ആ കൈയ്യിലീക്കൈയ്യിലോ അമ്മാനക്കല്ല്
ആ കൈയ്യിലാണെങ്കില്‍ നാളെ വരും
ഈ കൈയ്യിലാണെങ്കില്‍ ഇന്നു വരും -
പ്രിയനിന്നു വരും. 
(ആ കൈയ്യിലീ... )

വെള്ളി മേഘങ്ങള്‍ക്കിടയില്‍
വെളുത്തവാവിന്‍ നടയില്‍
മാനത്തു പറക്കും പുഷ്പവിമാനത്തില്‍
മധുരവുമായ് വീട്ടില്‍ വിരുന്നു വരും
(ആ കൈയ്യിലീ... )

ഓരിതളിരിതള്‍ വിരിയും ചുണ്ടില്‍
ഒരുപാടൊരുപാടുമ്മതരും
മാറോടു ചേര്‍ക്കും കോരിത്തരിക്കും
വാരിവാരിപ്പുണരും 

വെള്ളിച്ചിറകുള്ള മേഘങ്ങളേ
വെണ്ണിലാപ്പുഴയിലെ ഹംസങ്ങളേ
അളകാപുരിയിലേക്കോ നിങ്ങള്‍
അമരാവതിയിലേക്കോ
(വെള്ളി... )

പോകുംവഴിയ്ക്ക് പടിഞ്ഞാറുള്ളൊരു
പവിഴ ദ്വീപിലിറങ്ങുമെങ്കില്‍ - എന്റെ
പ്രിയമാനസനെ കാണുമെങ്കില്‍
പറയൂ നിങ്ങള്‍ പറയൂ - ഈ
വിരഹിണിതന്‍ കഥ പറയൂ
(വെള്ളി... )

മോഹം കൊണ്ടൊരു ഗന്ധര്‍വ്വ നഗരം
മനസ്സില്‍ തീര്‍ത്തതറിഞ്ഞുവെങ്കില്‍ - എന്റെ
കതിര്‍മണ്ഡപമിതു കണ്ടുവെങ്കില്‍
പറയൂ നിങ്ങള്‍ പറയൂ - ഈ
പ്രിയവധുവിന്‍ കഥ പറയൂ
(വെള്ളി... )

പ്രേമസര്‍വ്വസ്വമേ നിന്‍
പ്രമദവനം ഞാന്‍ കണ്ടൂ - അതില്‍
മദനന്‍ വളര്‍ത്തും മാനിനെ കണ്ടൂ
മദിരോത്സവം കണ്ടൂ
പ്രേമസര്‍വ്വസ്വമേ

കവിളത്തു കരിവണ്ടിന്‍ ചുംബനപ്പാടുമായ്
ഇലവര്‍ങപൂക്കള്‍ വിടര്‍ന്നൂ - ഒരു
സ്വര്‍ഗ്ഗവാതില്‍ കിളിയായ് ഞാന്‍
സ്വയം മറന്നിവിടെ നിന്നൂ 
സ്വര്‍ഗ്ഗവാതില്‍ കിളിയായ് ഞാന്‍
സ്വയം മറന്നിവിടെ നിന്നൂ - ഇന്നുഞാന്‍
സ്വയം മറന്നിവിടെ നിന്നൂ
പ്രേമസര്‍വ്വസ്വമേ

മധുമതീ മധുമതീ - ഇത്രനാളും 
നീയൊരചുംബിത പുഷ്പമായിരുന്നൂ
മധുമതീ ... 

ഈ വിജന ലതാഗൃഹത്തില്‍ 
ഈ വികാര സദനത്തില്‍
മനസ്സിലെ മുന്തിരിത്തേന്‍ കുടം
എനിക്കു നീട്ടിത്തന്നൂ നീ
എനിക്കു നീട്ടിത്തന്നൂ നീ
(മധുമതീ...)

ഈ മൃദുല ശിലാതലത്തില്‍ 
ഈ മദാലസ നിമിഷത്തില്‍
കനവിലെ മുത്തുകളെല്ലാം
എനിക്കു വാരിത്തന്നൂ നീ 
എനിക്കു വാരിത്തന്നൂ നീ
(മധുമതീ.....)

ഏഴിലം പൂമരക്കാട്ടില്‍
ഏലം പൂക്കുന്ന കാട്ടില്‍
കാലത്തുണര്‍ന്നൊരു കുങ്കുമപ്പൂവിനു
മേലാകെ കസ്തൂരി കസ്തൂരി 
(ഏഴിലം..)

ഇത്തിരിപ്പൂവേ ചുവന്ന പൂവേ നിന-
ക്കെവിടുന്നു കിട്ടിയീ കസ്തൂരി
ഇത്തിരിപ്പൂവേ ചുവന്ന പൂവേ നിന-
ക്കെവിടുന്നു കിട്ടിയീ കസ്തൂരി
നക്ഷത്രക്കുന്നിലെ കൂട്ടില്‍ നിന്നോ
യക്ഷിക്കഥയുടെ ചെപ്പില്‍ നിന്നോ 
(ഏഴിലം..)

ചീകിമിനുക്കിയ പീലിച്ചുരുള്‍മുടി
ചിക്കിയഴിച്ചതാര് - പെണ്ണേ
ചിക്കിയഴിച്ചതാര്
മാറില്‍ക്കിടന്നൊരു കാഞ്ചീപുരംസാരി
കീറിക്കളഞ്ഞതാര് - പെണ്ണേ
കീറിക്കളഞ്ഞതാര് 
നാത്തൂന്റെ പൊന്നാങ്ങള..

അല്ലിപ്പൂങ്കവിളിലേ തളിരിതളെല്ലാം
നുള്ളിയെടുത്തതാര് - ഇന്നലെ
നുള്ളിയെടുത്തതാര്
പല്ലവകോമളമേനിയില്‍ കൈനഖ-
പ്പുള്ളികുത്തിയതാര് 
നാത്തൂന്റെ പൊന്നങ്ങള..

താമരക്കയ്യിലെ തരിവളയെല്ലാം
തല്ലിയുടച്ചതാര് -  ഇന്നലെ
തല്ലിയുടച്ചതാര്
ഒന്നു ഞാന്‍ കള്ളനെ കാണട്ടെ ഇപ്പണി
ഇന്നു പറ്റുകയില്ല
അയ്യയ്യൊ മിണ്ടരുതേ.. 

കന്നിയിളം മുത്തല്ലേ
കടിഞ്ഞൂൽ മുത്തല്ലേ ചിരിക്കൂ
ഒന്നു ചിരിക്കൂ - എന്റെ
ചിത്തിര മുത്തല്ലേ 
(കന്നിയിളം...)

വിരിഞ്ഞ കല്‍പ്പക തിരുമലരല്ലേ 
വിണ്ണിന്‍ കുളിരല്ലേ
വര്‍ണ്ണമേഘം മാറിലുറക്കും
ഇന്ദുകലയല്ലേ - നീ ഇന്ദുകലയല്ലേ
(കന്നിയിളം...)

വിടര്‍ന്ന ചുണ്ടിലെ കനിയമൃതുണ്ണാന്‍
വന്നൂ കൊതിയോടേ
കണ്ണുനീരിന്‍ കാളിന്ദി നീന്തി
വന്നു നിന്നരികില്‍ - ഞാന്‍ 
വന്നു നിന്നരികില്‍
(കന്നിയിളം....)

അകലുകയോ തമ്മിലകലുകയോ
ആത്മബന്ധങ്ങള്‍ തകരുകയോ
അകലുകയോ തമ്മിലകലുകയോ
ആത്മബന്ധങ്ങള്‍ തകരുകയോ

വഞ്ചികള്‍ പിരിയുന്നു പമ്പാനദിയുടെ 
നെഞ്ചിലൂടെ - നോവും നെഞ്ചിലൂടെ
വഞ്ചികള്‍ പിരിയുന്നു പമ്പാനദിയുടെ 
നെഞ്ചിലൂടെ - നോവും നെഞ്ചിലൂടെ
പുഞ്ചപ്പാടമാം അക്ഷയപാത്രം പങ്കിട്ടു
തട്ടിയുടയ്ക്കുന്നൂ - അവര്‍
പങ്കിട്ടു തട്ടിയുടയ്ക്കുന്നു

അകലുകയോ തമ്മിലകലുകയോ
ആത്മബന്ധങ്ങള്‍ തകരുകയോ
അകലുകയോ തമ്മിലകലുകയോ

കുട്ടനാടൻ പുഞ്ചയിലെ
തെയ് തെയ് തക തെയ് തെയ് തോം
കൊച്ചു പെണ്ണെ കുയിലാളേ
തിത്തിത്താതി തെയ് തെയ്
കൊട്ടുവേണം  കുഴൽവേണം കുരവവേണം
ഓ തിത്തിത്താരാ തിത്തിത്തെയ്
തിത്തൈ തിത്തൈ  തകതെയ്

ഓഹോ...ഓഹോ...ഏലേലം... 

ആമ്പല്‍ പൂവേ അണിയം പൂവേ 
നീയറിഞ്ഞോ നീയറിഞ്ഞോ 
ഇവളെന്റെ മുറപ്പെണ്ണ് മുറപ്പെണ്ണ്
(ആമ്പല്‍... )

കുമാരനല്ലൂര്‍ കാര്‍ത്തിക നാള്‍ 
കുളിച്ചൊരുങ്ങി - ഉടുത്തൊരുങ്ങി 
ഇവള്‍ വരുമ്പോള്‍ 
തുടിക്കും മാറില്‍ ചാര്‍ത്തും ഞാനൊരു 
തുളസിമാല താലിമാല 
(ആമ്പല്‍...  )

വിവാഹനാളില്‍ നാണവുമായ് 
വിരിഞ്ഞു നില്‍ക്കും - കിനാവ്‌ പോലെ 
ഇവള്‍ വരുമ്പോള്‍ 
കവിളില്‍ മാറില്‍ കണ്ണാല്‍ അന്നൊരു 
പ്രണയകാവ്യം ഞാനെഴുതും 
(ആമ്പല്‍...  )