ചലച്ചിത്രഗാനങ്ങൾ

കാടു തിന്നോർ നാടു കേറ്യോർ 
നഞ്ചു തിന്നുന്നേ...
വിളകളെല്ലാം കളകളായേ... 
വിഷം തിന്നുന്നേ....
കാടു തിന്നോർ നാടു കേറ്യോർ 
നഞ്ചു തിന്നുന്നേ...
വിളകളെല്ലാം കളകളായേ...
വിഷം തിന്നുന്നേ....
വിഷമെറിഞ്ഞാൽ വിഷം കൊയ്യും...
വിഷം തിന്നോൻ വിഷം ചീറ്റും...
ജാതി പറയും മതം പറയും...
കൊന്നു തിന്നും... 
തിന്നു കൊല്ലും...
കളികൾ ചിരികൾ മറന്നേ പോയ്...
നല്ലകാലം കാട് കേറും... 
നാടു മുടിയുന്നേ...
നാടു മുടിയുന്നേ...

ഉം..ഉം...
രാരി രാരീരം രാരോ..
പൊന്നും തിങ്കള്‍ പോറ്റും മാനേ
മാനേ കുഞ്ഞിക്കലമാനേ
പൂമിഴികള്‍ പൂട്ടി മെല്ലേ
നീയുറങ്ങി ചായുറങ്ങി
സ്വപ്‌നങ്ങള്‍ പൂവിടും പോലെ നീളേ
വിണ്ണില്‍ വെണ്‍താരങ്ങള്‍
മണ്ണില്‍ മന്ദാരങ്ങള്‍
പൂത്തു വെണ്‍താരങ്ങള്‍
പൂത്തു മന്ദാരങ്ങള്‍
പൊന്നും തിങ്കള്‍ പോറ്റും മാനേ
മാനേ കുഞ്ഞിക്കലമാനേ

മൂവന്തി ചോന്നു തുടിക്കണ... 
കല്ലായി പുഴ തീരത്ത്...
മുക്കുത്തികല്ല് തിളങ്ങണ്...
മിന്നാമിന്നി തിളങ്ങണ പോൽ...
മൂവന്തി ചോന്നു തുടിക്കണ... 
കല്ലായി പുഴ തീരത്ത്...
മുക്കുത്തികല്ല് തിളങ്ങണ്
മിന്നാമിന്നി തിളങ്ങണ പോൽ...
കന്നാലീ മേച്ചു നടക്കണ...
നങ്ങേലീ പെണ്ണ് ചിരിച്ചേ...
പാടത്തു കൊയ്ത്തു കഴിഞ്ഞ് 
കറ്റ മെതിച്ച് പോണതാണേ...

മൂവന്തി ചോന്നു തുടിക്കണ... 
കല്ലായി പുഴ തീരത്ത്...

....

ദൈവമേ കാത്തുകൊള്‍കങ്ങു
കൈവിടാതിന്നു ഞങ്ങളെ
നാവികന്‍ നീ ഭവാബ്ധിക്കൊരാവിവന്‍
തോണി നിന്‍ പദം
ഒന്നൊന്നായെണ്ണിയെണ്ണിത്തൊട്ടെണ്ണം പൊരുളൊടുങ്ങിയാല്‍
നിന്നിടും ദൃക്കുപോലുള്ളം
നിന്നിലസ്പന്ദമാവണം

അന്നവസ്ത്രാദി മുട്ടാതെ തന്നു
ഞങ്ങളെ രക്ഷിച്ചു
ധന്യരാക്കുന്ന നീയൊന്നു തന്നെ
ഞങ്ങള്‍ക്കു തമ്പുരാന്‍
ആഴിയും തിരയും കാറ്റും
ആഴവും പോലെ ഞങ്ങളും
മായയും നിന്‍ മഹിമയും
നീയുമെന്നുള്ളിലാകണം

ആത്മാവിനീഭൂവിൽ ബന്ധമില്ലാ
ദേഹവുമായൊരു ബന്ധമില്ല
ആത്മാവിനീഭൂവിൽ ബന്ധമില്ല
ദേഹവുമായൊരു ബന്ധമില്ല

ആത്മാക്കൾ തമ്മിലേ ബന്ധമുള്ളൂ
പരമാത്മാവുമായുള്ളോരാത്മബന്ധം
ആത്മാവിനീഭൂവിൽ ബന്ധമില്ലാ
ദേഹവുമായൊരു ബന്ധമില്ല

ആകാശവീഥിയിൽ തളർന്നുമയങ്ങുന്ന
ആലംബഹീനയാം താരകമേ
ഇന്നലെ രാവിൽ നിന്നെ പുൽകിയ
പ്രിയചന്ദ്രൻ ഇന്നെന്തേ ഉറക്കമായോ
ആകാശവീഥിയിൽ തളർന്നുമയങ്ങുന്ന
ആലംബഹീനയാം താരകമേ

രാവിൽ വിടരും പൂക്കളെ തഴുകാൻ
രാഗാർദ്രനായെത്തും പൂന്തെന്നലേ
എന്നന്തരാത്മാവിൻ സ്വപ്നമുണർത്തിയ
എൻപ്രാണനാഥനെ കണ്ടുവോ നീ
കണ്ടുവോ നീ കണ്ടുവോ നീ
കണ്ടുവോ നീ
ആകാശവീഥിയിൽ തളർന്നുമയങ്ങുന്ന
ആലംബഹീനയാം താരകമേ

ഒരു ജാതി ഒരു മതം ഒരു ദൈവം മനുഷ്യനു്
ഒരു യോനി ഒരാകാരം ഒരു ഭേദവുമില്ലതില്‍
ഒരു ജാതി ഒരു മതം ഒരു ദൈവം മനുഷ്യനു്

ഒരു ജാതിയില്‍ നിന്നല്ലോ പിറന്നിടുന്നു സന്തതി
നരജാതിയിതോര്‍ക്കുമ്പോള്‍ ഒരുജാതിയിലുള്ളതാം
ഒരു ജാതി ഒരു മതം ഒരു ദൈവം മനുഷ്യനു്

നരജാതിയില്‍ നിന്നത്രേ പിറന്നിടുന്നു വിപ്രനും
പറയന്‍താനും എന്തുള്ളതന്തരം നരജാതിയില്‍
ഒരു ജാതി ഒരു മതം ഒരു ദൈവം മനുഷ്യനു്

പറച്ചിയില്‍ നിന്നു പണ്ടു പരാശരമഹാമുനി
പിറന്നു മറസൂത്രിച്ച മുനി കൈവര്‍ത്ത കന്യയില്‍
ഒരു ജാതി ഒരു മതം ഒരു ദൈവം മനുഷ്യനു്

ദേവാ ഗുരുദേവാ
ശ്രീനാരായണ ഗുരുദേവാ

ശിവഗിരിനാഥാ ഗുരുദേവാ
ശ്രീനാരായണ ഗുരുദേവാ
അദ്വൈതത്തിന്‍ ആത്മനാഥാ
അധഃസ്ഥിതര്‍ക്കാശ്രം അരുളിയദേവാ
അരുവിപ്പുറത്ത് കൊളുത്തിയ ദീപം
ആഗോളവ്യാപകമാക്കിയ ദേവാ
ദേവാ...ദേവാ...ശ്രീനാരായണ ഗുരുദേവാ
ശിവഗിരിനാഥാ ഗുരുദേവാ
ശ്രീനാരായണ ഗുരുദേവാ

അയലു തഴപ്പതിനായതിപ്രയത്നം
നയമറിയും നരനോടോതിയ ദേവാ
ഒരു ജാതി ഒരു മതം ഒരു ദൈവമന്ത്രം
ഓംകാരപ്പൊരുളാക്കിയ ദേവാ
ശിവഗിരിനാഥാ ഗുരുദേവാ
ശ്രീനാരായണ ഗുരുദേവാ

തസ്‌മയ് നമഃ  
പരമകാരണ കാരണായ 
ദീപ്‌തോജ്വല ജ്വലിത
പിംഗല ലോചനായ
നാഗേന്ദ്രഹാരകൃത 
കുണ്ഠലഭൂഷണായ 
ബ്രഹ്മേന്ദ്ര വിഷ്ണും
വരദായ നമഃ ശിവായ
ശ്രീമത് പ്രസന്ന ശശി 
പന്നഗ ഭൂഷണായ 
ശൈലേന്ദ്രജാ വദന 
ചുംബിത ലോചനായ
കൈലാസ മന്ദര 
മഹേന്ദ്ര നികേതനായ
ലോക ക്രയാർത്ഥി 
ഹരണായ നമഃ ശിവായ
ഓം  നമഃ ശിവായ