പൂ നിറഞ്ഞാൽ പൂമുടിയിൽ മധുമധുരം
നീ കനിഞ്ഞാൽ ഓർമ്മകളിൽ അതിമധുരം
പൂ നിറഞ്ഞാൽ പൂമുടിയിൽ മധുമധുരം
നീ കനിഞ്ഞാൽ ഓർമ്മകളിൽ അതിമധുരം

ഹൃദയഗാനമയീ നീയെവിടെ
നിത്യതപസ്വിയായ് ഞാനവിടെ
നിൻ നെടുവീർപ്പിൻ സ്വരം പോലും ലഹരിമയം
പുലരി വന്നാൽ പൂവുകളിൽ മഞ്ഞലകൾ
നീയണഞ്ഞാൽ എൻ മനസ്സിൽ കുളിരലകൾ
പൂ നിറഞ്ഞാൽ പൂമുടിയിൽ മധുമധുരം
നീ കനിഞ്ഞാൽ ഓർമ്മകളിൽ അതിമധുരം

ശാഖാ നഗരത്തിൽ ശശികാന്തം ചൊരിയും

ശാരദ പൗർണമീ

എന്റെ താന്തമാം ശയനമന്ദിരം

എന്തിനു നീ തുറന്നൂ

എന്തിനു നീ തുറന്നൂ   (ശാഖാ നഗരത്തിൽ ..)

അവളുടെ അരമണി കല്യാണി പാടും

ആനന്ദ മാളികയിൽ (2)

പ്രാസാദമുല്ലകൾ പൂകൊണ്ടുമൂടും

പല്ലവശയനത്തിൽ

നീ കൊണ്ടു പോകൂ ചന്ദ്രോപലങ്ങൾ പതിച്ച നിൻ നീരാളങ്ങൾ  (ശാഖാ നഗരത്തിൽ....)

അവളുടെ ഓർമകൾ നാളമായ്‌ പൂക്കും

മൺവിളക്കെൻ ഹ്രദയം (2)

ആമുഗ്ദ്ധഹാസം പൂക്കളായ്‌ വിടരും

ആരാമമെൻ മുറ്റം

നീ കൊണ്ടുപൊകൂ നിൻ വിരിമാറിൽ പൊഴിയുമീ നെടുവീർപ്പുകൾ

(ശാഖാ നഗരത്തിൽ ....)

ഓ...ഓ..ഓ..ഓ..
ആറന്മുള ഭഗവാന്റെ പൊന്നു കെട്ടിയ ചുണ്ടൻ വള്ളം
ആലോല മണിത്തിരയിൽ നടനമാടി
ആറ്റുവക്കിലുലഞ്ഞാടും കരിനീല മുളകളിൽ
കാറ്റു വന്നു തട്ടിയോണപ്പാട്ടൊന്നു പാടീ ( ആറന്മുള...)

ചിത്രവർണ്ണപ്പട്ടുടുത്തെൻ  ചിത്രലേഖ പാറി വന്നു (2)
ഉത്തൃട്ടാതി ഓണവെയിലിൽ കുളിച്ചു നിന്നു ഓ...ഓ...
കണ്മണി തൻ കടമിഴിത്തോണിയിലെ കന്യകളാം
കനവുകൾ ഇരയിമ്മൻ കുമ്മികൾ പാടി

പൂമനസ്സിൻ താലം തുള്ളിത്തുളുമ്പിയ നേരം തങ്കം (2)
പൂവരശ്ശിന്നില നുള്ളിയെറിഞ്ഞു നിന്നൂ ഓ..ഓ...
നിൻ വിരലിൻ മണം കവർന്നിളകുമായിലകളും
എന്റെ ദുഃഖ ഹൃദയവും തിര കവർന്നൂ (ആറന്മുള...)

നാലുകാലുള്ളൊരു നങ്ങേലിപ്പെണ്ണിനെ
കോലുനാരായണൻ കട്ടോണ്ടു പോയ്
രണ്ടുകാലുള്ളൊരു ചട്ടമ്പി പെണ്ണിനെ
കണ്ടവരെല്ലാരും കൊണ്ടോണ്ട് പോയ്
കരണത്തും നെഞ്ചത്തും കൊണ്ടോണ്ടു പോയ് (നാലുകാലുള്ളൊരു..)

കൊട്ടാരം പാറൂനു കൊണ്ടാലും നോവൂല്ല
കുട്ടപ്പൻ ചേട്ടനു കൊള്ളാനും ചുണയില്ല
സരിഗമപധനിയിലുറി കെട്ടിത്തൂക്കി
അതിലൊരു വല്യമ്മ കലംകെട്ടി തൂക്കി
സരിഗമപധനി സനി സനി സനിധാ
ഒലക്കേടെ - മൂട്
(നാലു...)

പൂവിനു കോപം വന്നാൽ അത്
മുള്ളായി മാറുമോ തങ്കമണീ
മാനിനു കോപം വന്നാൽ അത്
പുലിയായ് മാറുമോ തങ്കമണീ
തങ്കമണീ പൊന്നുമണീ ചട്ടമ്പിക്കല്ല്യാണീ

അങ്ങാടിമുക്കിലെ അത്തറുസഞ്ചി നീ
അനുരാഗക്കടവിലേ ആറ്റുവഞ്ചി
പുന്നാരപ്പുഞ്ചിരി പൂക്കളമെഴുതി
പൊന്നോണം പോലെ വരും പൂവലാംഗി
തങ്കമണി പൊന്നുമണി ചട്ടമ്പിക്കല്ല്യാണി (പൂവിനു..)

കോഴിക്കോടൻ കൈലിമുണ്ട് മടക്കിക്കുത്തി
കാർമേഘ പൂഞ്ചായൽ മടിച്ചു കെട്ടി
ഇല്ലാത്ത കൊമ്പൻ മീശ പിരിച്ചു കാട്ടി
കൊല്ലുന്ന നോട്ടമെയ്യും കോമളാംഗി
തങ്കമണി പൊന്നുമണി ചട്ടമ്പിക്കല്യാണി
(പൂവിനു..)

ഇടവഴിയിൽ ശംഖുമാർക്ക് കൈയിലിക്കെട്ട് പിന്നെ
ഇടനെഞ്ചിൽ കിനാവിന്റെ കുലുക്കിക്കുത്ത്
കിളിവാതിൽ മറവിൽ നിന്നൊളികൺ നോട്ടം വള
ക്കിളികൾ തൻ പരിഭവക്കളീ പുന്നാരം (ഇടവഴിയിൽ...)

മണി നാലു മുട്ടുമ്പോൾ മണിമലയാറിന്റെ
മണലോരത്തൊരാളുടെ സൈക്കിൾ യജ്ഞം
അരയോളം വെള്ളത്തിൽ  നിൻ കുളിർ നീരാട്ട്
അതു കാണുന്നേരം ഖൽബിൽ അമിട്ടു കെട്ട് (ഇടവഴിയിൽ...)
ഇനിയത്തെ റംസാനു അരികത്തു തന്നെ നീ
ഇരിക്കുമെന്നകക്കാമ്പിൽ പൂതി ചൊല്ലുന്നു
കളിയല്ല നടത്തും നാമുടൻ നിക്കാഹ്
ചിരി തൂകുമന്നു നിന്റെ മണിയേലസ്സ് (ഇടവഴിയിൽ..)

ഒരിക്കല്‍ മാത്രം വിളികേള്‍ക്കുമോ
ഗദ്ഗദമായൊരു പാഴ്സ്വരമായ്
ഒഴുകിവരുന്നൂ ഞാന്‍
ഒരിക്കല്‍ മാത്രം വിളികേള്‍ക്കുമോ
ഒരിക്കല്‍ മാത്രം

മോഹമരീചിക തേടിയലഞ്ഞൂ
ശോകത്തിന്‍ മരുഭൂവില്‍
കാലമിളക്കിയ കാറ്റിലടിഞ്ഞൂ
കാത്ത കിനാക്കള്‍ പൊലിഞ്ഞൂ
വിരിഞ്ഞ സുരഭീ മധുവനമേ - നീ
മറന്നു പോയോ - എന്നെ മറന്നുപോയോ
ഒരിക്കല്‍ മാത്രം വിളികേള്‍ക്കുമോ
ഒരിക്കല്‍ മാത്രം