നിധിയും കൊണ്ട് കടക്കുന്നു നീ
നിന്നിൽ നിന്നൊളിച്ചോടുന്നു
നീയോടുന്നു മുൻപേ
നിൻ മനസ്സാക്ഷി പിൻപേ ( നിധിയും..)

പത്തുമാസം ചുമന്നവളെവിടെ
പോറ്റി വളർത്തിയ നീയെവിടെ
വിരഹത്തീയിൽ പെറ്റമ്മയെരിഞ്ഞൂ
വിലയ്ക്കു വാങ്ങീ മാതൃത്വം നീ
വിലയ്ക്കു വാങ്ങീ മാതൃത്വം
അമ്മയാണോ നീ ഇതു ധർമ്മമാണോ (നിധിയും..)

സ്വന്തം ജീവൻ തന്നവളെവിടെ
വന്ധ്യയാം നിൻ മനസ്സെവിടെ
നിൻ സ്വാർത്ഥതയിൽ ബന്ധങ്ങളുലഞ്ഞൂ
കവർന്നെടുത്തൂ മാതൃത്വം നീ
കവർന്നെടുത്തൂ മാതൃത്വം
അമ്മയാണോ നീ ഇതു ധർമ്മമാണോ (നിധിയും..)

ശില്പീകൾ നമ്മൾ ഭാരതശില്പികൾ നമ്മൾ
ഉണരും നവയുഗ വസന്തവാടിയിൽ
വിടർന്ന പുഷ്പങ്ങൾ
വിടർന്ന പുഷ്പങ്ങൾ -വിടർന്ന പുഷ്പങ്ങൾ

കാറ്റടിച്ചാൽ കലിയിളകും അഷ്ടമുടിക്കായൽ
കാറ്റു നിന്നാൽ ഗാനം മൂളും അഷ്ടമുടിക്കായൽ
കൈതപ്പൂമണമലിയും കായലിലെയോളം
കണ്ണീരിന്നുപ്പലിയും കായലിലെയോളം
(കാറ്റടിച്ചാൽ..)

എന്റെ ദുഃഖം ചിറകിലേറ്റും കായലോളമേ
നിന്റെ ചുണ്ടിൽ കാലമെഴുതും ഉറക്കുപാട്ടുണ്ടോ
ഓർമ്മകൾ എന്നോർമ്മകൾ
ഇടവപ്പാതിക്കാർമേഘങ്ങൾ
അവ പെയ്തു നിറയും എന്റെ ഹൃദയം
അഷ്ടമുടിക്കായൽ മറ്റൊരഷ്ടമുടിക്കായൽ
(കാറ്റടിച്ചാൽ..)

തുയിലുണരൂ തുയിലുണരൂ തുമ്പികളേ
തുമ്പപ്പൂങ്കാട്ടിലെ വീണകളേ
തിരുവോണപ്പുലരി വന്നൂ
തൃക്കാക്കര നട തുറന്നു
കുരവയിട്ടു പാടി വരൂ കുരുവികളേ
കുരവയിട്ടു പാടി വരൂ കുരുവികളേ
 (തുയിലുണരൂ..)

മുക്കുറ്റിപ്പൂ വിരിഞ്ഞൂ
മൂന്നു കോടി പൂ വിരിഞ്ഞു (2)
തെച്ചിപ്പൂങ്കാവുകൾ തറ്റുടുത്തു (20
പൂനുള്ളാൻ തുമ്പി തുള്ളാൻ
പൂവിളി കേട്ടൂഞ്ഞാലാടാൻ
പുതിയ ഭാവധാരകളേ തുയിലുണരൂ
(തുയിലുണരൂ..)

മഞ്ഞപ്പട്ട് ഞൊറിഞ്ഞൂ വാനം നീലവാനം

കാണാൻ കണ്ണുകൾ കോടി വേണം

വാനമുടുക്കും പുലരിക്കസവിൻ ഞൊറികൾ

പൂഞൊറികൾ (മഞ്ഞ...)

സിന്ദൂരപ്പൊടി വിതറി മേലേ ചന്ദനകളഭം തൂവി

പലവർണ്ണങ്ങൾ പല ദ്രവ്യങ്ങൾ

അഭിഷേകങ്ങൾ തുടർന്നു

കതിരവനെഴുതിയ കവിത ഉറഞ്ഞു കൂടിയതാണോ

ഏഴു സ്വരങ്ങൾ കണ്ടു കിനാവുകൾ

ഏഴു നിറങ്ങളായോ

രാഗം ചൂടിയുണർന്നു ഭൂമി ധന്യ ഭൂമി

കേൾക്കാൻ കാതുകൾ കോടി വേണം

കുരുവികൾ പാടും സരിഗമ തന്നുടെ സാരം

രാഗ സാരം (മഞ്ഞ...)

സ്വർണ്ണപ്പൂവെയൊലുരുകി അരുവി

വർണ്ണം പാടിച്ചിതറി

പുൽക്കൊടിപോലും മഞ്ഞിൻ കണമാം

തിരുവോണപ്പുലരിതൻ
തിരുമുൽക്കാഴ്ച വാങ്ങാൻ
തിരുമുറ്റമണിഞ്ഞൊരുങ്ങീ
തിരുമേനിയെഴുന്നെള്ളും സമയമായീ
ഹൃദയങ്ങളണിഞ്ഞൊരുങ്ങീ ഒരുങ്ങീ
ഹൃദയങ്ങളണിഞ്ഞൊരുങ്ങീ

ഉത്രാടപ്പൂക്കുന്നിന്നുച്ചിയിൽ പൊൻവെയിൽ
ഇത്തിരിപ്പൊന്നുരുക്കീ ഇത്തിരിപ്പൊന്നുരുക്കീ
കോടിമുണ്ടുടുത്തും കൊണ്ടോടി നടക്കുന്നു
കോമളബാലനാം ഓണക്കിളി
ഓണക്കിളീ ഓണക്കിളി (തിരുവോണ...)

സൂര്യനെന്നൊരു നക്ഷത്രം 
ഭൂമിയെന്നൊരു ഗോളം 
ഗോളത്തിൽ സ്വന്തം നിഴലിനെപ്പോലും 
സ്നേഹിച്ചു വഞ്ചിക്കും മനുഷ്യൻ - പാവം മനുഷ്യൻ 
പാവം മനുഷ്യൻ 

പകലും രാവും മാറിവരാനായ്‌ 
പതിവായ്‌ കറങ്ങുന്നു ഭൂമി 
പലകാലങ്ങൾ മാറിവരാനായ്‌ 
പകലോനെ ചുറ്റുന്നു ഭൂമി 
മാറുന്നു സർവ്വവും എന്നറിഞ്ഞാലും 
മാറാത്തവനേ മനുഷ്യൻ - പാവം മനുഷ്യൻ 
പാവം മനുഷ്യൻ 
(സൂര്യനെന്നൊരു ...) 

ഈ ഗാനത്തിൽ വിടരും മോഹനം
ഇരു ഹൃദയപ്പൂക്കളിൽ തുളുമ്പും സൗരഭം (2)
ഈ വസന്ത പൗർണ്ണമി തൻ ഇന്ദ്രനീലപ്പുഴയിൽ
ഈണമായ് നീന്തുന്നു നമ്മൾ ( ഈ ഗാനത്തിൽ..)

ഇളം തെന്നൽ കുളിർമണിയുതിർന്നിടും നേരം
അരികിൽ നീ വന്നെന്നറിയും(2)
പ്രിയതോഴിയെൻ കണ്ണിൽ തഴുകിടും നേരം (2)
നിർവൃതി തന്നർഥമറിയും ഞാൻ
നിർവൃതി തന്നർത്ഥമറിയും (ഈ ഗാനത്തിൽ...)

വെളിച്ചത്തിൻ തിരയിൽ ഞാൻ നീന്തുവാനായ് നീ
മനസ്സേ പൗർണ്ണമിയാക്കി (2)
നിറങ്ങളേഴെൻ മുന്നിൽ നർത്തനമാടാൻ
മധുമൊഴി മാധവമാക്കി നീ
മധുമൊഴി മാധവമാക്കി (ഈ ഗാനത്തിൽ..)

ആ...ആ....ആ...
കതിർമണ്ഡപം സ്വപ്ന സ്വരമണ്ഡപം
കതിർചൂടുമനുരാഗ ശ്രുതിമണ്ഡപം
ഇവിടെ നാം കൊളുത്തുന്ന കൈത്തിരിയല്ലോ
ഇരുഹൃദയങ്ങളെ നയിക്കും തൂവെളിച്ചം
കതിർമണ്ഡപം സ്വപ്ന സ്വരമണ്ഡപം
കതിർചൂടുമനുരാഗ ശ്രുതിമണ്ഡപം

തോരണങ്ങൾ വെറും കുരുത്തോലകൾ - അവ
കാവ്യങ്ങളുറങ്ങും എഴുത്തോലകൾ
നിറപറയിൽ വെറും നെന്മണികൾ
ആ‍...ആ...ആ...
നിറപറയിൽ വെറും നെന്മണികൾ - അവ
നിരവദ്യകാമനകൾതൻ പൊന്മണികൾ
കതിർമണ്ഡപം സ്വപ്ന സ്വരമണ്ഡപം
കതിർചൂടുമനുരാഗ ശ്രുതിമണ്ഡപം