ചലച്ചിത്രഗാനങ്ങൾ

ചന്ദ്രോത്സവസമം വന്നു വീണ്ടും
നിന്‍ ഓര്‍മ്മകളുടെ മൗനം
വിതുമ്പും രജനികളില്‍
സഞ്ചാരികളുടെ ഗാനം
(ചന്ദ്രോത്സവസമം...)

തൈക്കുളിര്‍ മാരുതനില്‍
താമരനൂലിന്‍ നിഴലില്‍
നീന്തി നടന്നു മേഘമുറങ്ങും
ചാരുതയണിയും നീള്‍മിഴിയിണയില്‍
പൊന്നരയന്നങ്ങള്‍ എന്നഭിലാഷങ്ങള്‍
(ചന്ദ്രോത്സവസമം...)

യൗവ്വനമാം ശ്രുതിയില്‍
നിന്നുയരും തേകിളികള്
പല്ലവി തേടി പാറി നടന്നു
രണ്ടിതളുകളായ് പുഞ്ചിരി വിരിയും
ചുംബനമേലും നിന്‍ ചെഞ്ചൊടിതന്നോരം
(ചന്ദ്രോത്സവസമം...)

കിക്കിളിയുടെ മുത്തെല്ലാം കൂടി
പൊല്‍ക്കവിലിണയോരങ്ങള്‍ തേടി
ശൃംഗാരമേ നിന്‍ വീണയില്‍
മീട്ടാത്ത ഗാനം മീട്ടുന്നു ഞാന്‍ എന്നെന്നും
കിക്കിളിയുടെ മുത്തെല്ലാം കൂടി
പൊല്‍ക്കവിലിണയോരങ്ങള്‍ തേടി

സ്വര്‍ണ്ണത്തേരില്‍ സ്വപ്നംപോലും
നിന്നെക്കാണാന്‍ വരവായി
നേര്‍ത്ത നീല രാവുകള്‍
കോര്‍ത്ത രാഗമാലികേ
എന്‍ മുന്നിലെന്നും പൂക്കാലമായല്ലോ നീ
കിക്കിളിയുടെ മുത്തെല്ലാം കൂടി
പൊല്‍ക്കവിലിണയോരങ്ങള്‍ തേടി

എന്റെ മനസ്സൊരു മന്ദാരമലരി
എന്റെ കനവൊരു സിന്ദൂരക്കുരുവി
നിന്റെ തഴുകലിനാനന്ദമരുളി
എന്നിൽ നിറയുക ആലോലമൊഴുകി
എന്റെ മനസ്സൊരു മന്ദാരമലരി
എന്റെ കനവൊരു സിന്ദൂരക്കുരുവി

സ്വർഗ്ഗീയ നിമിഷങ്ങൾ തേന്മഴ പെയ്യവേ
പൊന്നിന്റെ ചഷകങ്ങൾ നിറച്ചു വരൂ
എൻ മോഹകണികകൾ നാദങ്ങളണിയവേ
അജ്ഞാതനിലയങ്ങൾ തുറന്നു തരൂ
എന്റെ മനസ്സൊരു മന്ദാരമലരി
എന്റെ കനവൊരു സിന്ദൂരക്കുരുവി

എന്നുള്ളിൽ കുളിരുമായ് പുളകങ്ങളുതിരവേ
ഇന്നെന്റെ മേനിയെ നീ പൊതിയൂ
ചൂടുള്ള ചൊടികളിൽ പൂപോലെ വിടരുവാൻ
ഒന്നെന്നെ സദയം നീ അനുവദിക്കൂ

ആ....
പാടുമൊരു കിളിയായ് മാനസം
ആടുമൊരു മയിലായ് ജീവിതം
കാലം ഒരു കാമുകന്‍
ഏതോ കഥാനായകന്‍
തേടുന്നവന്‍ ഏകാകിയായ്‌
തേടുന്നവന്‍ തന്‍ പാതിയെ
രാഗാര്‍ദ്ര രജനിയിലവനുടെ നിനവുകള്‍
മലരുകളാകും വേളയിൽ
(പാടുമൊരു...)

നെഞ്ചിലൊരു കടലിൻ ഓളം
കണ്ണിലൊരു തിരിതന്‍ നാളം
രാഗസുധ പകരാന്‍ വന്നോ ലാവണ്യമേ

പോരും മെല്ലെ യൗവ്വനം
തൂകും മെയ്യില്‍ കുങ്കുമം
എങ്ങോ പാറും ചിന്തകള്‍
പാകും പൊന്നിന്‍ പീലികള്‍
ജന്മങ്ങൾ‌തന്‍ സമ്മേളനം
സ്വപ്നങ്ങൾ‌തന്‍ ഉന്മീലനം
ഏകാന്തരജനിയില്‍ പഥികരായിവിടെ
വന്നണഞ്ഞവരൊന്നായ് മാറവേ

ദൈവമേ ദൈവമേ കാത്തുകൊള്‍കങ്ങ്
കൈവിടാതിങ്ങു ഞങ്ങളേ
നാവികന്‍ നീ ഭവാബ്ധിക്കോ-
രാവിവന്‍തോണി നിന്‍പദം
ദൈവമേ ദൈവമേ

ഒന്നൊന്നായെണ്ണിയെണ്ണി
തൊട്ടെണ്ണം പൊരുളൊടുങ്ങിയാല്‍
നിന്നിടും ദൃക്കുപോലുള്ളം
നിന്നിലസ്പന്ദമാകണം
ദൈവമേ ദൈവമേ

അന്നവസ്ത്രാദി മുട്ടാതെ
തന്നു രക്ഷിച്ചു ഞങ്ങളെ
ധന്യരാക്കുന്ന നീയൊന്നു-
തന്നെ ഞങ്ങള്‍ക്കു തമ്പുരാന്‍
ദൈവമേ ദൈവമേ

അകവും പുറവും തിങ്ങും
മഹിമാവാര്‍ന്ന നിന്‍ പദം
പുകഴ്ത്തുന്നൂ ഞങ്ങളങ്ങെ
ഭഗവാനേ ജയിക്കുക
ദൈവമേ ദൈവമേ

ഹരിഓം ഹരിഓം ഹരിഓം പാഹിമുരാരെ
ഹരിഓം ഹരിഓം ഹരിഓം പാഹിമുരാരെ
ഹൊയ് ഹൊയ് ഹൊയ് ഹൊയ്
ഹൊയ് ഹൊയ് ഓഹോ

ഹരിഓം ശ്യാമഹരേ കൃഷ്ണഹരേ
ദേവഹരേ ഗോപഹരേ പ്രേമഹരേ
പാഹിമുരാരേ
ശൃംഗാരനായകം വൃന്ദാവനസ്ഥിതം
സന്താപനാശകം മംഗല്യദായകം
ഗൗരാധാരം മേഘാകാരം
ഗീതാസാരം ഹരേ ഹരേ ഓം
ശ്യാമഹരേ കൃഷ്ണഹരേ
ദേവഹരേ ഗോപഹരേ പ്രേമഹരേ
പാഹിമുരാരേ മുരാരേ

ആലിന്റെ കൊമ്പിലെ നീലാരവിന്ദമേ
ഗോപികാവസന്ത രാഗമേ
രാധേ കണ്ണന്റെ അവതാരരാത്രി
അഷ്ടമിരോഹിണി രാത്രി
ഹരിഓം ശ്യാമഹരേ കൃഷ്ണഹരേ
ദേവഹരേ ഗോപഹരേ പ്രേമഹരേ
പാഹിമുരാരേ മുരാരേ

ദർശൻ പായീ മോരെ
പ്രിയതമ് ശ്യാം ആയേ
സുൻകേ മീഠീ മായിക് മുരളീ
തൻപർ ഖ്വാബ് ഛായി
ദർശൻ ദർശൻ പായീ മോരെ
പ്രിയതമ് ശ്യാം ആയേ

ചന്ദ്രിക തൂവിയ ചന്ദനച്ചാറിൽ
നീയൊരു മോഹമരാളം
എൻ വിരലൊന്ന് തൊട്ടാൽ പാടും
സ്നേഹവിപഞ്ചികയായ് നീ
രാഗിണി നിൻമൃദുപദചലനങ്ങളിൽ
വെൺപ്രാവിണയുടെ ചിറകടിയോ
മൃദുമൃദംഗ ഹൃദയതാളമരിയൊരു മധുരലഹരി
അണിയുമനഘ നടനലയം

എങ്ങനെ ഞാന്‍ ഉറക്കേണ്ടു
എങ്ങനെ ഞാന്‍ ഉണര്‍ത്തേണ്ടു
എന്‍ മനസ്സിന്‍ ആലിലയില്‍
പള്ളികൊള്ളും കണ്ണനുണ്ണീ
എങ്ങനെ ഞാന്‍ ഉറക്കേണ്ടു
എങ്ങനെ ഞാന്‍ ഉണര്‍ത്തേണ്ടു

കോടി ജന്മം കഴിഞ്ഞാലും
നോമ്പെടുത്ത് കാത്തിരിക്കും
എങ്ങുപോയ് നീ മറഞ്ഞാലും
ആടലോടെ കാത്തിരിക്കും
എങ്ങനെ ഞാന്‍ ഉറക്കേണ്ടു
എങ്ങനെ ഞാന്‍ ഉണര്‍ത്തേണ്ടു

ഏങ്ങിനില്‍ക്കും അമ്പാടിയില്‍
തേങ്ങിയോടും കാളിന്ദിയായ്
പൂക്കടമ്പായ് പൈക്കിടാവായ്
നീയണയാന്‍ കാത്തിരിക്കും
എങ്ങനെ ഞാന്‍ ഉറക്കേണ്ടു
എങ്ങനെ ഞാന്‍ ഉണര്‍ത്തേണ്ടു

കളിവീടുറങ്ങിയല്ലോ കളിവാക്കുറങ്ങിയല്ലോ
ഒരു നോക്കു കാണുവാനെൻ
ആത്മാവു തേങ്ങുന്നല്ലോ
തഴുകുന്ന തിരമാലകളേ ചിരിക്കുന്ന പൂക്കളേ
തഴുകുന്ന തിരമാലകളേ ചിരിക്കുന്ന പൂക്കളേ
അറിയില്ല നിങ്ങൾക്കെന്റെ അടങ്ങാത്ത ജന്മദുഃഖം
കളിവീടുറങ്ങിയല്ലോ കളിവാക്കുറങ്ങിയല്ലോ

ആ....
താരാട്ടു പാടിയാലേ ഉറങ്ങാറുള്ളു
ഞാൻ പൊന്നുമ്മ നൽകിയാലേ ഉണരാറുള്ളൂ
കഥയൊന്നു കേട്ടാലേ ഉണ്ണാറുള്ളു
എന്റെ കൈവിരൽത്തുമ്പു പിടിച്ചേ
നടക്കാറുള്ളൂ അവൻ നടക്കാറുള്ളൂ
കളിവീടുറങ്ങിയല്ലോ കളിവാക്കുറങ്ങിയല്ലോ

നന്മയേറുന്നൊരു പെണ്ണിനെ വേള്‍പ്പാനായ്
നാഥനെഴുന്നള്ളും നേരത്തിങ്കല്‍
ഭൂതങ്ങളെക്കൊണ്ടകമ്പടി കൂട്ടീട്ട്
കാളേമേലേറി നമഃശിവായ

നാരിമാര്‍ വന്നിട്ട് വായ്ക്കുരവയിട്ട്
എതിരേറ്റുകൊണ്ടൊന്ന് നില്‍ക്കും നേരം
ബ്രാഹ്മണനോടും പലരോടുമൊന്നിച്ച്
ആര്‍ത്തകം പൂക്കു നമഃശിവായ

മധ്യേ നടുമിറ്റത്തന്‍പോടെഴുന്നള്ളി
ശ്രീപീഠത്തിങ്കല്‍ ഇരുന്നരുളി
പാനക്കുടവും ഉഴിഞ്ഞു ഹരനെ
മാലയുമിട്ടു നമഃശിവായ

മന്ത്രകോടി ഉടുത്തു വഴിപോലെ
കാലും കഴുകിയകത്തുകുത്ത്
ആവണവച്ച് അതുമ്മേലിരുന്ന്
അഗ്നി ജ്വലിപ്പൂ നമഃശിവായ