മലയാളസിനിമയിലെ ഹാസ്യ സാമ്രാട്ട് എന്നറിയപ്പെടുന്ന “ശ്രീകുമാർ” എന്ന ജഗതി ശ്രീകുമാർ കേരളത്തിലെ തിരുവനന്തപുരം ജില്ലയിൽ, ജഗതി എന്ന സ്ഥലത്ത് പ്രമുഖ നാടകാചാര്യനായ ജഗതി എൻ.കെ. ആചാരിയുടെയുടെയും, പൊന്നമ്മാളിന്റെയും, മകനായി 1951ജനുവരി 5നു ജനിച്ചു.

കുട്ടിക്കാലം മുതൽ തന്നെ ഒരു നടനാകണമെന്ന ആഗ്രഹവുമായി നടന്ന ശ്രീകുമാർ, അച്ഛന്റെ നാടകങ്ങളിലൂടെ കലാലോകത്തേക്ക് കടന്നുവന്നു

തിരുവനന്തപുരം മോഡൽ സുകൂളിൽ അഞ്ചാം ക്ലാസ്സിൽ പഠിക്കുമ്പോഴാണ് ആദ്യമായി നാടകത്തിൽ അഭിനയിക്കുന്നത്. എന്നാൽ 6ആം വയസിൽ തന്നെ സിനിമയിൽ അഭിനയിക്കാനുള്ള ഭാഗ്യം ജഗതിക്കു ലഭിച്ചു ശ്രീ. വിമൽ കുമാർ സംവിധാനം ചെയ്ത്, ജഗതി എൻ കെ ആചാരി തിരക്കഥ നിർവ്വഹിച്ച “അച്ഛ്നും മകനും” എന്ന ചിത്രത്തിൽ  “മാസ്റ്റർ അമ്പിളി”  എന്ന പേരിൽ അഭിനയിച്ചു പിന്നീട് എം ടി വാസുദേവൻ നായരുടെ തിരക്കഥയിൽ കെ എസ് സേതുമാധവൻ സംവിധാനം നിർവ്വഹിച്ച "കന്യാകുമാരി" എന്ന ചിത്രത്തിലൂടെയാണ് മലയാളസിനിമയിലേക്ക് ജഗതി പ്രവേശിച്ചത്. മലയാളത്തിൽ ഇതുവരെ 1100ൽപരം സിനിമകളിൽ അഭിനയിച്ചിട്ടുണ്ട്.

തിരുവനന്തപുരം മാർ ഇവാനിയോസ് കോളേജിൽ നിന്നും നിന്നും ബോട്ടണിയിൽ ബിരുതമെടുത്ത ശേഷം മദിരാശിയിൽ മെഡിക്കൽ റെപ്രസന്റേറ്റിവായി ജോലിചെയ്യവേയാണ് “ചട്ടമ്പിക്കല്യാണി” എന്ന ചിത്രത്തിലാണ് ആദ്യമായി ഹാസ്യ വേഷം അഭിനയിക്കാൻ അവസരം ലഭിച്ചത്, ആ ചിത്രത്തിൽ അടൂർ ഭാസിയുടെ ശിങ്കിടി പയ്യന്റെ വേഷത്തിലൂടെ ജഗതി ശ്രദ്ധിക്കപ്പെട്ടു.

പിന്നീട് ഗുരുവായൂർ കേശവൻ, ഉൾക്കടൽ,റൗഡി രാമു, പുതിയ വെളിച്ചം, തുടങ്ങി നീണ്ടു കിടക്കുന്നു ഈ ഹാസ്യ ചക്രവർത്തിയുടെ അഭിനയ ജീവിതം. മലയാളസിനിമയുടെ ഒരു അഭിവാജ്യഘടകമാണ് ഇന്ന് ജഗതി ശ്രീകുമാർ. വെറും ഒരു കൊമേഡിയൻ എന്ന നിലയിൽ നിന്നും തന്റേതായ കഴിവുകളിലൂടെ ജഗതി മലയാള സിനിമയിലെ അതുല്യ നടനായി ഉയർന്നു.

മലയാള ചലച്ചിത്രനടൻ. 1948 മാർച്ച് 4 ന് തെക്കേത്തല വറീതിന്റെയും, മാർഗരീത്തയുടെയും മകനായി തൃശ്ശൂർ ജില്ലയിലെ ഇരിങ്ങാലക്കുടയിൽ ജനിച്ചു. Little Flower Convent Higher Secondary School, Irinjalakuda, Don Bosco Higher Secondary School, Irinjalakuda, and Sree Sangameswara NSS School, Irinjalakuda. എന്നീ സ്ക്കൂളുകളിൽ നിന്നായിരുന്നു ഇന്നസെന്റിന്റെ പ്രാഥമിക വിദ്യാഭ്യാസം. എട്ടാം ക്ലാസ്വരെ മാത്രമേ അദ്ദേഹം പഠിച്ചിട്ടുള്ളൂ. പഠനം നിർത്തിയതിനുശേഷം ഇന്നസെന്റ് മദ്രാസിലേയ്ക്ക് പോകുകയും അവിടെ സിനിമകളിൽ പ്രൊഡക്ഷൻ എക്സിക്യുട്ടീവായി കുറച്ചുകാലം വർക്ക്ചെയ്യുകയും ചെയ്തു. ആ സമയത്ത് അദ്ദേഹം ചില സിനിമകളിൽ ചെറിയവേഷങ്ങളിൽ അഭിനയിച്ചുകൊണ്ട് തന്റെ സിനിമാഭിനയത്തിന് തുടക്കമിട്ടു. 1972ൽ ഇറങ്ങിയ ചിത്രശാലയായിരുന്നു ഇന്നസെന്റിന്റെ ആദ്യസിനിമ. തുടർന്ന് ജീസസ്, നെല്ല് തുടങ്ങി ചില സിനിമകളിൽ അദ്ദേഹം അഭിനയിച്ചു. ആ കാലത്ത് അദ്ദേഹം തന്റെ ബന്ധുക്കളോടൊപ്പം ദാവൺഗരെയിൽ കുറച്ചുകാലം ഒരു  തീപ്പെട്ടിക്കമ്പനി നടത്തിയിരുന്നു. ആ സമയത്ത് ദാവൺഗരെയിലുള്ള കേരളസമാജത്തിന്റെ പ്രോഗ്രാമുകളിൽ അവതരിപ്പിയ്ക്കുന്ന നാടകങ്ങളിൽ ഇന്നസെന്റ് അഭിനയിക്കുകയും അവിടെയുള്ളവരുടെ അംഗീകാരം നേടുകയും ചെയ്തു. ദാവൺഗരെയിൽനിന്ന് നട്ടിലെത്തിയ ഇന്നസെന്റ് ഇവിടെ ചില ബിസിനസ് ചെയ്യുകയും അതോടൊപ്പം രാഷ്ട്രീയപ്രവർത്തനത്തിൽ ഏർപ്പെടുകയും ചെയ്തു.1979ൽ ഇരിങ്ങാലക്കുട മുൻസിപ്പൽ കൗൺസിലറായി ഇന്നസെന്റ് തിരഞ്ഞെടുക്കപ്പെട്ടു. 

ഇന്നസെന്റ് ഈ കാലത്തും സിനിമകളിൽ ചെറിയവേഷങ്ങൾ ചെയ്തിരുന്നു 1986 മുതലാണ് അദ്ദേഹം സിനിമകളിൽ സജീവമാകാൻ തുടങ്ങിയത്. 1989ൽ ഇറങ്ങിയ റാംജിറാവു സ്പീക്കിംഗ് ആണ് ഇന്നസെന്റിന്റെ അഭിനയജീവിതത്തിൽ ഒരു വഴിത്തിരിവായത്. റാംജിറാവുവിലെ മന്നാർ മത്തായി എന്ന കോമഡി കഥാപാത്രം വലിയ ജനപ്രീതിനേടുകയും ഇന്നസെന്റിന് ധാരാളംആരാധകരെ നേടിക്കൊടുക്കുകയുംചെയ്തു. തുടർന്ന് ഗജകേസരിയോഗം, ഗോഡ്ഫാദർ, കിലുക്കം,വിയറ്റ്നാംകോളനി,ദേവാസുരം,കാബൂളിവാല ... എന്നിങ്ങനെ നിരവധി സൂപ്പർഹിറ്റ് സിനിമകളിൽ ഇന്നസെന്റ് മികച്ചകഥാപാത്രങ്ങളെ അവതരിപ്പിയ്ക്കുകയും അവയെല്ലാം പ്രേക്ഷകപ്രീതിനേടുകയുംചെയ്തു. കോമഡിറോളുകളും സീരിയസ് റോളുകളും ഒരുപോലെ കൈകാര്യം ചെയ്യാൻ കഴിവുള്ളനടനാണ് ഇന്നസെന്റ്. അഭിനയിയ്ക്കുന്ന എല്ലാകഥാപാത്രങ്ങളെയും പ്രേക്ഷകരുടെമനസ്സിൽ എന്നെന്നും നിലനിൽക്കുന്നതാക്കാൻ ഇന്നസെന്റിന്റെ ഉജ്ജ്വലമായ അഭിനയത്തിനു കഴിയുന്നു. എല്ലാതരം റോളുകളും ചെയ്തിട്ടുണ്ടെങ്കിലും കോമഡിറോളുകളാണ് ഇന്നസെന്റിനെ പ്രേക്ഷകഹൃദയങ്ങളിൽ പ്രിയങ്കരനാക്കിയത്.

ഇന്നസെന്റ് പന്ത്രണ്ട് വർഷം Association of Malayalam Movie Artistes (AMMA) യുടെ പ്രസിഡന്റ് ആയി ഇരുന്നിട്ടുണ്ട്. മലയാളത്തിനുപുറമെ തമിഴ്,കന്നഡ, ഹിന്ദി,ഇംഗ്ലീഷ് സിനിമകളിലും ഇന്നസെന്റ് അഭിനയിച്ചിട്ടുണ്ട്. ധാരാളം സ്റ്റേജ്ഷോകളിലും, ടെലിവിഷൻഷോകളിലും അദ്ദേഹം പങ്കെടുക്കാറുണ്ട്. നടൻ എന്നതിനുപുറമെ ഇന്നസെന്റ് നിർമ്മാതാവുകൂടിയാണ് നാലു സിനിമകൾ അദ്ദേഹം നിർമ്മിച്ചിട്ടുണ്ട്. രണ്ടു സിനിമകൾക്ക് അദ്ദേഹം കഥ എഴുതിയിട്ടുണ്ട്. ചില സിനിമകളിൽ പാട്ടുപാടി ഇന്നസെന്റ് താനൊരു ഗായകൻ കൂടിയാണെന്ന് തെളിയിച്ചിട്ടുണ്ട്.

നല്ലൊരു എഴുത്തുകാരൻ കൂടിയായ ഇന്നസെന്റ് നാലു പുസ്തകങ്ങൾ എഴുതി പ്രസിദ്ധീകരിച്ചിട്ടുണ്ട്. ഞാൻ ഇന്നസെന്റ്, മഴക്കണ്ണാടി, ചിരിയ്ക്കുപിന്നിൽ (ആത്മകഥ) ,കാൻസർവാർഡിലെചിരി.. എന്നിവയാണ്. തൊണ്ടയിൽ കാൻസർ ബാധിച്ച് കുറച്ചുകാലം ചികിത്സാർത്ഥം ആശുപത്രിയിൽ കിടന്നതിന്റെ അനുഭവങ്ങളാണ് കാൻസർവാർഡിലെ ചിരി എന്ന പുസ്തകം. 1976 സെപ്റ്റംബർ 6 ന് ആയിരുന്നു ഇന്നസെന്റിന്റെ വിവാഹം. ഭാര്യ ആലീസ്. മകൻ സോണറ്റ്.

2014 ലെ ലോക്സഭാ ഇലക്ഷനിൽ ഇന്നസെന്റ് എൽ ഡി എഫ് സ്വതന്ത്രസ്താനാർത്ഥിയായി മത്സരിച്ച് ജയിക്കുകയും എം പി ആവുകയും ചെയ്തു.

1954 മുതൽ സിനിമയിൽ പാടിത്തുടങ്ങിയ ഗുരുവായൂർ സ്വദേശിനിയായ സംഗീത വിദുഷി പൊന്നമ്മയുടെ , അറിയപ്പെടുന്ന ആദ്യ ഗാനം  ‘മന്ത്രവാദി‘ എന്ന സിനിമയിലെ ‘ആരും ശരണമില്ലെ’‘  എന്ന ഗാനമാണ്. മൃദംഗ വിദ്വാൻ ഗുരുവായൂർ ദൊരൈയും ഗുരുവായൂർ രാജവും സഹോദരങ്ങളാണ്.

ഡോ.പി യു അശോകന്റെയും ഡോ.കെ എസ് സുനിധിയുടെയും മകളായി 1978ൽ തൃശൂരിൽ ജനിച്ചു. ചെറുപ്പകാലത്ത് തന്നെ സംഗീതം അഭ്യസിച്ച് തുടങ്ങി. മുത്തശ്ശി അമ്മുക്കുട്ടി  കർണ്ണാടക സംഗീതടീച്ചറായിരുന്നു. നെടുമങ്ങാട് ശശിധരൻ നായർ ആണ് കർണാടക സംഗീതത്തിലെ ആദ്യ ഗുരു. തുടർന്ന് മങ്ങാട് നടേശൻ, വാമനൻ നമ്പൂതിരി എന്നിവരുടെ കീഴിലും സംഗീതം തുടർന്ന് അഭ്യസിച്ചു. സ്കൂൾ-കോളേജ് തലത്തിൽ ലളിതഗാനത്തിനും വെസ്റ്റേൺ മ്യൂസിക്കിനുമൊക്കെ നിരവധി സമ്മാനങ്ങൾ നേടി. ബി എ ബിരുദത്തിന് പഠിക്കുന്നതിനിടെയാണ് സുഹൃത്തും ഗസൽ ഗായകനും തബലിസ്റ്റുമായിരുന്ന ഫിലിപ്പ് വി ഫ്രാൻസിസിന്റെ സംഗീത പരിപാടികൾ ഗായത്രിയെ ഹിന്ദുസ്ഥാനി സംഗീതത്തിലേക്ക് അടുപ്പിക്കുന്നത്. തുടർന്ന് പൂനെയിൽ എത്തിയ ഗായത്രി, അൽക മരുൾകർ എന്ന പ്രശസ്തയായ ഹിന്ദുസ്ഥാനി സംഗീതജ്ഞയുടെ ശിഷ്യയായി മാറുകയും ഗുരുകുല സമ്പ്രദായത്തിലൂടെ ചിട്ടയായി ഹിന്ദുസ്ഥാനി സംഗീതം അഭ്യസിക്കുകയും ചെയ്തു.

ഇക്കാലയളവിലെ ഒരു വെക്കേഷനിലാണ് ഗായത്രിക്ക് രവീന്ദ്രൻ മാസ്റ്ററുടെ സംഗീത സംവിധാനത്തിൽ മലയാള ചലച്ചിത്ര പിന്നണി ഗാന രംഗത്ത് തുടക്കം കുറിക്കുവാൻ സാധിക്കുന്നത്. ലോഹിതദാസിന്റെ “അരയന്നങ്ങളുടെ വീടെ”ന്ന സിനിമയിലെ “ദീന ദയാലോ രാമാ” എന്ന ഗാനം ആലപിച്ച് കൊണ്ടാണ് ഗായത്രി മലയാള സിനിമയിൽ തുടങ്ങുന്നത്. തുടർന്ന് നിരവധി  സംഗീത സംവിധായകരോടൊപ്പം ജോലി ചെയ്യാൻ കഴിഞ്ഞു. ഗായത്രിയുടേതായി ഹിറ്റ് പാട്ടുകൾ നിരവധി പുറത്തിറങ്ങി. 2003ലെ മികച്ച ഗായികക്കുള്ള കേരള സംസ്ഥാന അവാർഡ് ഗായത്രിക്ക് ലഭിച്ചു. സസ്നേഹം സുമിത്ര എന്ന ചിത്രത്തിൽ ഔസേപ്പച്ചൻ സംഗീതം ചെയ്ത “എന്തേ നീ കണ്ണാ” എന്നുള്ള ഗാനത്തിനായിരുന്നു അവാർഡ്. മികച്ച ഗായികക്കുള്ള 2011ലെ  അമൃത ഫെഫ്ക അവാർഡ് പ്രാഞ്ചിയേട്ടൻ & ദ സെയിന്റെന്ന ചിത്രത്തിലെ “കിനാവിലെ” എന്ന ഗാനത്തിനർഹയായി.

ആകാശവാണിയുടെ ഹിന്ദുസ്ഥാനി ക്‌ളാസിക്കൽ വിഭാഗത്തിൽ ഹൈ ഗ്രേഡ് ബി കരസ്ഥമാക്കിയിട്ടുള്ള ഗായികയാണ് ഗായത്രി. ഇംഗ്‌ളീഷ് സാഹിത്യത്തിൽ മാസ്റ്റർ ബിരുദം ഉള്ള ഗായത്രി ഹിന്ദുസ്ഥാനി സംഗീതജ്ഞയെന്നാണ് കൂടുതലും അറിയപ്പെടുന്നത്. ലോകത്തിന്റെ പല ഭാഗത്തും സംഗീത പരിപാടികളും ഗസലുകളും അവതരിപ്പിച്ചു. 1995 മുതൽ ആർട്ട് ഓഫ് ലിവിംഗിന്റെ ഭാഗമായി ശ്രീ ശ്രീ രവിശങ്കറിന്റെ സംഘത്തിൽ ഭജനുകളും ഗാനങ്ങളുമൊക്കെയായി പല രാജ്യങ്ങളും സഞ്ചരിച്ചു. ചാരിറ്റിക്കു വേണ്ടി "അനഹട, വിശുദ്ധി, സ്മരൺ, സങ്കീർത്തൻ" തുടങ്ങി നാലോളം ആത്മീയ ആൽബങ്ങളും ഗായത്രി പുറത്തിറക്കിയിട്ടുണ്ട്.  ജുഗൽബന്ദി, ഫ്യൂഷൻ സംഗീതം തുടങ്ങി സംഗീതത്തിലെ തന്നെ വ്യത്യസ്ത മേഖലകൾ കൈകാര്യം ചെയ്തു. ടെലിവിഷൻ ചാനലുകളിലെ സംഗീത പരിപാടികൾക്കും റിയാലിറ്റി ഷോകൾക്കും ജഡ്ജായും പ്രവർത്തിച്ചു. പണ്ഡിറ്റ് ജസ്‌രാജ്, ഹരിപ്രസാദ് ചൗരസ്യ തുടങ്ങിയ പ്രമുഖർക്കൊപ്പം കാസറ്റുകൾ പുറത്തിറക്കി.

ഗായത്രി പാടിയ മലയാളം പാട്ടുകളിൽ മിക്കതും മറക്കാനാവാത്തതാണെങ്കിലും,മകൾക്ക് എന്ന ചിത്രത്തിലെ "ചാഞ്ചാടിയാടി ", നരനിലെ "തുമ്പിക്കിന്നാരം" , മുല്ലവള്ളിയും തേന്മാവും എന്ന സിനിമയിലെ "താമരനൂലിനാൽ.." , പ്രാൻഞ്ചിയേട്ടൻ ആന്റ് ദി സെയിന്റ് എന്ന ചിത്രത്തിലെ " കിനാവിലെ... "  എന്ന ഗാനങ്ങൾ മികച്ചു നില്ക്കുന്നു.

സഹോദരൻ ഗണേഷ് ടെക്നോപാർക്കിൽ ഐടി മേഖലയിൽ ജോലി ചെയ്യുന്നു.

വിവരങ്ങൾക്ക് അവലംബം :- ഗായത്രിയുടെ

• വെബ്സൈറ്റ് - http://www.gayatriasokan.com/
• ഫേസ്ബുക്ക് പേജ് :-  https://www.facebook.com/pages/Gayatri-Asokan/501779266594394

പൊന്‍കതിര്‍ എന്ന ചിത്രത്തില്‍ ബ്രദർ ലക്ഷ്മണന്റെ സംഗീതത്തില്‍ പരമ്പരാഗത ഗാനമായ "അഞ്ജന ശ്രീധരാ...' എന്ന ഗാനം ആലപിച്ചു 

അവലംബം : രാജഗോപാൽ ചെങ്ങന്നൂരിന്റെ ഫേസ്ബുക്ക് പോസ്റ്റ്

ഗായകനും ഡോക്ടറുമായ ഫഹദ് നിരവധി സിനിമകളിൽ ഗാനമാലപിച്ചു. കയ്യെത്തും ദൂരത്തെന്ന ഫാസിൽ ചിത്രത്തിൽ ഔസേപ്പച്ചൻ സംഗീത സംവിധാനം നിർവ്വഹിച്ച "പൂവേ ഒരു മഴമുത്തം" എന്ന ഗാനത്തിലൂടെയാണ്  ചലച്ചിത്രഗാനരംഗത്ത് തുടക്കമിടുന്നത്.  2008ൽ യു.കെയിലേക്ക് ജോലി സംബന്ധമായി താമസം മാറ്റിയ ഫഹദ്, യൂറോപ്യൻ മലയാള സംഗീതവേദികളിൽ പെർഫോം ചെയ്യുന്നു.