ഹിന്ദു ഭക്തിഗാനങ്ങൾ

വിരുത്തം
ഓം ഹരിശ്രീ ഗണപതയേ നമഃ അവിഘ്നമസ്തു ശ്രീ ഗുരവേ നമഃ
യാ ദേവി സ്തൂയതേ നിത്യം - ബ്രഹ്മേന്ദ്ര സുര കിന്നരഃ
സാ മമൈവാസ്തു ജിഹ്വാഗ്രേ - പത്മഹസ്താ സരസ്വതീ....
ബുദ്ധിം ദേഹി യശോ ദേഹി - കവിത്വം ദേഹി ദേഹി മേ
മൂഢത്വം സംഹര ദേവി - ത്രാഹിമാം ശരണാഗതം...
ഓം സം സരസ്വത്യൈ നമഃ

ഗീതം
ഒരു വരം ചോദിച്ചു മുന്നിൽ വന്നീടുവോർ-
ക്കൊരുകോടി വരമേകും ദേവീ
മനസ്സിന്റെ നവരാത്രി മണിമണ്ഡപത്തിൽ ഞാൻ
പാടുന്നു നിൻ പുണ്യ സ്വരമാധുരി
സ്വീകരിച്ചാലുമീ ഗാനാഞ്ജലി

അണിവാകച്ചാര്‍ത്തിൽ ഞാൻ ഉണര്‍ന്നൂ കണ്ണാ
മിഴിനീരിൽ കാളിന്ദി ഒഴുകീ കണ്ണാ(2)
അറുനാഴി എള്ളെണ്ണ ആടട്ടയോ
മറുജന്മ പൊടി മെയ്യിൽ അണിയട്ടയോ
തിരുമാറിൽ ശ്രീവത്സമാകട്ടയോ   ( അണിവാകച്ചാര്‍ത്തിൽ ..)

ഒരു ജന്മം കായാവായ് തീര്‍ന്നെങ്കിലും
മറുജന്മം പയ്യായി മേഞ്ഞെങ്കിലും (2)
യദുകുല കന്യാ വിരഹങ്ങൾ തേങ്ങുന്ന
യാമത്തിൽ രാധയായ് പൂത്തെങ്കിലും കൃഷ്ണാ…
ആ‍..ആ..ആ..
പ്രേമത്തിൻ ഗാഥകൾ തീര്‍ത്തെങ്കിലും
എന്റെ ഗുരുവായൂരപ്പാ നീ കണ്ണടച്ചൂ
കള്ളച്ചിരി ചിരിച്ചൂ പുല്ലാങ്കുഴൽ‍ വിളിച്ചൂ… ( അണിവാകച്ചാര്‍ത്തിൽ ..)

യമുനയിൽ ഓളങ്ങൾ നെയ്യുമ്പൊഴും

തൃപ്പൂണിത്തുറ വാഴും ദേവനു
പായസ നൈവേദ്യം, പഞ്-
ചാമൃത നൈവേദ്യം
അത്തച്ചമയം കണ്ടുകുളിർക്കും
മനസ്സിൻ നിർമ്മാല്യം,
സുകൃതം... മധുരം....സുഖദം.... നിമിഷം....

സപ്തസ്വരങ്ങളാൽ വനമാലകൾ കോർക്കും
തപ്തഹൃദന്തമേ പാടൂ
സന്ധ്യകൾ തേടും ചിന്തുകൾ പാടൂ
സന്താനഗോപാലം പാടൂ, പാടൂ….
 
പൂർണ്ണിയാം പാലാഴി തഴുകിടുമവിടുത്തെ
ദർശനം തേടിനിൽക്കുമ്പോൾ
മലയമഹാവനമലർപൂക്കും വിരിമാറിൽ
കൗസ്തുഭശ്രീ തെളിയുന്നൂ....
 
ഫാൽഗുനതീർത്ഥത്തിൻ കുളിർമാല ചൂടുമ്പോൾ
തീയാടുമാത്മാവിൽ സാന്ത്വനമായ്
സൂര്യനും ചന്ദ്രനും പ്രദക്ഷിണം ചെയ്യുമീ
പൂർണ്ണത്രയീശന്റെ മുന്നിൽ നിൽക്കേ

തുയിലുണരൂ തേവരേ...
തൃപ്പൂണിത്തുറത്തേവരേ....
അഴലാർന്ന ഹൃദയത്തിൻ അഷ്ടപദിയുമായ്
അരികിലിതാ കാത്തു നിൽപ്പൂ, നിന്റെ
അലിവിനായ് ഞാൻ കാത്തു നിൽപ്പൂ
 
എന്തുതരാനിവൻ ഉള്ളതീയീയുള്ളിലായ്
ഉള്ളൊരീ ഗാനമല്ലാതെയൊന്നും
നേദിക്കുവാനുള്ളിൽ പള്ളികൊള്ളും നിന-
ക്കീയശ്രുപൂക്കളല്ലാതെയൊന്നും
സ്വീകരിക്കൂ, ഹരേ, സ്വീകരിക്കൂ
അടിയനേകും ഉപഹാരം
 
വേദാന്ത സാരമേ നിൻ കടൽത്തീരത്തു
വേദനയോടെ ഞാൻ വന്നു നിൽപ്പൂ
പൂമകൾ മെല്ലെത്തലോടുമാ പൂവുടൽ
ചേർത്തു നീയെൻ വ്യഥതീർത്തുനൽകൂ
അനുഗ്രഹിക്കൂ സ്വാമീ അനുഗ്രഹിക്കൂ
എന്നെ നിൻ ഗായകനാക്കൂ

എത്ര സുന്ദരൻ ശ്രീകരൻ
എന്റെ പൂർണ്ണത്രയീശ്വരൻ
വേദരൂപനാ,മവനെൻ ദേവൻ
സ്വാമിയെൻ ദേവൻ
സന്താനപാലകൻ സൂര്യപ്രഭാമയൻ
എൻ ദേവൻ സ്വാമിയെൻ ദേവൻ
ശ്രീരാഗലോലൻ ശ്രീവൽസശോഭിതൻ, -
എൻ ദേവൻ സ്വാമിയെൻ ദേവൻ
 
ഉലകീരേഴും കാക്കുവോനായ്, വരശീലനായ്
നളിനകാന്തി തൂകുവോനായ് വാഴുമീശാ
ഇന്നെൻ ഗതി നീയേ നിൻ മുന്നിൽ പാടാം ഞാൻ
എന്നും, നീയേ, ശരണം ശരണം ശരണം ശരണം
 
തുറയിലാളും വേദരൂപാ, ഭുവനനാഥാ
വിനകളേതും നീക്കിയെന്റെ സന്താപം തീർക്കണേ
നിൻ തൃക്കാൽക്കലേകാം ജന്മം ഞാൻ, വരമേകൂ
അഴകേ, അറിവേ, ശരണം ശരണം ശരണം ശരണം

വേദാകാരം കദനഹരണം പൂർണ്ണമാരമ്യ ഗാത്രം
വിശ്വാരൂഢം ഹൃദയ ശയനം ദേവദേവാദി സേവ്യം
ശ്രീവൽസാങ്കം ശരണനിലയം പീതവസ്ത്രാഭിരമ്യം
വന്ദേ പൂർണ്ണത്രയീശമനിശം തവ സുപ്രഭാതം

ലോകാധാരം മധുരവദനം സർവ്വവിജ്ഞാനസാരം
ലക്ഷ്മീനാഥം വിമലചരണം വേദവേദാന്ദ പാത്രം
പൂർണ്ണീവാസം മദനസദൃശം ഭക്തലോകാഭിവന്ദ്യം
വന്ദേ പൂർണ്ണത്രയീശമനിശം തവ സുപ്രഭാതം