ചരിത്ര സിനിമ

ചിത്രകാരനായതുകൊണ്ടു തന്നെ സ്വന്തം നാട്ടിൽ നിൽക്കാൻ കഴിയാതിരുന്ന രവിവർമ്മ (സന്തോഷ് ശിവൻ) തന്റെ അനന്തരവനുമൊത്ത് മുംബൈയിൽ എത്തുന്നു. തന്റെ ചിത്രങ്ങൾ രേഖപ്പെടുത്താൻ മോഡലുകളാകുന്നവരെ മുംബൈയിൽ തെരുവുകളിൽ നിന്നും വേശ്യാത്തെരുവുകളിൽ
നിന്നുമൊക്കെയാണ് രവി വർമ്മ തെരഞ്ഞെടുക്കാറുള്ളത്. ഹിന്ദു ദൈവങ്ങളുടെ ചിത്രരചനയ്ക്കായി രവിവർമ്മ മുന്നിൽ നിർത്തിയിരുന്നത് സമൂഹം അപശകുനങ്ങളായി മാറ്റിനിർത്തിയിരുന്ന വേശ്യകളേയും വിധവകളെയുമൊക്കെയാണ്.
പുരൂരവസ്സും ഉർവ്വശിയും എന്ന പെയിന്റിംഗ് ചെയ്യുമ്പോൾ അതിലെ ഊർവ്വശിയായി
മോഡൽ ചെയ്യാനെത്തിയത് വേശ്യാത്തെരുവിലുള്ള അഞ്ജലി ഭായി (കാർത്തിക) എന്ന യുവതിയാണ്.
ചിത്രരചയ്ക്കിടയിൽ രവിവർമ്മയ്ക്ക് അവളുമായി തോന്നുന്ന ആത്മബന്ധം ഒരു പ്രണയത്തിലേക്ക് നീങ്ങുന്നു. ആ പ്രണയ ദുരന്തമാണ് ഈ ചിത്രത്തിന്റെ ഇതിവൃത്തം.

കേരളത്തിലെ ഒരു നാട്ടുരാജാവായിരുന്ന കേരളവർമ്മ പഴശ്ശിരാജ ബ്രീട്ടിഷുകാർക്കെതിരെ വയനാട്ടിലെ ആദിവാസികളേയും ബ്രിട്ടീഷുകാരുടെ ഭരണത്തിനോട് വിരോധമുണ്ടായിരുന്ന മറ്റു പലരേയും ചേർത്ത് നടത്തിയ സ്വാതന്ത്ര്യ സമരത്തിന്റെ ചരിത്രാഖ്യാനം.