ലളിതസംഗീതം

ഈ പ്രേമഗീതകം പാടാൻ നീ മറന്നോ

ഈ പ്രേമഗീതകം പാടാൻ നീ മറന്നോ

രാത്രിലില്ലികൾ ചൂടാൻ നീ മറന്നോ, ഈ

പ്രേമഗീതകം പാടാൻ നീ മറന്നോ

ഓമൽക്കിനാവിൻ ചന്ദനത്തൂവൽ

മെല്ലെത്തലോടാൻ നീ മറന്നോ, ഈ

പ്രേമഗീതകം പാടാൻ നീ മറന്നോ

ഓർമ്മതൻ വാടാമലരുകൾ തോറും

ഹേമന്ദസന്ധ്യകൾ തേൻ‌കുടഞ്ഞൂ

(ആലാപ്)

ഓർമ്മതൻ വാടാമലരുകൾ തോറും

ഹേമന്ദസന്ധ്യകൾ തേൻ‌കുടഞ്ഞൂ

അന്തിനിലാവിൻ അലകളിലൂടെ

നിൻ മൃദുസ്‌മേരം നീന്തിവന്നൂ

നീന്തിവന്നൂ, ഈ

പ്രേമഗീതകം പാടാൻ നീ മറന്നോ

രാത്രിലില്ലികൾ ചൂടാൻ നീ മറന്നോ, ഈ

പ്രേമഗീതകം പാടാൻ നീ മറന്നോ

ചില്ലിട്ടവാതിലിൽ വന്നു നിൽക്കാമോ

മെല്ലെത്തുറന്നു തരാമോ ഓ... മെല്ലെത്തുറന്നുതരാമോ

ചില്ലിട്ടവാതിലിൽ വന്നു നിൽക്കാമോ

മെല്ലെത്തുറന്നു തരാമോ ഓ.... മെല്ലെത്തുറന്നുതരാമോ

ഏകാന്ത സന്ധ്യകൾ ഒന്നിച്ചു പങ്കിടാൻ

മൗനാനുവാദം തരാമോ.....

ചില്ലിട്ടവാതിലിൽ വന്നു നിൽക്കാമോ

മെല്ലെത്തുറന്നു തരാമോ ഓ... മെല്ലെത്തുറന്നുതരാമോ

നിൻ നയനങ്ങൾ നീയറിയാതേ

എൻ വഴി നീളേ പൂവിതറീ...

മുകിലിൽ മറയും മതികല നിന്നെ

നിറയെക്കാണാൻ കൊതിയായീ

എന്നാത്മദാഹങ്ങൾ എന്തെന്നറിയാമോ,

എന്തെന്നറിയാമോ

ചില്ലിട്ടവാതിലിൽ വന്നു നിൽക്കാമോ

അന്നു സന്ധ്യക്കു നമ്മൾ ഒന്നായ് മഞ്ഞണിഞ്ഞില്ലെ

മഞ്ഞുപെയ്യുന്ന രാവിൽ എന്തോ കാത്തുനിന്നില്ലേ

ഓർമ്മയില്ലേ ഓർമ്മയില്ലേ

അന്നു സന്ധ്യക്കു നമ്മൾ ഒന്നായ് മഞ്ഞണിഞ്ഞില്ലെ

മഞ്ഞുപെയ്യുന്ന രാവിൽ എന്തോ കാത്തുനിന്നില്ലേ

ഓർമ്മയില്ലേ ഓർമ്മയില്ലേ

എങ്ങോ പാടീ രാക്കിളീ അതിലൂഞ്ഞാലാടീ നീ

എന്തോ കണ്ടൂ യാമിനി ഇനിയെന്തെന്നോതീ നീ

അന്നു സന്ധ്യക്കു നമ്മൾ ഒന്നായ് മഞ്ഞണിഞ്ഞില്ലെ

മഞ്ഞുപെയ്യുന്ന രാവിൽ എന്തോ കാത്തുനിന്നില്ലേ

ഓർമ്മയില്ലേ ഓർമ്മയില്ലേ

പോയനാളിൻ മയിൽപ്പീലിചൂടീ വീണ്ടുമെൻ‌മന്ദിരത്തിൽ വരൂ നീ

എൻ‌മന്ദിരത്തിൽ വരൂ നീ

മേലേ മാനത്തു താരകൾ മിന്നുന്നു

ഓര്‍മകളുണരുന്നു മനമുരുകുന്നു

പ്രിയനേ നീ എന്നു വരും

നിഴലായ് ഞാൻ കൂടെ വരാം

കുളിര്‍ മഞ്ഞിൻ കാറ്റായ് തഴുകാമോ  (മേലേ...)

ചെമ്മാനം പൂത്തപ്പോൾ ചാരെ വന്നു നീ മെല്ലേ

സ്നേഹാര്‍ദ്രഗീതം പാടി വെൺ തിങ്കളായ് നിന്നു

കനവുണരും രാവുകളിൽ..ഒരു പൂക്കാലം നീ തന്നില്ലേ

പ്രിയമുണരും വാക്കുകളാൽ ഒരു പ്രണയ താഴ്‌വര തീര്‍ത്തില്ലേ

ഓര്‍മ്മകൾ തൻ വേദനയിൽ..പ്രിയ രൂപം തേളിയുന്നു

നിൻ സ്വരമെൻ കാതിൽ കേൾക്കുന്നു

പ്രിയനേ നീ എന്നു വരും..നിഴലായ് ഞാൻ കൂടെ വരാം

കുളിര്‍ മഞ്ഞിൻ കാറ്റായ് തഴുകാമോ (മേലേ...)

ആർപ്പോ ഈയോ ഈയോ ഈയോ
കാരിച്ചാൽ ചുണ്ടൻ കണ്ണായ ചുണ്ടൻ
ഓളം കീറിമുറിച്ചോടുന്നേ
ഒന്നാം തിര തേടീ പോകുന്നേ
തിത്തിത്താരാ തക തിത്തൈ തകതോം
തിത്തിത്താരാ തക തിത്തൈ തകതോം
തിത്തൈ തക തിത്തൈ തക തിത്തൈ തക തോം (കാരിച്ചാൽ....)

ചുണ്ടനു കൂട്ടായിട്ടാരാരുണ്ട്
പമ്പ വളർത്തിയ പിള്ളേരുണ്ട്
കണ്യാട്ടുകുളങ്ങര ഭഗവതിയുണ്ട്
മണ്ണാറശ്ശാല നാഗരാജാവുണ്ട്
തിത്തൈ തക തിത്തൈ തക
തിത്തൈ തക തോം (കാരിച്ചാൽ....)

ഓണം തിരുവോണം വന്നു തുമ്പിപ്പെണ്ണേ
അത്തം മുതൽ പൂക്കളമിട്ടു തുമ്പിപ്പെണ്ണേ
കാറ്റലകൾ പാട്ടുകളായ്
കാടെങ്ങും പൂവിളിയായ്
ആകാശത്താവണിയുടെ കല
പൂവണിയായ് (ഓണം...)

കൊട്ടുമേളം പോരെന്നോതി
തുള്ളാതിരിക്കരുതേ
ചെണ്ടയുണ്ട് മദ്ദളമുണ്ട്
ഇടയ്ക്കയുണ്ടുടുക്കുമുണ്ട്
കൊമ്പുണ്ട് കുഴലുമുണ്ട്
പോരെങ്കിൽ കുരവയുമുണ്ട്
ആടിവാ തുമ്പിപ്പെണ്ണേ അലഞ്ഞു വാ തുമ്പിപ്പെണ്ണേ
മൂളി വാ തുമ്പിപ്പെണ്ണേ മുഴങ്ങി വാ തുമ്പിപ്പെണ്ണേ
തുള്ള് തുള്ള് നീയുറഞ്ഞു തുള്ള് (ഓണം...)

 പൊലിക പൊലിക  പൊലിക  പൂപ്പട
പൊലിക  പൊലിക  വ് പൂക്കളം
പൊലിക  പൊലിക  പൊലിക  ദൈവമേ
വാമനനായ് വന്ന സത്യമെ
മാവേലി വാഴ്ക മലനാടു വാഴ്ക
മാനവത്വം വാഴ്ക (പൊലിക ...

വീണ്ടുമൊരു പൊന്നോണം
വീണ്ടുമൊരു വാഗ്ദാനം
ഓർമ്മകൾ തൻ നാടൻ പാട്ടുകൾ
ഓരോ മനസ്സിലും രാഗതാളങ്ങൾ
നമ്മളൊന്നായ് വാണ കാലം
നമ്മൾ സ്നേഹം പകർന്ന കാലം
ജാതിമതങ്ങളൊഴിഞ്ഞ കാലം
ഇന്നു സ്വപ്നമായ കാലം
വീണ്ടുമോർക്കയായ് നാം
വീണ്ടുമോർക്കയായ് (പൊലിക ..)

മലനാടൻ തെന്നലേ മലയാള മന്ത്രമേ
ഗുരുവായൂരമ്പലത്തിൽ ഭജനം കഴിഞ്ഞു വന്ന
സ്വർഗ്ഗവാതിലേകാദശി തൊഴുത പുണ്യമിത്തിരി
പുൽക്കുടിലിൽ തൂവുകയീ
ഇന്നു തിരുവോണമല്ലേ
കോരനിന്നും കുമ്പിളല്ലേ
(മലനാടൻ....)

തുഞ്ചത്തെ പൈങ്കിളി തൻ ഗാന വൈഖരി ചൂടി
പൊന്നാനിപ്പുഴ കടന്നും ഭക്തക്കവി കഴൽ കണ്ടും
വൾലത്തോൾ കവിതയിലെ ശബ്ദാർത്ഥ മധു നുകർന്നും (2)
നിളയിലെ അലകൾ പാടും കഥകളി പാട്ടു കേട്ടും
വന്ന മണിത്തെന്നലേ മലയാളഗാനമേ
മലനാടൻ തെന്നലേ മലയാള മന്ത്രമേ

പായിപ്പാട്ടാറ്റിൽ വള്ളം കളി
പമ്പാനദി തിരയ്ക്ക് ആര്പ്പുവിളി
കാരിച്ചാൽ ചുണ്ടനും ആനാരിച്ചുണ്ടനും
കാവാലം ചുണ്ടനും  പോർ വിളിയിൽ ആ
വലിയ ദിവാൻ ജിയും മുൻ നിരയിൽ (പായിപ്പാട്ടാറ്റിൽ..)

ഒന്നാനാം ചുണ്ടനേലമരം പിടിക്കുന്ന
പൊന്നിലും പൊന്നായ തമ്പുരാനേ (2)
ഉത്സവക്കാവിലും  കരയോഗനാവിലും
ഒന്നാമനായുള്ള തമ്പുരാനേ നിന്നെ
തേടി തുഴഞ്ഞു വരുന്നു
നിന്റെ ചെറുമി തൻ ചുരുളൻ വള്ളം
എല്ലാമെല്ലാം അറിയുന്നതില്ലേ
നമ്മെച്ചൂഴും പളുങ്കു വെള്ളം (പായിപ്പാട്ടാറ്റിൽ..)

മണ്ണിൻ മണമീണമാക്കും
മലയാളത്തത്തമ്മേ
ഓണവില്ലിൻ നാദം കേൾപ്പൂ
ഓമനക്കിളിയമ്മേ (മണ്ണിൻ..)

നിൻ പാട്ടിൻ വീചികളിൽ ആ
പുന്നെല്ലിൻ ഗന്ധമൂറും
നീ ചൊല്ലും കഥകൾ കേട്ടാൽ
നെഞ്ചാകെ ഓർമ്മ പൂക്കും
ഇണയട്ടെ പുള്ളുവഗീതം
ഉയരും നിൻ പാട്ടിനൊപ്പം (മണ്ണിൻ..)

തുഞ്ചന്റെ കാകളിയിൽ ഒരു
പഞ്ചാരപ്പാട്ടു പാടൂ
കുഞ്ചന്റെ തുള്ളലിൽ നിന്നും
തേൻ ചോരും താളമേകൂ
ഉണരട്ടെ പഞ്ചമരാഗം
ഉണരട്ടെ കേരളസ്വപ്നം (മണ്ണിൻ..)