ഹിന്ദു ഭക്തിഗാനങ്ങൾ

നീയെന്നേ ഗായകനാക്കീ ഗുരുവായൂരപ്പാ..
കണ്ണാ.. മഴമുകിലൊളിവര്‍ണ്ണാ.. (2)
ഉറങ്ങി ഉണരും ഗോപ തപസ്സിനെ
യദുകുലമാക്കീ നീ  (2)
യമുനയിലൊഴുകും എന്റെ മനസ്സിനെ
സരിഗമയാക്കീ നീ.. കണ്ണാ..
സ്വരസുധയാക്കീ നീ.. (നീയെന്നെ..)

കയാമ്പൂക്കളിൽ വിടര്‍ന്നതെന്നുടെ
കഴിഞ്ഞ ജന്മങ്ങൾ..
നിൻ പ്രിയ കാൽത്തള നാദങ്ങൾ (2)
മഴമുകിലോ നീ മനസ്സോ തപസ്സോ
മൌനം പൂക്കും മന്ത്രമോ..
നീ മലരോ തേനോ ഞാനോ.. (നീയെന്നേ..)

കഥകൾ തളിര്‍ക്കും ദ്വാപരയുഗമോ
കാൽക്കൽ ഉദയങ്ങൾ..
നിൻ തൃക്കാൽക്കൽ അഭയങ്ങൾ (2)‍
ഗുരുവായൂരിൽ പാടുമ്പോളെൻ ഹൃദയം

ഹരി കാംബോജി രാഗം പഠിക്കുവാൻ
ഗുരുവായൂരിൽ ചെന്നൂ ഞാൻ..
പലനാളവിടെ കാത്തിരുന്നെങ്കിലും
ഗുരുനാഥനെന്നെ കണ്ടില്ല എന്നെ
ഗുരുവായൂരപ്പൻ കണ്ടില്ലാ.. (ഹരി..)

രാവിലെയവിടുന്നു ഭട്ടേരിപ്പാടിന്റെ
വാതം ചികിത്സിക്കാൻ പോകുന്നു (2)
നാരായണീയമാം ദക്ഷിണയും വാങ്ങി
നേരേ മഥുരയ്ക്കു മടങ്ങുന്നു
ജീവിതഭാക്ഷാ കാവ്യത്തിൽ പിഴയുമായ്
പൂന്താനം പോലേ.. ഞാനിരിക്കുന്നൂ‍..
കൃഷ്ണാ.. തോറ്റൂ ഞാൻ.. ഭഗവാനേ.. (ഹരി..)

വില്വ മംഗലത്തിനു പൂജയ്ക്കൊരുക്കുവാൻ
അങ്ങ് എല്ലാ ദിവസവും ചെല്ലുന്നു
ഗുരുപത്നിക്കായ്  വിറകിനു പോകുന്നു

ഗുരുവായൂരപ്പാ നിൻ മുന്നിൽ  ഞാൻ
എരിയുന്നു കര്‍പ്പൂരമായി (2)
പലപല ജന്മം ഞാൻ നിന്റെ..
കളമുരളിയിൽ സംഗീതമായീ.. (ഗുരുവായൂരപ്പാ..)

തിരുമിഴി പാലാഴിയാക്കാം..
അണിമാറിൽ ശ്രീവത്സം ചാര്‍ത്താം.. (2)
മൌലിയിൽ പീലിപ്പൂ ചൂടാനെന്റെ..
മനസ്സും നിനക്കു ഞാൻ തന്നൂ.. (ഗുരുവായൂരപ്പാ..)

മഴമേഘകാരുണ്യം പെയ്യാം..
മൌനത്തിൽ ഓങ്കാരം പൂക്കാം.. (2)
തളകളിൽ വേദം കിലുക്കാനെന്റെ
തപസ്സും നിനക്കു ഞാൻ തന്നൂ.. (ഗുരുവായൂരപ്പാ..)

ഒരുപിടിയവിലുമായ് ജന്മങ്ങൾ താ‍ണ്ടി ഞാൻ
വരികയായ് ദ്വാരക തേടി...
ഗുരുവായൂര്‍ കണ്ണനെ തേടി... (ഒരുപിടി...)

അഭിഷേകവേളയാണെങ്കിലും നീയപ്പോൾ
അടിയനുവേണ്ടി നട തുറന്നു..(അഭിഷേക..)
ആയിരം മണിയൊച്ച എതിരേറ്റു..എന്നെ
അവിടത്തെ കാരുണ്യം എതിരേറ്റു
അവിടുത്തെ കാരുണ്യമെതിരേറ്റു.. (ഒരുപിടി..)

ഓലക്കുടയിൽ നിൻ പീലിക്കണ്ണെന്തിനു
നീ പണ്ടു പണ്ടേ മറന്നു വച്ചു.. (ഓലക്കുടയിൽ..)
സംഗീത രന്ധ്രങ്ങൾ ഒമ്പതും കൂടി നീ
എന്തിനെൻ മെയ്യിൽ ‍ ഒളിച്ചുവച്ചു
നിനക്കുവേണ്ടേ ഒന്നും നിനക്കുവേണ്ടേ.. (ഒരുപിടി..)

എൻ മിഴിനീരിലെ നാമ ജമപങ്ങളെ

രാധ തൻ പ്രേമത്തോടാണോ കൃഷ്ണാ..
ഞാൻ പാടും ഗീതത്തോടാണോ..
പറയൂ നിനക്കേറ്റം ഇഷ്ടം...
പക്ഷേ പകൽപോലെ ഉത്തരം സ്പഷ്ടം..
രാധ തൻ പ്രേമത്തോടാണോ കൃഷ്ണാ..
ഞാൻ പാടും ഗീതത്തോടാണോ..

ശംഖുമില്ലാ..കുഴലുമില്ലാ...
നെഞ്ചിൻറെയുള്ളിൽ നിന്നീനഗ്ന സംഗീതം
നിൻ കാൽക്കൽ വീണലിയുന്നൂ...
വൃന്ദാവന നികുഞ്ജങ്ങളില്ലാതെ നീ...
ചന്ദനം പോൽ മാറിലണിയുന്നൂ‍....
നിൻറെ മന്ദസ്മിതത്തിൽ ഞാൻ കുളിരുന്നു...
പറയരുതേ.. രാധയറിയരുതേ..
ഇതു ഗുരുവായൂരപ്പാ രഹസ്യം...

(രാധ തൻ)

കാനനവാസാ കലിയുഗ വരദാ (2)
കാൽത്തളിരിണ കൈതൊഴുന്നേൻ നിൻ - (2)
കേശാദിപാദം തൊഴുന്നേൻ..
(കാനനവാസാ)

നിരുപമ ഭാഗ്യം നിൻ നിര്‍മ്മാല്യ ദര്‍ശനം
നിര്‍വൃതികരം നിൻ നാമസങ്കീര്‍ത്തനം
അസുലഭ സാഫല്യം നിൻ വരദാനം
അടിയങ്ങൾക്കവലംബം നിൻ സന്നിധാനം
(കാനനവാസാ)

കാനന വേണുവിൽ ഓംകാരമുണരും
കാലത്തിൻ താലത്തിൽ നാളങ്ങൾ വിടരും
കാണാത്തനേരത്തും കാണണമെന്നൊരു
മോഹവുമായീ നിൻ അരികിൽ വരും
(കാനനവാസാ)

_________________________________

സഹസ്ര കലശാഭിഷേകം....കണ്ണനു ചന്ദനത്തൈലാഭിഷേകം

അടിതൊട്ടു
മുടി വരെ....ആലിലക്കണ്ണന്.....ആഴക്കു
കണ്ണീരാലഭിഷേകം

ആ....ആ....ആ....ആ....ആ....ആ....................

സഹസ്രകലശാഭിഷേകം
കണ്ണനു ചന്ദനത്തൈലാഭിഷേകം

അടിതൊട്ടു മുടി വരെ ആലിലക്കണ്ണനൊരാഴക്കു
കണ്ണീരാലഭിഷേകം

എന്റെ ആനന്ദക്കണ്ണീരാലഭിഷേകം

സഹസ്രകലശാഭിഷേകം കണ്ണനു
ചന്ദനത്തൈലാഭിഷേകം

സഹസ്ര കലശാഭിഷേകം....കണ്ണനു
ചന്ദനത്തൈലാഭിഷേകം

അടിതൊട്ടു മുടി വരെ....ആലിലക്കണ്ണന്.....ആഴക്കു
കണ്ണീരാലഭിഷേകം

നിര്‍മാല്യം കണ്ടു കൺ‌തുറന്നാൽ പിന്നെ

ഗുരുവായൂരപ്പന്റെ പവിഴാധരം മുത്തും
മുരളികയാണെന്റെ ജന്മം
അവിടുത്തെ മാധുര്യമെല്ലാം തിരയടിച്ചിളകുന്ന
കടലെന്റെ കണ്ഠം (ഗുരുവായൂരപ്പന്റെ...)

പാടുന്നതെല്ലാം നിൻ കീര്‍ത്തനമാകുവാൻ
പാടു പെടുന്നൊരെൻ പുണ്യം (2)
പണ്ടത്തെ ജന്മത്തിൽ അക്രൂര വേഷത്തിൽ
അമ്പാടിയിൽ വന്നിരുന്നു
അവിടുത്തെ പൂഴിയിൽ വീണുരുണ്ടപ്പോഴെൻ
അത്മാവ് പൂത്തുലഞ്ഞൂ അതു നീ കണ്ടറിഞ്ഞൂ
(ഗുരുവായൂരപ്പന്റെ...)