ഹിന്ദു ഭക്തിഗാനങ്ങൾ

പാദങ്ങളിൽ വീണു കേഴുന്നു ഞാൻ പാറമേൽക്കാവിൽ ജഗദീശ്വരീ

പാദങ്ങളിൽ വീണു കേഴുന്നു ഞാൻ പാറമേൽക്കാവിൽ ജഗദീശ്വരീ

തൂമന്ദഹാസം തൂകും കൃപാകരി പൂനിലാപാൽതരും വിശ്വേശ്വരി

പൂനിലാപാൽതരും വിശ്വേശ്വരി



ആനന്ദദീപ്തമാം അവിടുത്തെ ദർശനം ആനന്ദഭൈരവീ സായൂജ്യമായ്

ആനന്ദദീപ്തമാം അവിടുത്തെ ദർശനം ആനന്ദഭൈരവീ സായൂജ്യമായ്

പൂജകൾ മേൽക്കാവിലമ്മയ്ക്കും കണ്ണീരാൽ നേരുന്നു ഞാനും ഒരമ്മയാകാൻ

നേരുന്നു ഞാനും ഒരമ്മയാകാൻ

പാദങ്ങളിൽ വീണു കേഴുന്നു ഞാൻ പാറമേൽക്കാവിൽ ജഗദീശ്വരീ

നിൻ ദിവ്യനാമമതെന്നും ചോറ്റാനിക്കരയമ്മേ

എന്റെ ഹൃദയസ്പന്ദനമാകും സാന്ത്വനമെന്നും

നിൻ ദിവ്യനാമമതെന്നും ചോറ്റാനിക്കരയമ്മേ

എന്റെ ഹൃദയസ്പന്ദനമാകും സാന്ത്വനമെന്നും

സ്വർണ്ണഭൂഷിതബിംബം ദേവി താണുവണങ്ങുന്നേരം

കർമ്മബന്ധമതെന്തെന്നറിവൂ അറിവിൻ കുറവുകളറിവൂ

സ്വർണ്ണഭൂഷിതബിംബം ദേവി താണുവണങ്ങുന്നേരം

കർമ്മബന്ധമതെന്തെന്നറിവൂ അറിവിൻ കുറവുകളറിവൂ

നിൻ ദിവ്യനാമമതെന്നും ചോറ്റാനിക്കരയമ്മേ

എന്റെ ഹൃദയസ്പന്ദനമാകും സാന്ത്വനമെന്നും





നിൻ പ്രഭാമയദൃഷ്ടികളെന്നിൽ ചോറ്റാനിക്കരയമ്മേ

മൂ‍കാംബികേ ദേവി മൂകാംബികേ മൂകാംബികേ ദേവി ജഗദംബികേ

നിൻ കൃപാസാഗരമെന്നുമീയടിയന്റെ കൺ‌തുറപ്പിക്കുന്നു ജ്ഞാനാംബികേ

മൂ‍കാംബികേ ദേവി മൂകാംബികേ മൂകാംബികേ ദേവി ജഗദംബികേ



മൂകമാമെൻ‌നാവിൽ ആദ്യാക്ഷരങ്ങളായ് ആലോലമൊഴുകുന്ന സൗപർണ്ണികാമൃതായ്

മൂകമാമെൻ‌നാവിൽ ആദ്യാക്ഷരങ്ങളായ് ആലോലമൊഴുകുന്ന സൗപർണ്ണികാമൃതായ്

താളമായ് സ്വരരാഗസംഗീതമേളമായ് തീർത്ഥങ്ങൾ പകരുന്നു ദേവി നിൻ ശംഖിനാൽ

താളമായ് സ്വരരാഗസംഗീതമേളമായ് തീർത്ഥങ്ങൾ പകരുന്നു ദേവി നിൻ ശംഖിനാൽ

മൂ‍കാംബികേ ദേവി മൂകാംബികേ മൂകാംബികേ ദേവി ജഗദംബികേ

കൊടുങ്ങല്ലൂർ ശ്രീകുരുംബേ ഭദ്രകാളീ മഹേശ്വരീ

അത്യുഗ്രപ്രതാപത്തിലമരും ശക്തീശ്വരീ

രക്തവർണ്ണത്തിൽ ഗഗനം സൃഷ്ടിയ്ക്കും രാജേശ്വരീ



അവിടുത്തെ കാവിലെത്തും അടിയങ്ങൾക്കാലംബം

അമ്മെ കൊടുങ്ങല്ലൂരമ്മെ നൽകൂ അമ്മേ കൊടുങ്ങല്ലൂരമ്മേ

അവിടുത്തെ കാവിലെത്തും അടിയങ്ങൾക്കാലംബം

അമ്മെ കൊടുങ്ങല്ലൂരമ്മെ നൽകൂ അമ്മെ കൊടുങ്ങല്ലൂരമ്മെ

വസൂരിമാലതൻ നായികേ മായേ സംഹരിക്കില്ലേ നീ ഭൂലോകദുഃഖങ്ങൾ

സംഹരിക്കില്ലേ നീ ഭൂലോകദുഃഖങ്ങൾ

അവിടുത്തെ കാവിലെത്തും അടിയങ്ങൾക്കാലംബം

വിശ്വമോഹിനീ ജഗദംബികേ ദേവി തപ്തമാമെൻ മനസ്സിൽ നിൻ രൂപം

സ്പഷ്ടമാകും സഹസ്രദളപത്മസുസ്ഥിതേ മമ നിറമാലകൾ

വിശ്വമോഹിനീ ജഗദംബികേ ദേവി തപ്തമാമെൻ മനസ്സിൽ നിൻ രൂപം



കേശഭാരത്തിങ്കൽ നീലമേഘങ്ങളും രുധിരവർണ്ണത്തിൽ നിന്നധരങ്ങളും

പ്രകാശംസ്ഫുരിക്കും പ്രസാദാർദ്രനേത്രം പ്രഭാപൂരമെങ്ങും സുനാസാമണിസ്തം



തുടുക്കും കവിൾത്തട്ടിൽ രാഗഭാവങ്ങളും ശ്രവിക്കുന്നു കർണ്ണങ്ങൾ സർവ്വവും നാദമായ്

തുടുക്കും കവിൾത്തട്ടിൽ രാഗഭാവങ്ങളും ശ്രവിക്കുന്നു കർണ്ണങ്ങൾ സർവ്വവും നാദമായ്

പാടുന്നു ഞാനിന്ന് കാടാമ്പുഴയിലെത്തി മാടിവിളിക്കുന്നെന്നെ വനദുർഗ്ഗ

പാടുന്നു ഞാനിന്ന് കാടാമ്പുഴയിലെത്തി മാടിവിളിക്കുന്നെന്നെ വനദുർഗ്ഗ

ആത്മദുഃഖങ്ങൾക്ക് അരുണാഭകൊടുത്തെന്റെ ദേവിയ്ക്ക് പൂമൂടൽ നടത്തുന്നു ഞാൻ

പാടുന്നു ഞാനിന്ന് കാടാമ്പുഴയിലെത്തി മാടിവിളിക്കുന്നെന്നെ വനദുർഗ്ഗ



അണിയുന്നു ഞാനമ്മേ അവിടുത്തെ സന്നിധിയിൽ വിലയിക്കും സുഗന്ധത്തിൻ കളഭമെന്നും

അണിയുന്നു ഞാനമ്മേ അവിടുത്തെ സന്നിധിയിൽ വിലയിക്കും സുഗന്ധത്തിൻ കളഭമെന്നും

ഹൃദയമാം നാളികേരം ഉടച്ചു മുട്ടിറക്കുമ്പോൾ അടിയന്നുമോക്ഷപദം അരുളുകില്ലേ

അഞ്ജനശിലയിൽ ആദിപരാശക്തി അമ്മേ കുമാരനല്ലൂർ അമ്പേ നീ

എൻ മനസ്സിൽ ഭദ്രദീപം തെളിയുമ്പോൾ വന്നണഞ്ഞു മാഹേന്ദ്രനീലാഭയായ്

അഞ്ജനശിലയിൽ ആദിപരാശക്തി അമ്മേ കുമാരനല്ലൂർ അമ്പേ നീ

എൻ മനസ്സിൽ ഭദ്രദീപം തെളിയുമ്പോൾ വന്നണഞ്ഞു മാഹേന്ദ്രനീലാഭയായ്



തൃക്കാർത്തികനാളിൽ മധുരാപുരിയിലെ ഭക്തനാം പൂജാരി അണയുമ്പോൾ

തൃക്കാർത്തികനാളിൽ മധുരാപുരിയിലെ ഭക്തനാം പൂജാരി അണയുമ്പോൾ

അനുഗ്രഹം ചൊരിഞ്ഞമ്മ പുഞ്ചിരിതൂകുന്നു സുരവൃന്ദം പുഷ്പവൃഷ്ടി നടത്തുന്നു

അമ്മതൻ നടയിൽ നിന്നുയർന്നസ്വരം ഒന്നുചേർന്നു ജപമന്ത്രമായ്

ആപദി കിം കരണീയം

ആപദി കിം കരണീയം അമ്മേ

സ്മരണീയം തവ പദയുഗളം

അനന്തപുരിയിൽ വാഴും ആറ്റുകാലമ്മേ

അനന്തപുരിയിൽ വാഴും ആറ്റുകാലമ്മേ

ആത്മാവിന്നഭിഷേകമാം ആനന്ദപ്പൊരുളേ

ആപദി കിം കരണീയം അമ്മേ

ആപദി കിം കരണീയം



കാപ്പുകെട്ടി കാർത്തികനാൾ കുടിയിരുപ്പായ് ദേവി

ദീപങ്ങൾ ഹാരങ്ങളായ് പൂരംനാൾ പൊങ്കാല

കാപ്പുകെട്ടി കാർത്തികനാൾ കുടിയിരുപ്പായ് ദേവി

ദീപങ്ങൾ ഹാരങ്ങളായ് പൂരംനാൾ പൊങ്കാല



മൺകലങ്ങളിൽ നേദ്യം ദേവി നിനക്കായി

തൃക്കണിനേദിക്കാം, തിരുമധുരം നൽകാം

കുട്ടിക്കൊമ്പൻ മുഖനേ അടിയനൊ-

ടിഷ്ടം കൂടില്ലേ, വഴിയിലെ

വിഘ്നം നീക്കില്ലേ

തൃപ്പുലിയൂരു വടക്കുവിളങ്ങിടു-

മപ്പാ നിൻ പടിയിൽ

അപ്പം മലരടയൊപ്പമൊരുക്കി-

ഏത്തവുമിട്ടീടാം,

തെറ്റുകളേറ്റുപറഞ്ഞീടാം

തെക്കുവടക്കലയുന്നൊരു ജീവിത-

മെത്താനൊരുകരയിൽ

എത്രഭജിച്ചടിയൻ നീ കളിയായ്‌

കണ്ടരുളീ നടയിൽ

കുന്നത്തു വാഴുന്ന ശ്രീധർമ്മശാസ്താവേ

കുന്നൊക്കും താപങ്ങൾ തീർത്തിടേണേ

ഏഴാഴിപോലേറും വ്യാധികൾ നീക്കിനീ

ഏഴയാം ഞങ്ങളെ കാത്തിടേണേ, സ്വാമീ

ഏഴരശനിദോഷം നീക്കിടേണേ

മോഹിനീ നന്ദനാ നിന്മുന്നിലെത്തുമ്പോൾ

മോഹങ്ങളാകെയും മായപോലേ

മേടത്തിലുത്രം നാൾ നീകൊടിയേറുമ്പോൾ (2)

നീരാജനം കണ്ടു കൈതൊഴുന്നേൻ, ദേവാ

നിൻ കാൽക്കൽ വീണമ്പേ കുമ്പിടുന്നേൻ