ആൽബം പാട്ടുകൾ

പറയാതെ നീ മെല്ലെ പോയതെങ്ങോ 
അറിയാതെ നീ മെല്ലെ പോയതെങ്ങോ 
കനവിൽ............
എൻ കനവിൽ നൂറുചിത്രം മെനഞ്ഞിട്ട്........
ഒന്നും പറയാതെ നീ മെല്ലെ പോയതെങ്ങോ...
ഞാനറിയാതെ നീ മെല്ലെ പോയതെങ്ങോ.....

എൻ ജന്മ പാതയിൽ ഞാനാദ്യമായ് 
കണ്ടു ഞാൻ ഓമലേ നിൻ പൂമുഖം (2)
താരാട്ടു പാടി ഞാൻ നെഞ്ചിൽ ഉറക്കി ഞാൻ 
എത്രയോ എത്രയോ നാളുകളിൽ (2)
എന്നിട്ടും.......ഒന്നും പറയാതെ നീ മെല്ലെ പോയതെങ്ങോ ....
ഞാനറിയാതെ നീ മെല്ലെ പോയതെങ്ങോ.....

നിളേ..........നിന്നെപ്പോലെ 
നിശ്വാസത്തിൻ ചുടുമിഴിനീർക്കണമല്ലോ...
മനസ്സിൽ ചുടുമിഴിനീർക്കണമല്ലോ.............
വേനൽതീയ്യിൽ ഹരിതതടങ്ങൾ എരിഞ്ഞുതീരുമ്പോൾ
കാലപ്രവാഹത്തിൽ കഥകളി മുദ്രകൾ-
കളഞ്ഞുപോകുമ്പോൾ........(നിളേ നിന്നെപോലെ....കണമല്ലോ)

കദളീവനങ്ങളിൽ ശാരികയുണ്ടോ........?
കല്ലോലമാലയിൽ ചിലങ്കകളുണ്ടോ.....?(2)
കേളീ കദംബങ്ങളുണ്ടോ........................?
നിറമാലചാർത്തിയ നികുഞ്ജങ്ങളുണ്ടോ?
തുഞ്ചന്റെ കിളിപൈതലുണ്ടോ..............?
                   (നിളേ നിന്നെപ്പോലെ........കണമല്ലോ)

എന്താണെന്നറിയാത്തൊരാത്മ ബന്ധത്തെ ഇന്നു ഞാൻ നീയെന്നു വിളിച്ചു... (2)
നിന്നിലലിയുന്ന മൂകവികാരത്തെ ഓമനേ ഞാനെന്നു വിളിച്ചു... (2 )

ഏദനിൽ നിന്നോ, യദുകുലത്തിൽ നിന്നോ... 
ത്രേതായുഗത്തിലെ സരയൂതീരത്തു നിന്നോ...
എവിടെ നിന്നോ എന്നെ തിരഞ്ഞു നീ വന്നൂ..
അവിടെ നിൻ ചാരെ ഞാൻ വന്നു ചേർന്നു (എവിടെ..)
ജന്മാന്തരങ്ങൾ തുടരുകയാണീ ദിവ്യസംഗമ ധന്യയാമങ്ങൾ....
(എന്താണെന്നറിയാത്തോരാത്മ ബന്ധത്തെ...)

ഈ ചില്ലയിൽ നിന്ന് ഭൂമിതൻ കൗമാര-
കാലത്തിലേക്ക് പറക്കാം............(2)
വാക്കുകളൊക്കെ പിറക്കുന്നതിൻ മുൻപ് 
പൂക്കും നിലാവിൽ കളിക്കാം........(2)
(വാക്കുകളൊക്കെ............കളിക്കാം)
ലാ ലാ ലാ ലാ ലാല്ല ലാ..........ലാ ലാ ലാ 

ആദ്യത്തെ കാഴ്ചയിൽ നിന്നോടു തോന്നിയൊ- 
രാർദ്ര വികാരമെന്തായിരുന്നു 
വെറുമിഷ്ടമല്ലായിരുന്നു..
അതുവരെയാരോടും തോന്നാതെ തോന്നിയ 
പുതിയ വികാരമെന്തായിരുന്നു 
വെറുമിഷ്ടമല്ലായിരുന്നു..
(ആദ്യത്തെ..)
പലനാൾ കൊതിച്ചിട്ടും ഒരുനാളും പെയ്യാത്ത 
മഴയുടെ നൊമ്പരം പോലെ.. (പലനാൾ..)
പറയാതെ പറയാതെ വീർപ്പു മുട്ടിച്ചോരാ..
മധുരാനുഭൂതിയെന്തായിരുന്നു 
വെറുമിഷ്ടമല്ലായിരുന്നു..
(ആദ്യത്തെ..)
പലവിരൽ തൊട്ടിട്ടും മണിവീണ പാടാത്ത 
മധുരമാം ഗീതകം പോലെ.. (പലവിരൽ..)
നുകരാതെ നുകരാതെ ദാഹിച്ചു നിന്നൊരാ 
ഹൃദയ വിചാരമെന്തായിരുന്നു 

ആ..........ആ..........ആ..........ആ........
പൂവുകളുണ്ട് ചന്ദ്രികയുണ്ട് (2)
പൂമരഛായയിൽ നീയുമുണ്ട് 
ചഷകം നിറയെ മുന്തിരിച്ചാറുണ്ട്(2)
ചന്ദനശീതള തെന്നലുണ്ട് 
                       (പൂവുകളുണ്ട്..........നീയുമുണ്ട്)

ഒരു വനഭൂമിയിൽ ഗാനങ്ങൾ പാടി 
ഓമനേ നീ എന്റെ അരികിലിരുന്നാൽ(2)
ഒരു സ്വർഗ്ഗ ഭൂമിയായി കാനനം മാറും
ഓരോ നിമിഷം സ്വർഗ്ഗീയമായി മാറും(2)
                            (പൂവുകളുണ്ട്............നീയുമുണ്ട്)

വെണ്ണിലാവിൻ പൂക്കളൊഴുകും 
വേമ്പനാടിൻ തിരകളേ..........
ഉത്രാടക്കാറ്റിൽ നിങ്ങടെ പൂക്കളങ്ങൾ മാഞ്ഞിടുമ്പോൾ 
നെഞ്ചുപൊട്ടുന്നു എന്റെ നെഞ്ചുപൊട്ടുന്നു 
തെയ് തെയ് തെയ് തകതോ തിത്തൈ തെയ് തെയ് തെയ് തകതോം 

കാരിച്ചാൽ ചുണ്ടൻ കണ്ണായ ചുണ്ടൻ 
ഓളം കീറിമുറിച്ചോണ്ടോടുന്നേ 
ഒന്നാം തിര തേടി പോകുന്നേ(2 )
തിത്തൈ തക തിത്തൈ തക തിത്തൈ തക തോം 
                         (കാരിച്ചാൽ ചുണ്ടൻ..........പോകുന്നേ)

ചുണ്ടനു കൂട്ടായിട്ടാരാരുണ്ട് 
പമ്പ വളർത്തിയ പിള്ളേരുണ്ട് (2)
കാഞ്ഞങ്ങാട്ടുകുളങ്ങര ഭഗവതിയുണ്ട് 
മണ്ണാറശാല നാഗരാജാവുണ്ട് (2)
തിത്തൈ തക...............തക തോം(2)
                         (കാരിച്ചാൽ ചുണ്ടൻ........പോകുന്നേ)

പകരം തരാനൊന്നുമില്ലെന്റെ കൈയ്യിലീ 
ചെറിയൊരു ജന്മമല്ലാതെ..
അധികമാവില്ലൊന്നും നീ തന്ന സ്നേഹത്തിൻ 
മധുരമത്രക്കുമേലില്ലേ..
ഊം..ഊം..ഊം

ഓമനേ നിന്നെക്കുറിച്ചു  നിനക്കുമ്പോൾ 
ഓർമകൾക്കെന്നും വസന്തം എന്റെ..
ഓർമകൾക്കെന്നും വസന്തം (ഓമനേ..)
ഏതു വിഷാദവും നിർവൃതിയാക്കുന്ന..
ജീവാനുരാഗസുഗന്ധം നീയൊരു 
സ്നേഹാർദ്ര ചിത്രപതംഗം..
(പകരം..)

താമരയിതൾ കണ്ണും പൂട്ടി
എന്റെ തങ്കം നീയുറങ്ങൂ
താമരയിതൾ കണ്ണും പൂട്ടി
എന്റെ തങ്കം നീയുറങ്ങൂ
പാടിയുറക്കൂ നീ കുയിലമ്മ പെണ്ണേ
താളം പിടിക്കൂ കുഞ്ഞിളം കാറ്റേ
പാടിയുറക്കൂ നീ കുയിലമ്മ പെണ്ണേ
താളം പിടിക്കൂ കുഞ്ഞിളം കാറ്റേ
താമരയിതൾ കണ്ണും പൂട്ടി
എന്റെ തങ്കം നീയുറങ്ങൂ

ആരോമലുണ്ണിക്കു നേർവഴി കാട്ടുവാൻ
അണ്ണാറക്കണ്ണാ നീയും വായോ
ആരോമലുണ്ണിക്കു നേർവഴി കാട്ടുവാൻ
അണ്ണാറക്കണ്ണാ നീയും വായോ
വാനോളമുയരുമ്പോൾ എന്നുണ്ണിക്കണ്ണന്റെ
കൂടെപ്പറക്കുവാൻ പോരൂ നീ തത്തേ
താമരയിതൾ കണ്ണും പൂട്ടി
എന്റെ തങ്കം നീയുറങ്ങൂ