ഗുരുവായൂരപ്പാ നിൻ മുന്നിൽ ഞാൻ
എരിയുന്നു കര്പ്പൂരമായി (2)
പലപല ജന്മം ഞാൻ നിന്റെ..
കളമുരളിയിൽ സംഗീതമായീ.. (ഗുരുവായൂരപ്പാ..)
തിരുമിഴി പാലാഴിയാക്കാം..
അണിമാറിൽ ശ്രീവത്സം ചാര്ത്താം.. (2)
മൌലിയിൽ പീലിപ്പൂ ചൂടാനെന്റെ..
മനസ്സും നിനക്കു ഞാൻ തന്നൂ.. (ഗുരുവായൂരപ്പാ..)
മഴമേഘകാരുണ്യം പെയ്യാം..
മൌനത്തിൽ ഓങ്കാരം പൂക്കാം.. (2)
തളകളിൽ വേദം കിലുക്കാനെന്റെ
തപസ്സും നിനക്കു ഞാൻ തന്നൂ.. (ഗുരുവായൂരപ്പാ..)
