ആൽബം പാട്ടുകൾ

വെറുതെ മിഴിനീട്ടുമീ ജാലകത്തിനപ്പുറം
സുഖമുള്ള വെയിലിന്‍റെ വീചികള്‍ ചിതറുമ്പോള്‍
ആത്മാവിന്‍ ഇതളുകളില്‍ എവിടെയോ
മാഞ്ഞു പോയ മഷിത്തുള്ളികള്‍ വീണ്ടും തെളിയുന്നു
(ആത്മാവിന്‍ ഇതളുകളില്‍)

വാനം നോക്കി കിടക്കുമീ വയല്‍വരമ്പുകളില്‍
നീ ചിതറി പോകുമീ മഞ്ഞു തുള്ളികള്‍ തന്‍
നേരിയ തണുപ്പ് നീയറിയാതെ എന്‍റെ
ഏകാന്ത ചിന്തകളില്‍ നിറയുന്നൂ..നിറയുന്നൂ..
(വാനം നോക്കി കിടക്കുമീ)

മാവേലി നാട് വാണിടും കാലം
മാനുഷ്യർ എല്ലാരും ഒന്നുപോലെ
ആമോദത്തോടെ വസിക്കും
കാലം ആപത്തങ്ങാര്‍ക്കു മൊട്ടില്ല താനും
ഓണം വന്നേ മനസ്സിൽ ഓണം വന്നേ
ഓര്‍മ്മപ്പൂക്കള്‍ വിടരും നാളും വന്നേ
മോഹപാടം വിളയും ചിങ്ങം വന്നേ
ഓമല്‍ കനവില്‍ പൂവേ പൊലിയും വന്നേ
അത്തം പത്തിന് പൊന്നോണം  
ഇന്നെത്തി നിറവില്‍ തിരുവോണം
ഓണത്തുമ്പിയും ഓണപ്പൂക്കളും ഒന്നായ്
വരവായ് മല നാട്ടില്‍....
(ഓണം വന്നേ മനസ്സില്‍)

നല്ലോരോണമല്ലേ സഖീ
നീയെൻ ചാരെയില്ലേ
മുറ്റെഴും ഓർമ്മ തൻ മുക്കുറ്റി
പൂവുകൾ ചുറ്റിലെമ്പാടുമില്ലേ
(നല്ലോരോണമല്ലേ സഖീ)

തൊട്ടാൽ വാടുന്ന പൂങ്കുഴലി നീ
തൊട്ടാവാടിയെ ഒന്നു തൊട്ടു
കൈവിരൽ തുമ്പ് മുറിഞ്ഞു,
ചോരയെൻ നെഞ്ചിൽ നിന്നും പൊടിഞ്ഞു
ഇന്നും ആ കൈവിരൽ തുമ്പിനാൽ നീയെന്റെ
നെഞ്ചിൻ മുറിപ്പാട് മായ്ക്കയല്ലേ
(നല്ലോരോണമല്ലേ സഖീ)

പ്രിയമൊരു വാക്കിന്‍റെ നിമിഷത്തില്‍
നീയെന്‍റെ പ്രണയത്തെ വായിച്ചിരുന്നൂ  
അതിലൊരു ശ്രുതി തെറ്റി ഇടറിയാല്‍
നീയെന്‍റെ ഹൃദയത്തെ നോവിച്ചിരുന്നൂ
(പ്രിയമൊരു വാക്കിന്‍റെ)

ഒരു ചിപ്പിയെടുത്തു നീ ചോദിച്ചൂ
എവിടെയാണ് ഒളിപ്പിച്ചതോമനേ പ്രണയ മുത്ത്‌
ഒരു മുത്തം തന്നു നീ ചോദിച്ചൂ
എവിടെയാണ് ഒളിപ്പിച്ചതെനിക്കുള്ള
പ്രണയ സ്വര്‍ഗ്ഗം,പ്രണയ സ്വര്‍ഗ്ഗം...
(പ്രിയമൊരു വാക്കിന്‍റെ)

പുഴ പാടും പാട്ടില്‍ നാടന്‍ പെണ്ണിന്‍ നാണം
നിഴലാടും കാവില്‍ മേടക്കാറ്റിന്‍ മേളം
മഴമേഘ പ്രാവുകള്‍ തൂവല്‍ കുടയും നേരം
തുള്ളാതെ തുള്ളുന്നെ മണ്ണും മനസ്സും
ഇന്ന് തുള്ളാതെ തുള്ളുന്നെ മണ്ണും മനസ്സും
(പുഴ പാടും പാട്ടില്‍)

തൂവാനതുമ്പികളെ തൂവാലകള്‍ തുന്നാന്‍ വാ
തൂമഞ്ഞിന്‍ ആടയണിഞ്ഞും വാ
നിറവാലന്‍ തത്തമ്മേ പുന്നെല്ല് കൊറിക്കാന്‍ വാ
എന്നോടങ്ങിഷ്ടം കൂടാന്‍ വാ
പൂമ്പാറ്റകളെ പൂത്തുമ്പികളെ  പൂഞ്ചോല പൊന്മാനേ,
പൂക്കണി കാണാന്‍ വാ പൂപ്പട കൂട്ടാന്‍ വാ
(പുഴ പാടും പാട്ടില്‍)

പണ്ടു നാം കാണുമ്പോള്‍ ചുണ്ടിലെ
പുഞ്ചിരി ഇതിലും മധുരമുണ്ടായിരുന്നു
ഇതിലും മധുരമുണ്ടായിരുന്നു
അന്ന് നിന്‍ മനസ്സിന്റെ നനവുള്ള
വാക്കുകള്‍ ഇതിലും വാചാലമായിരുന്നു
ഇതിലും വാചാലമായിരുന്നു

മിഴിനീര്‍ ഉണങ്ങാത്ത കവിളത്ത് നീ തൊട്ടു
മണമുള്ളൊരത്തറിന്‍ കൈകളാലെ
മഴയും വെയിലും  നമുക്ക് വേണ്ടി
നല്ല മധുര മനോഹര ചിപ്പി തന്നു
(പണ്ടു നാം കാണുമ്പോള്‍)

ഇനി നിന്നോര്‍മ്മ തന്‍ പടികടന്നെത്തുവാന്‍
പരിചിതമാം മോഹം  മടിച്ച് നില്‍ക്കും
ഇനിയീ ഗസലും, കവിതകളും
എന്‍റെ ഹൃദയമിടിപ്പുമാര്‍ക്ക് വേണ്ടി
(പണ്ടു നാം കാണുമ്പോള്‍)

ഓണം നിലാവിഴപോലെ...
ഓണം കിനാവിതള്‍‌പോലെ...
കാണാത്ത രാപ്പക്ഷി പാടുന്ന പാട്ടിലെ
കാമുകഭാവം‌പോലെ...
ഒരു കാമുകഭാവംപോലെ...
(ഓണം)
ചിങ്ങനിലാവിന്റെ കൂട്ടുകാരീ
എങ്ങുപോയ് ഇന്നെന്റെ തോഴീ
നിന്റെയോമല്‍‌ വള കിലുക്കി
പൂക്കളങ്ങള്‍ തീര്‍ക്കാം
പുഷ്പസംക്രമമായി
(ഓണം)
മാവേലിനാളിന്റെ പാട്ടുകാരീ
മോഹങ്ങള്‍ ഗാനങ്ങളായി
കൊയ്തൊഴിഞ്ഞോ പറനിറഞ്ഞോ
വീണ്ടുമാവണിയായി...
(ഓണം)

വെറുതെ മിഴിയിണകള്‍
ഇടയും ഒരു നിമിഷം
ഹൃദയം താനെ പാടും
വരുമോ സ്വര മുകിലെ
ഒരു നാളും പിരിയാതെ
ചിറകു തേടും മൊഴികള്‍
മഴവില്ലിന്‍ ശ്രുതി മീട്ടി
കവിത പാടും കിളികള്‍
ഇനി നിന്റെ ഓര്‍മ്മകളില്‍
ഒരു കൂട് കൂട്ടില്ലയോ
മിഴി രണ്ടും ഈ നിശയില്‍
അറിയാതെ നിറയില്ലയോ
ഇനിയെന്‍ മഴമുകിലെ
വരുവാന്‍ വൈകരുതേ
നിറകുളിരായി അണയുക നീ....

സുര്യനെ കാണാതെങ്ങനെ വിടർന്നു...
സൂര്യകാന്തികൾ നിൻകവിളിൽ...........
ഈ സൂര്യകാന്തികൾ നിൻ കവിളിൽ....
എന്നുമെൻ ഹൃദയാകാശത്തിൽ നിന്നെ-
രിയുകയാണൊരു സൂര്യൻ...............
എൻ ഹൃദയേശ്വരനാം സൂര്യൻ..........(2)

നിദ്രയിൽ നിശയുടെ തീരത്തെങ്ങോ....
നിൻ പ്രിയ സൂര്യൻ മറയുമ്പോൾ.........(2)
ഒരു കിനാവിൽ നിറനിലാവായി..........
വരുമവനെന്നെ പിരിയാതെ.............(2)
പിരിയാനാരുതാതെ...........(സുര്യനെ കാണാതെ)

ഇന്നെന്റെ പൂവിന്റെ മൊട്ടെടുത്തോളെ.....
പ്രണയമേഘത്തിന്റെ താളെടുത്തോളെ.......
സൂര്യന്റെ മാറിന്റെ ചൂടെടുത്തോളെ..............
നിലാവിന്റെ ലാവണ്യം കവർന്നെടുത്തോളെ...(2)
മഴയില്ലേ......പുഴയില്ലേ......വയലില്ലേ....കതിരില്ലേ..(2)
ചെറുകിളി പാടുന്ന മധുരസംഗീതത്തിൻ.............
ഇണകളായി തീരുവാൻ നീ വരില്ലേ.................(2)
  
മിഴികളിൽ സ്വപ്‌നങ്ങൾ നെയ്‌തെടുത്തോളെ............
മൊഴികളിൽ മധുരത്തിൻ തേൻ പകർന്നോളെ...........
ഹൃദയത്തിൽ പ്രേമത്തിൻ വിത്തെറിഞ്ഞോളെ...........
അധരത്തിൽ ആശതൻ മുത്തെറിഞ്ഞോളെ..............(2)