അമ്മേ ശരണം തായേ ശരണം
ആയില്യം കാവിലെഴുമമ്മേ ശരണം (2)
അഗതികൾക്കാശ്രയം ആയില്യം കാവ്
ആരോരുമില്ലാത്തവർക്കായില്യം കാവ് (2)
അടി തൊട്ടു മുടിയോളം ഉടൽ കണ്ടു തൊഴുന്നെൻ
ആയില്യം കാവിലെയമ്മയെ തൊഴുന്നേൻ (2)
അഗതിക്കമ്മ ആശ്രിതർക്കമ്മ
ആയില്യം കാവിലെ ജഗദംബ (2)
അഗതിക്കാശ്രയം ആയില്യം കാവ്
ആശാനികേതം ആയില്യം കാവ് (2)
ആനന്ദനിലയം ആയില്യം കാവ്
അശരണ നിലയം ആയില്യം കാവ് (2)
അമ്മേ അമ്മേ അമ്മേ അമ്മേ......

അക്കരെയക്കരെയക്കരെയല്ലോ
ആയില്യംകാവ്
ദുഃഖക്കൊടും വെയിലിൽ
വാടി വരുന്നോർക്ക്
ചക്കരത്തേന്മാവ് (അക്കരെ..)

ആയില്ല്യം കാവിലെ മായാ ഭഗവതി
തായയാം ശക്തിമായ (2)
കാലടി തൃക്കൊടി ചൂടുന്ന ദാസരെ
കാക്കും യോഗമായ (2)
ഓ..ഓ..ഓ.. (അക്കരെ...)

കണ്ണുനീരാറ്റിൽ കടത്തിറക്കാൻ വരും
എന്നെ നീ കൈവിടല്ലേ (2)
ആധിക്കും വ്യാധിക്കും ഔഷധി നീയല്ലേ
ആദിപരാശക്തിയേ ആദിപരാശക്തിയേ
ഓ..ഓ..ഓ.. (അക്കരെ...)

കാവേരിക്കരയിലെഴും
കനകാംബര മലർവനിയിൽ
പൂന്തെന്നലോടി നടക്കും
പുരട്ടാശി മാസം (കാവേരി..)

ശിങ്കാരക്കുറവനൊരുത്തൻ
ചിരിച്ചു ചിരിച്ചു വന്നൂ
തങ്കവളയും കാപ്പും പിന്നെ
കുങ്കുമവും തന്നൂ (കാവേരി..)

പത്നിയാം നീയും ഞാനും
പാടിപ്പാടി നടന്നൂ
വെറ്റിലയും പാക്കും നീട്ടി
അത്താ അത്താ
അത്താനെന്നു മൊഴിഞ്ഞൂ
(കാവേരി..)

കാവേരിക്കരയിൽ നീല
ക്കരിമ്പു വിളയും കാലം
കാതലിച്ചു കാതലിച്ച്
കടിഞ്ഞൂലുണ്ണി പിറന്നൂ
(കാവേരി..)

ഊരിയ വാളിതു ചോരയിൽ മുക്കി
ചരിത്രമെഴുതും ഞാൻ പുതിയൊരു
ചരിത്രമെഴുതും ഞാൻ
അപമാനത്തിൻ കറുത്ത കഥകൾ
തിരുത്തിയെഴുതും ഞാൻ

കാലം തന്നുടെ ഗന്ധം നോക്കി
കണക്കു തീർക്കും ഞാൻ
കർമ്മം തന്നുടെ ഹർമ്മ്യം പണിയും
കർമ്മ കോവിദൻ ഞാൻ
കർമ്മ കോവിദൻ ഞാൻ (ഊരിയ..)

രക്താശ്രുക്കൽ വിതച്ചവരെല്ലാം
മരണം കൊയ്യട്ടെ
ഉപ്പു തിന്നവൻ കൈപുനീരിനാൽ
ദാഹം മാറ്റട്ടെ ഇനി
ദാഹം മാറ്റട്ടെ (ഊരിയ..)

ചങ്ങല പൊട്ടിച്ചോടിയടുക്കും
ചണ്ഡമാരുതൻ ഞാൻ
കലിയിൽ തുള്ളും കരവാളേന്തിയ
കരാളസർപ്പം ഞാൻ
കരാളസർപ്പം ഞാൻ (ഊരിയ..)

കാഞ്ഞിരോട്ടു കായലിലോ

കൈതപ്പുഴക്കായലിലോ

കാറ്റുപായ നനഞ്ഞൊലിക്കും

കർക്കടപ്പേമാരി

വേമ്പനാട്ടു കായലിലോ

വേണാട്ടു കായലിലോ

വെളുക്കുമ്പം വേലിയേറ്റം

ഞാറ്റുവേലക്കാറ്റേ (കാഞ്ഞിരോട്ടു..)

കാറ്റൊതുങ്ങിയ ഭാവമല്ലോ

കോളൊതുങ്ങിയ ഭാവമല്ലോ (2)

കണ്ണുനീർ ചുഴികളെല്ലാം

ഉള്ളിലടങ്ങിപ്പോയ്

ഉള്ളിലടങ്ങിപ്പോയ് (കാഞ്ഞിരോട്ടു..)

കണ്ടാലിവൾ കന്നിപ്പെണ്ണ്

മിണ്ടാത്തൊരൂമപ്പെണ്ണ് (2)

ഉള്ളിന്റെ ഉള്ളിനകത്ത്

സങ്കട വൻ ചുഴികൾ

സങ്കട വൻ ചുഴികൾ (കാഞ്ഞിരോട്ടു..)

മൗനം തളരും തണലിൽ
നീളും നിഴലിൻ വഴിയിൽ
കാറ്റു വീശി ഇല കൊഴിഞ്ഞു
കാത്തിരിപ്പിന്റെ വീർപ്പുലഞ്ഞൂ (മൗനം..)
 
മലയലിയും കുളിരലകൾ
പോരും വഴിക്ക് പാടീ  (2)
ഒഴുകി വരും ചുരുളലിയും
മൂകവിലാപ കാവ്യം
മൂകവിലാപ കാവ്യം (മൗനം..)
 
 
തള പൊഴിയും ഞൊറിയലകൾ
തേങ്ങിപ്പിടഞ്ഞു വീണു (2)
അലഞ്ഞടിയും കനലൊളിയായ്
ദൂരേ ദിനാന്ത തീരം
ദൂരേ ദിനാന്ത തീരം (മൗനം..)

ശ്യാമനന്ദനവനിയിൽ നിന്നും

ശ്യാമനന്ദനവനിയിൽ നിന്നും

നീന്തി വന്നൊരു നിമിഷമേ

ലോലമാം നിൻ ചിറകുരുമ്മി

ഉണർത്തി നീയെന്നെ (ശ്യാമ..)

നിത്യവും ഞാനണിയുന്ന നിറങ്ങളൊരുങ്ങി നിൽക്കും (2)

സ്വപ്നവാനം  കണ്ടിട്ടും പകച്ചു നിന്നൂ

കത്തിനിൽക്കും പൊന്നശ്ശോകപ്പടർപ്പിൽ വിരിഞ്ഞുലയും

അഗ്നിവധു ഞാൻ നിന്മുഖം കണ്ടറിഞ്ഞതില്ലാ (ശ്യാമ..)

പിച്ച വച്ച നാൾ മുതൽക്കെ ലജ്ജയൊളിച്ചു വെയ്ക്കും (2)

പച്ചിലത്തേൻ കുടങ്ങൾ വീണുടഞ്ഞല്ലോ

വാരിയെന്നെപുണർന്നു നീ വിരിയുമഴകുകളിൽ

തേടിയൊടുവിൽ നിന്നെ ഞാൻ തിരിച്ചറിഞ്ഞൂ (ശ്യാമ..)

തിരുതിരുമാരൻ കാവിൽ

ആദ്യവസന്തം കൊടിയേറി

ചമഞ്ഞൊരുങ്ങീ അണിഞ്ഞിറങ്ങീ

കളമെഴുത്തുപാട്ടിന്റെ കഥ തുടങ്ങീ (തിരു..)

പൊന്നാരമ്പൻ കുളിരിൽ

പഞ്ചവർണ്ണപ്പൊടിയിൽ (2)

പാട്ടിലുറങ്ങും ഗന്ധർവ്വൻ

ഉണർന്നെണീറ്റു പച്ചക്കുതിരയിലേറി

കടംകഥയും ചൊല്ലിക്കൊണ്ടുറഞ്ഞിറങ്ങീ (തിരു..)

പൊരുന്നിരിക്കും ചൂടിൽ

നെഞ്ചു നെഞ്ചിലമർന്നൂ (2)

നേർത്തു ചിരിക്കും തൂവെട്ടം

കണ്ണടച്ചു കാറ്റൊരു രഹസ്യമോതി

കളം വരച്ച വർണ്ണങ്ങളിട കലർന്നൂ(തിരു..)

കാലം കുഞ്ഞുമനസ്സിൽ ചായം കൂട്ടി കണ്ണിൽ

പൂത്തിരി കത്തി ചിറകു മുളച്ചൂ പാറി നടന്നൂ

താളം ഇതാണു താളം (കാലം..)

തുടിച്ചു തുള്ളിക്കുതിച്ചു പായും

പത നുര ചിതറും ഉള്ളിൽ

കൊതിച്ചു മദിച്ചു തെറിച്ച ജീവൻ

കലപില വെച്ചൂ  (2)

പിന്നെ കാലിടറാതെ വീണടിയാതെ

കാലിടറാതെ വീണടിയാതെ നടവഴിയിലെഴും

 മുള്ളിൻ കടമ്പയൊക്കെത്തകർത്തു വരുമീയുത്സവമേളം

താളം ഇതാണു താളം

താളം ഇതാണു താളം (കാലം.....)

പർവതമുകളിൽ കയറിയിറങ്ങീ കടലൊടു പൊരുതീ

കാറ്റിൻ പുറത്തു കയറി  സവാരി ചെയ്തു മുകിലിനൊടൊപ്പം  (2)

പുലരിയും പൂക്കളും കുളിരിളം തെന്നലും

ഭൂമിയ്ക്ക് കാഴ്ച വെച്ച സൂര്യദേവാ

നിന്റെ നേരെ നീട്ടുമീ കൂപ്പുകൈക്കുടങ്ങളിൽ

അറിവിൻ നിറകതിർ മഴ ചൊരിയൂ

വന്ദനം ഭവാനു കോടി വന്ദനം (പുലരിയും..)

ചെങ്കതിരൊളിയായി ഹൃദയങ്ങളിൽ

പൊൻപ്രഭ വിതറും തമ്പുരാനേ

പൊന്നിലാശ കൈവെടിഞ്ഞൂ

സത്യ ദർശനത്തിനുള്ള

പാഠങ്ങൾ പറഞ്ഞു തരേണമേ

സദ്ഗുരുനാഥാ കോടി വന്ദനം (പുലരിയും..)

ഉദയഗിരി ഉണരുമ്പൊഴും

അരുണകാന്തിയിൽ മുങ്ങുമ്പൊഴും

സമയനിഷ്ഠ കൈവരുത്തി

കർമ്മനിരതരാകുവാൻ

സാരോപദേശമേകണേ

സദ്ഗുരുനാഥാ കോടി വന്ദനം (പുലരിയും..)