ലളിതസംഗീതം

 

ആ മുഖം കാണുവാൻ
ആ മൊഴി കേൾക്കുവാൻ
 ആ കരം കോർത്തു നടന്നു പോവാൻ
ആദ്യമായി കണ്ടു പിരിഞ്ഞ നാളിൽ
ആശിച്ചു പിന്നെയും
ഒന്നു കാണാൻ ഒന്നു കാണാൻ


സ്നേഹിച്ചു തീരാത്ത പൂവുകൾ
സ്നേഹിച്ചു തീരാത്ത പൂവുകൾ ആ വഴി
പോവുന്ന നമ്മെയും നോക്കി നീ
വായിച്ചു തീരാത്ത മൗനത്തിൻ തേന്മൊഴി
കാതോർത്തു കേൾക്കുകയായിരുന്നു
നമ്മൾ കാതിൽ പകർത്തുകയായിരുന്നു

കാനനജ്വാലകൾ പൂവിട്ടു
കാനനജ്വാലകൾ പൂവിട്ടു നിൽക്കുന്നു
വാഴ്വിന്റെ നടക്കാവിലൂടെ
കാലം പതുക്കെ നടന്നു പോം കാലൊച്ച
കാതരമെൻ മനം കേട്ടു നിന്നൂ
ഋതുഭേദങ്ങൾ കണ്ടു ഞാൻ അമ്പരന്നു
   

 

ഏകാകിനീ ഏകാകിനീ
നിൻ തമസ്സകറ്റുന്നൊരാകാശ
ദീപം ഞാൻ കാണ്മൂ
നിന്റെ നിഗൂഡ ദുഃഖങ്ങൾ മാറ്റുന്ന
സന്തോഷരശ്മികൾ കാണ്മൂ

കാലത്തിൻ താളിൽ നിൻ കണ്ണെഴുതിയ
കാവ്യമാണെന്നന്തരംഗം
മേഘപടങ്ങൾ  മറച്ചി നിർത്തുമ
ത്താരകയാണെന്റെ സ്വപ്നം
സ്വർഗ്ഗ താരകയാണെന്റെ സ്വപ്നം

പൂക്കളിൽ തേടി പുഴകളിൽ തേടി ഞാൻ
പുൽക്കൊടിത്തുമ്പിലും തേടി
ചന്ദ്രികച്ചാർത്തിൽ മയങ്ങും  താജ് മഹൽ
ശില്പത്തിൽ നിന്നെ ഞാൻ കാണ്മൂ പ്രേമ
ശില്പത്തിൽ നിന്നെ ഞാൻ കാണ്മൂ
 

 

ഗീതമേ സംഗീതമേ
ശ്രുതി ലയ രാഗ സൗഭാഗ്യമേ

ഒരു വാക്കും പെയ്യാത്തൊരേകാന്തത
പെരുമഴക്കാലമായ് മാറ്റി
ഒരു തുള്ളിയൂറാത്തൊരെന്റെയാത്മാവു നീ
നറു പാൽക്കടലാക്കി മാറ്റി
ഈ ജന്മം പൂവാക്കി നിൻ കാലിലർപ്പിച്ചാൽ
തീരുമോ കടം തീരുമോ
(ഗീതമേ...)

ഒരു മൊട്ടും വിരിയാത്തൊരെൻ സ്വപ്നങ്ങൾ
അണിമലർക്കാവുകളാക്കി
ഒരു മന്ത്രമുണരാത്തൊരെന്റെ തുടിപ്പുകൾ
പ്രണവധ്വനികളിലാഴ്ത്തി
ഈ ജന്മം കണ്ണീരായ് നിൻ കാൽക്കൽ നേദിച്ചാൽ
തീരുമോ കടം തീരുമോ
എന്റെയീ കടം തീരുമോ
ദേവീ സ്വരദേവീ
(ഗീതമേ....)

 

കൃഷ്ണഗാഥ പാടിവരും കിളിമകളേ
കൃഷ്ണലീല കണ്ടു വരും പൊന്മകളേ
ഭക്തി പുഷ്പമാലകളാൽ ഭക്തിഗാനമഞ്ജരിയാൽ
നൃത്തലോല നിന്നെയെതിരേൽക്കാം ഞാൻ

ചെറുശ്ശേരി കണ്ടെടുത്ത ശാരികയാളേ
പൂന്താനം പോറ്റി വന്ന പൂമിഴിയാളേ
നാരായണീയത്തിൻ ഗായികയല്ലേ നീ
നരജീവിത ഭാഗധേയ നായികയല്ലേ
(കൃഷ്ണഗാഥ....)

മമവീണാ തന്ത്രികളിൽ നീ തഴുകേണം
മായാത്ത വർണ്ണധാര നീ പകരേണം
സാരോപദേശത്തിൻ പൈങ്കിളിയല്ലേ നീ
പ്രിയമാനസ പുളകോദ്ഗമ ഭാവനയല്ലേ
(കൃഷ്ണഗാഥ...)

 

മാരനെയ്താൽ മുറിയാത്ത മനസ്സാണോ
അനുരാഗമെന്തെന്നറിയാത്ത തപസ്സാണോ
താമര വിടരാത്ത സരസ്സാണോ പൊന്നും
താരക തെളിയാത്ത നഭസ്സാണോ
(മാരനെയ്താൽ...)

മധുമാസം ഹൃദയത്തിൽ പകരുന്ന പൂന്ര്ഹേൻ
മധുപന്നു നൽകാത്ത മലരുണ്ടോ
താമര വിരലിന്റെ ലാളനമേൽക്കുമ്പോൾ
താലോലം പാടുന്ന വീണയുണ്ടോ
(മാരനെയ്താൽ...)

ആനന്ദഗാനം പാടി കാമുകനെ തേടി
ആഴിയിലണയാത്ത നദിയുണ്ടോ
കോമളവസന്തത്തിൽ ആലിംഗനങ്ങളിൽ
കോരിത്തരിക്കാത്ത വല്ലിയുണ്ടോ
(മാരനെയ്താൽ...)
 

 

മുണ്ടകപ്പാടത്ത് മുത്തു വെളഞ്ഞത്
പണ്ടത്തെ ചെറുമി ചിരിച്ചിട്ടോ
ആഹാ ഹോയ് ചിരിച്ചിട്ടോ ഓ..ഹൊയ്
ആരിയൻ പാടത്ത് സ്വർണ്ണം കുമിഞ്ഞത്
സൂരിയത്തമ്പുരാൻ വെതച്ചിട്ടോ
ആഹാ ഹോയ് വെതച്ചിട്ടോ ഓ..ഹോയ്
(മുണ്ടക...)

തേവി വളർത്തി നീ നെഞ്ചിലെ പാടത്തും
തെയ്യാരം തെയ്യാരം പൂങ്കിനാവ്
കാലത്തും ഉച്ചക്കും അന്തിയ്ക്കും രാത്രിയും
കരളിലെനിക്കയ്യാ തേൻ നിലാവ്
താതെയ്യം താനാരേ താതെയ്യം താനാരേ
തന്തിനം തന്തിന, തന്തിനം താരേ
താനിന്നൈ താനാരേ
(മുണ്ടക...)

 

ഹരിതതീരം മലരു ചൂടി
കരളിലെല്ലാം കവിതയായ്
ഋതുമനോഹരമകുടമണിയും
പ്രകൃതി വീണ്ടും തരുണിയായ് തരുണിയായ്
(ഹരിതതീരം....)

കാറ്റു പോലെ കുളിരു പോലെ
സ്നേഹഭാവം വീണ്ടും ജീവിതങ്ങളിലഴകു
ചാർത്താൻ കാത്തിരിക്കുന്നു
പൂക്കളങ്ങൾ തീർത്തു ഞങ്ങൾ
പാട്ടു പാടുന്നു നല്ല നാളിൽ ഒന്നു പുൽകാൻ
കൈകൾ നീട്ടുന്നു കൈകൾ നീട്ടുന്നു
(ഹരിതതീരം....)

 

പഞ്ചമിപ്പാൽക്കുടം കൊണ്ടു വരുന്നൂ
കുന്നല നാട്ടിലെ പൊന്നോണം
പൊന്നോണം പൊന്നോണം
നാളെ വെളുപ്പിനു കല്യാണം
(പഞ്ചമി...)

ആയിരമായിരം പൂവുകൾക്കും
ആവണിവീട്ടിലെ തുമ്പികൾക്കും
നീലാകാശപ്പന്തലിൻ ചോട്ടിൽ
നാളെ വെളുപ്പിനു കല്യാണം ആഹാ
നാളെ വെളുപ്പിനു കല്യാണം
(പഞ്ചമി...)

പുത്തരിക്കൊയ്ത്തു കഴിഞ്ഞ നാളിൽ
നിശ്ചയതാംബൂലമായല്ലോ
ജാതിയും മുല്ലയും പൂത്തൊരു നാളിൽ
ജാതകം നോക്കീ പൊൻ ചിങ്ങം ഓഹോ
ജാതകം നോക്കീ പൊൻ ചിങ്ങം
(പഞ്ചമി...)

 

രത്നാഭരണം
രത്നാഭരണം ചാർത്തി വരുന്നൊരു രമണീ മാസമേ
മാറോടു ചേർത്തു വെച്ചോമനിക്കാനൊരു
മാതളപ്പൂ തരില്ലേ തരില്ലേ മാതളപ്പൂ തരില്ലേ
(രത്നാഭരണം...)

പുതിയ കിനാവിൻ പരാഗവുമായിന്ന്
പുലരൊളിവാതിൽ വന്നൂ
എന്നും കൊതിച്ചൊരാ മന്ദസ്മിതം തേടി
അന്തരംഗം പൂത്തുലഞ്ഞൂ
ചിങ്ങമൊരുക്കിയ കണിയെവിടെ
ചിത്തിരപ്പൂവിൻ സഖിയെവിടെ
സഖിയെവിടെ
(രത്നാഭരണം...)

 

 

വരമഞ്ഞൾക്കുറി തൊട്ട്
തിരുനടയിൽ തിരി വെച്ച്
സന്ധ്യേ നീയെന്തേ ചിരിച്ചു
മേലാകെത്തളിരിട്ട് മനമാകെ കസവിട്ട്
സന്ധ്യേ നീയെന്തേ നിനച്ചൂ
(വരമഞ്ഞൾ...)

ഒരു ദൂരസാഗരതീരം
ഉയിരിൽ വിടർത്തിയ ഗീതം
ഓർമ്മയിൽ തേന്മഴ ചൊരിയുന്നു
ആകാശപ്പൊയ്കക്കടവിൽ
അഴകമ്പിളി വിരിയുമ്പൊൾ
അകതാരിതളന്തിക്കുളിരിൽ സുരഭിലമാകും
അന്തിക്കുളിരിൽ സുരഭിലമാകും
(വരമഞ്ഞൾ...)