കേസ് അന്വേഷിക്കാനുള്ള ഉത്തരവാദിത്വം എസ് പി രാമദാസി(സിദ്ദിക്)നായിരുന്നു. പുതിയ സി ഐ ലത്തീഫ് (കലാഭവൻ മണി) അടക്കമുള്ള ഒരു സമർത്ഥമായ ടീമിനെ ഉണ്ടാക്കി എസ് പി കേസ് അന്വേഷിക്കുന്നു. രാമദാസിന്റെ പഴയ സുഹൃത്തും അനുജനെപ്പോലെ കരുതിയ ആളുമായിരുന്നു ബാലചന്ദ്രൻ. വർഷങ്ങളുടെ ഇടവേളക്ക് ശേഷം ഈ കേസന്വേഷണവുമായി ബന്ധപെട്ടാണ് രാമദാസ് ബാലചന്ദ്രനെ അന്വേഷിക്കുന്നത്. ബാലചന്ദ്രൻ അപ്പോഴേക്കും വലിയ ബിസിനസ്സ് മാൻ ആയി മാറിക്കഴിഞ്ഞിരുന്നു.

ബാലചന്ദ്രനു ഒരു സസ് പെൻഷൻ കിട്ടിയത് പുഞ്ചക്കാടൻ ഫാമിലിയിലെ തോമസിനെ അറസ്റ്റ് ചെയ്തതുകൊണ്ടായിരുന്നു.  എസ് പി രാമദാസ് തന്റെ കേസ് അന്വേഷണം തുടരുന്നു. അതിനിടയിൽ ഈ കേസിനോട് പ്രത്യേക താല്പര്യം തോന്നിയ ബാല ചന്ദ്രൻ തന്റെ സ്വകാര്യ താൽ‌പ്പര്യാർത്ഥം ഈ കേസ് അന്വേഷിക്കാൻ പുറപ്പെടുന്നു.

തോമസിന്റെ പോസ്റ്റ് മോർട്ടം റിപ്പോർട്ടിൽ സംശയം തോന്നിയ ബാലചന്ദ്രൻ ഡെഡ് ബോഡി റീ പോസ്റ്റ് മോർട്ടം നടത്താൻ എസ് പി യോട് ആവശ്യപ്പെടുന്നു. റീ പോസ്റ്റ് മോർട്ടം ചെയ്തപ്പോൾ കിട്ടിയ തെളിവ് കേസിനെ ബലപ്പെടുത്തുന്നതായിരുന്നു. എസ് പി തന്റേ അന്വേഷണവുമായി പോകുമ്പോൾ ബാലചന്ദ്രൻ കൊലപാതകത്തിനോട് ബന്ധപ്പെട്ട പല ശക്തമായ തെളിവുകളും കണ്ടെടുക്കുകയായിരുന്നു.

കേസന്വേഷണവുമായി ബന്ധപ്പെട്ട് നീങ്ങിയ ബാലചന്ദ്രനു കിട്ടിയത് ഞെട്ടിപ്പിക്കുന്ന രഹസ്യങ്ങളായിരുന്നു.