മെലഡി

പ്രപഞ്ച ഹൃദയവിപഞ്ചിയിലുണരും
പ്രണവസംഗീതം ഞാന്‍ (2)
അമരാവതിയില്‍ നിന്നെഴുന്നള്ളും
അനുപമസുന്ദരി ഞാന്‍ (2)
ആ.........ആ........

പ്രപഞ്ച ഹൃദയവിപഞ്ചിയിലുണരും
പ്രണവസംഗീതം ഞാന്‍
അനുപമസുന്ദരി ഞാന്‍
പ്രണവസംഗീതം ഞാന്‍

ആരോ ആരാരോ.....
ആരോ ആരോ ആരാമഭൂമിയില്‍
ആദ്യത്തെ കനിതേടി വന്നവനാരോ (2)
(ആരോ...)

ഏതോ രാഗവികാരം ഏതോ ഭാവവിലാസം
രൂപം കൊടുത്തൊരീ തേന്‍കനി തേടി
ഈവഴി വന്നവനാരോ - ഈവഴി വന്നവനാരോ
(ആരോ...)

കാലത്തിന്‍ കണ്ണുനീര്‍ വീണുനനഞ്ഞൊരീ
പൂവന സീമയില്‍ നില്‍ക്കുമ്പോള്‍
പാദങ്ങള്‍ പതറുന്നു മോഹങ്ങളുലയുന്നു
പറയൂ പറയൂ നീയാരോ
യാത്രക്കാരാ നീയാരോ 

ആരോ ആരോ ആരാമഭൂമിയില്‍
ആദ്യത്തെ കനിതേടി വന്നവനാരോ (2)

തിരുവേഗപ്പുറയുള്ള ഭഗവാനൊരുനാള്‍
ഗൌരിയെന്നൊരുത്തിയെക്കിനാവു കണ്ടൂ 
തിരുവേഗപ്പുറയുള്ള ഭഗവാനൊരുനാള്‍
ഗൌരിയെന്നൊരുത്തിയെക്കിനാവു കണ്ടൂ 

മകയിരപ്പൂനിലാവില്‍ ദശപുഷ്പങ്ങളും ചൂടി
മാങ്കൊമ്പില്‍ പൊന്നൂഞ്ഞാലാടിയാടി
മകയിരപ്പൂനിലാവില്‍ ദശപുഷ്പങ്ങളും ചൂടി
മാങ്കൊമ്പില്‍ പൊന്നൂഞ്ഞാലാടിയാടി
തിരുനോമ്പില്‍ മനമൂന്നി മലമകളിരിക്കുമ്പോള്‍
മദനന്റെ മലരമ്പു ഭഗവാനേറ്റു 
തിരുവേഗപ്പുറയുള്ള ഭഗവാനൊരുനാള്‍
ഗൌരിയെന്നൊരുത്തിയെക്കിനാവു കണ്ടൂ 

യമുനാ - യമുനാ തീരവിഹാരീ..
യമുനാതീരവിഹാരീ - നിന്നുടെ
പ്രിയദർശിനിയാം രാധിക ഞാൻ
യമുനാ തീരവിഹാരീ.. 

എവിടെയൊളിച്ചു കളിപ്പൂ നീ
എവിടെയൊളിച്ചു കളിപ്പൂ നീയെൻ
വിജനകുടീരം കാണ്മീലേ 
വിജനകുടീരം കാണ്മീലേ 
യമുനാ - യമുനാ തീരവിഹാരീ..

കുയിലുകൾ മധുരം പാടുമ്പോൾ നിൻ
കുഴലൊച്ചയിതെന്നോർക്കും ഞാൻ 
മയിലുകൾ പീലി നിവർത്തുമ്പോളെൻ
മരതകവർണ്ണനേയോർക്കും ഞാൻ 
യമുനാ - യമുനാ തീരവിഹാരീ..

കിളികൾ കളമൊഴി തൂകുമ്പോൾ നിൻ
കളിവാക്കുകളെന്നോർക്കും ഞാൻ 
കുളിർക്കാറ്റലസം തഴുകുമ്പോൾ നിൻ
മൃദുകരലാളനമോർക്കും ഞാൻ 

നീരദ ലതാഗൃഹം പൂകിപ്പൊഴുതന്തി 
നീരവമിരിക്കുന്നു രാഗവിഭ്രമമേന്തി 
ഹൃദയം ദ്രവിപ്പിക്കും എതൊരുജ്ജ്വല ഗാനം 
ഉദയല്ലയം ഭവാൻ ആലപിക്കുന്നു സ്വൈരം 

കനകനിചോളമൂർന്നു നഗ്നോരസ്സായ്‌ മേവും 
അനവദ്യയാം സന്ധ്യാദേവിതൻ കപോലത്തിൽ 
ക്ഷണമുണ്ടൊലിക്കാറായ്‌ മിന്നുന്നു താരാബാഷ്പ- 
കണമൊന്നനിർവ്വാച്യ നവ്യനിർവൃതി ബിന്ദു 

അങ്ങിൽനിന്നറിഞ്ഞു ഞാൻ പൂർണ്ണമാമാത്മാവിങ്കൽ 
തിങ്ങിടും അനുഭവം പകരും കലാശൈലി 
നിത്യഗായകാ -  നിത്യഗായകാ പഠിപ്പിക്കുകെൻ ഹൃൽസ്പന്ദത്തെ 
സത്യജീവിതാഖണ്ഡ ഗീതത്തിൻ താളക്രമം

ഈ മരുഭൂവില്‍ ഹേമന്തമായി
നീ തങ്കമേ
ഈ മരുഭൂവില്‍ ഹേമന്തമായി
നീ തങ്കമേ
നാളെ ഞങ്ങള്‍ നിന്‍ നിഴലില്‍
എന്‍സ്വപ്നമേ
പൊന്‍ പുല൪കാലം പൂകാന്‍
പൊന്നിന്‍ കിനാക്കള്‍ കാണാന്‍
ചെന്താമര കണ്ണനുണ്ണി വാവാവോ

ചന്ദനത്തൊട്ടില്‍ ഇല്ലാ 
ചാമരത്തൊട്ടില്‍ ഇല്ല
ചെന്താമര കണ്ണനുണ്ണി വാവാ...

വജ്രകിരീടം ശിരസ്സിലണിയും 
വൈദ്യുതദീപമേ 
നിദ്രാമുറിയില്‍ നീയെന്തിനിങ്ങനെ
നിശബ്ദതപസ്സിനു വന്നു 
(വജ്രകിരീടം..)

കൈമണിച്ചെപ്പിലെ അഗ്നിനാളം കൊണ്ടു
കര്‍പ്പൂരമുഴിയാനോ - എന്റെ
അഷ്ടമംഗല്യത്തളികയില്‍ വാടാത്തൊ-
രര്‍ച്ചനാപുഷ്പമായ് വിടരാനോ
വജ്രകിരീടം ശിരസ്സിലണിയും 
വൈദ്യുതദീപമേ 

ചുറ്റോടുചുറ്റുമീ ചുമരിന്മേലെന്റെ
ചിത്രം വരയ്ക്കാനോ - മുന്നിൽ
എന്‍നിഴല്‍ നീര്‍ത്തുമീ അന്ധകാരത്തിനാല്‍
എന്റെയുഷസ്സുകള്‍ മറയ്ക്കാനോ 
വജ്രകിരീടം ശിരസ്സിലണിയും 
വൈദ്യുതദീപമേ 

മഴയില്‍ നിന്‍ മൊഴികള്‍ ഞാന്‍ കേട്ടതില്ല
മഴയില്‍ നിന്‍ മിഴിനീര്‍ ഞാന്‍ കണ്ടതില്ല
ഈ ഈറന്‍വഴിയില്‍ നീ ഇല്ലാതെ ഇങ്ങനെ
വീണ്ടും വന്നണയും എന്നറിഞ്ഞീല
(മഴയില്‍ നിന്‍ മൊഴികള്‍)

നീ ഒന്നു ചിരിച്ചാല്‍ കുറുകുന്ന പ്രാവുകള്‍
കൂടുവിട്ടെങ്ങോ പറന്നുപോയി
നീ ഒന്നു തൊടുമ്പോള്‍ വിടരുന്ന പൂവുകള്‍
വസന്തകാലം മറന്നടര്‍ന്നുവീണു
വസന്തകാലം മറന്നടര്‍ന്നുവീണു
(മഴയില്‍ നിന്‍ മൊഴികള്‍)

ആരു പറഞ്ഞു ആരു പറഞ്ഞു
പ്രിയമാനസനായ ഭവാനൊരു
ഭ്രാന്തനാണെന്നാരു പറഞ്ഞു
ആരു പറഞ്ഞു ആരു പറഞ്ഞു

മഞ്ഞക്കണ്ണാടി വെച്ച മനുഷ്യര്‍ക്ക്
മറ്റുള്ളതെല്ലാം മഞ്ഞയായ് തോന്നും
ഓടുന്ന വണ്ടിയിലൊരുവനു ചുറ്റും
ഓടുന്നതായ് തോന്നും
ആരു പറഞ്ഞു ആരു പറഞ്ഞു 
ഭ്രാന്തനാണെന്നാരു പറഞ്ഞു

നേരേ നില്‍ക്കും മരമൊന്നിളകിയാല്‍
നീരില്‍ പ്രതിഫലിക്കുമ്പോള്‍
നിരവധി വളവുകളുള്ളതുപോലെ
നേത്രങ്ങള്‍ക്ക് തോന്നും
ആരു പറഞ്ഞു ആരു പറഞ്ഞു 
ഭ്രാന്തനാണെന്നാരു പറഞ്ഞു

പുലര്‍മഞ്ഞു പോല്‍ നീയെന്‍ പൂവിന്‍റെ  നെഞ്ചില്‍
നിന്നൊരു സൂര്യനാളമേറ്റുണരുന്നുവോ
ജന്മങ്ങളായി വിണ്ണിന്‍ കണ്ണായ താരങ്ങള്‍
മഴയേറ്റു  രാവോരം മറയുന്നുവോ
പറയാതെ ഞാന്‍ പറയുന്നുവോ
വിരഹം നിറഞ്ഞ വാക്കുകള്‍
നിറസന്ധ്യപോല്‍ മിഴി പൂട്ടി നീ നില്‍ക്കവേ