കാമസങ്കേതം തേടിവന്നെത്തിയ
പ്രേമകൗതുകമേ നിന്റെ പൗരുഷം
ലഹരിയിൽ നിറയും മുന്തിരിക്കിണ്ണം
ഒരു മുന്തിരിക്കിണ്ണം
എന്റെ ചുണ്ടുകൾ ചിറകുകൾ വിടർത്തും
വണ്ടുകൾ
മദിക്കും വണ്ടുകൾ
നിൻ വികാരമദിരയിൽ നീന്തും
നിത്യദാഹങ്ങൾ
ഹൃദയകേസരം വിടർത്തി നിന്നെ
ഇതളുകൾക്കുള്ളിൽ ഒതുക്കീ ഒതുക്കീ
നിന്റെ ചൂടുകൊണ്ടടിമുടി പൂക്കും
നെഞ്ചുമായ്
നിന്റെ മുൻപിൽ മുഖപടം മാറ്റി എന്റെ
താരുണ്യം
പ്രണയഭിക്ഷ നീ നൽകൂ എന്നെ
പ്രമദവനത്തിൽ ഉറക്കൂ ഉറക്കൂ

കണ്ണില്ലാത്തത് ഭാഗ്യമായി
കാഴ്ച പോയത് ഭാഗ്യമായി
കപടദുഃഖങ്ങളും മൂകദുഃഖങ്ങളും
കാണേണ്ടല്ലോ ഭൂമിയിൽ (കണ്ണില്ലാത്തത്...)

സൂര്യനുദിക്കുമ്പോൾ വെയിൽ ചൂട്
ചന്ദ്രനുദിക്കുമ്പോൾ നിലാക്കുളിർ
കുളിരും വെയിലും തിരിച്ചറിയാൻ
കണ്ണുകളെന്തിനു കണ്ണുകൾ
എന്തിനു കണ്ണുകൾ (കണ്ണില്ലാത്തത്...)

മോഹം മുളയ്ക്കുമ്പോൾ രോമാഞ്ചം
സ്നേഹം തലോടുമ്പോൾ പൂമഞ്ചം
രണ്ടു സുഖങ്ങളും തിരിച്ചറിയാൻ
കണ്ണുകളെന്തിനു കണ്ണുകൾ
എന്തിനു കണ്ണുകൾ (കണ്ണില്ലാത്തത്...)

ചന്ദ്രമദം പിഴിഞ്ഞെടുത്തു പ്രകൃതിയൊരു
ചന്ദനപ്പൊയ്ക തീർത്തു
അഴകൊഴുകും ആ ചന്ദനപ്പൊയ്കയിൽ
കുളിർന്നു കുളിർന്നു
പൂത്തോരിന്ദീവരത്തിൽ നീ ജനിച്ചു
സൗന്ദര്യസർവസ്വമേ നീ ജനിച്ചൂ

പുത്തിലഞ്ഞി മണം ഉന്മാദമുണർത്തും
പാമ്പിൻ കാവുകൾക്കരികിൽ നിന്റെ
പാമ്പിൻ കാവുകൾക്കരികിൽ
സ്വർണ്ണക്കലപ്പയുടെ വിരലു കൊള്ളാത്തൊരു
മണ്ണിലെ കതിർക്കൊടി  പോലെ നിന്റെ
മദാലസ യൗവനം വളർന്നൂ
അതു ഞാൻ കണ്ടു നിന്നൂ
എനിക്കോ മറ്റൊരാൾക്കോ ഈ
ഏകാന്ത തന്ത്രിയിലെ അപൂർവരാഗം

വാസരാന്തസ്വപ്നങ്ങൾ വർണ്ണചിത്രം വരയ്ക്കും
വഴിയമ്പലങ്ങൾക്കരികിൽ എന്റെ

നാലില്ലം നല്ല നടുമുറ്റം
നടുമുറ്റത്തൊരു മഴവില്‍വെറ്റിലക്കൊടി
നട്ടുവളര്‍ത്തണ നല്ലമ്മേ ഇല്ലത്തമ്മേ
ഒരു കീറു വെറ്റില തരുമോ മാനത്തമ്മേ
നാലില്ലം നല്ല നടുമുറ്റം

പൊള്ളയായ പുല്ലാങ്കുഴലിന്നുമ്മകള്‍ നല്‍കും
പുഷ്പച്ചൊടികള്‍ക്കുള്ളിൽ
എന്നില്‍ നിറയും...
എന്നില്‍ നിറയും നാടന്‍പാട്ടിന്‍ പൊന്നിളനീരുതരാം പകരം ഞാന്‍
പൊന്നിളനീരുതരാം
നാലില്ലം നല്ല നടുമുറ്റം

ദുഃഖദേവതേ ഉണരൂ മനസ്സിലെ
അഗ്നിച്ചിതകള്‍ കെടുത്തൂ അവയില്‍
നിത്യവും നീറി ദഹിക്കുകയല്ലോ നിന്റെ
മോഹങ്ങളും നീയും

നീ സ്വയം നിര്‍മ്മിക്കുമന്ധകാരങ്ങള്‍തന്‍
നീലച്ചുമരുകള്‍ക്കുള്ളില്‍
നിന്റെ അചുംബിതസ്വപ്നസൗഗന്ധികം
എന്തിനു നുള്ളിയെറിഞ്ഞൂ..
വരൂ വരൂ പ്രിയേ വരൂ
വെളിച്ചം വിളയും ഖനികളിലേക്കു
നീ കൂടെവരൂ
ദുഃഖദേവതേ ഉണരൂ മനസ്സിലെ
അഗ്നിച്ചിതകള്‍ കെടുത്തൂ

വർണ്ണങ്ങൾ വിവിധവിവിധ വർണ്ണങ്ങൾ
മണ്ണിന്റെ മനസ്സിലെയാവേശങ്ങൾ
പുഷ്പങ്ങളിൽ ജലതല്പങ്ങളിൽ
നഗ്നശില്പങ്ങളിൽ
പൊട്ടിച്ചിരിക്കുന്ന വർണ്ണങ്ങൾ
വർണ്ണങ്ങൾ വിവിധവിവിധ വർണ്ണങ്ങൾ

നന്ദകുമാരനും രാധയുമില്ലാത്ത
വൃന്ദാവനമേ ആ....
മിന്നൽക്കൊടികൾ പടരും
നിൻ ജലവൃക്ഷത്തണലിൽ
പടവുകളിറങ്ങും പുഴയുടെ കരയിൽ
ആടാം - നൃത്തമാടാം
പ്രതിമകളുതിർക്കും പതിറ്റടിപ്പൂവുകൾ ചൂടാം
പതിറ്റടിപ്പൂവുകൾ ചൂടാം

മനസ്സും മാംസവും പുഷ്പിച്ചു
മന്മഥനാ പൂക്കൾ കൊയ്തെടുത്തു
എടുത്തപ്പോഴൊന്ന്
തൊടുത്തപ്പോൾ നൂറ്‌
എയ്തപ്പോൾ ആയിരമായിരം
പൂവമ്പെയ്താൽ പതിനായിരം
മനസ്സും മാംസവും പുഷ്പിച്ചു
മന്മഥനാ പൂക്കൾ കൊയ്തെടുത്തു

അംഗോപാംഗങ്ങളിൽ
അന്തരിന്ദ്രിയദാഹങ്ങളിൽ അവകൊണ്ടു
പത്തിവിടർത്തിയ പാമ്പുകളായി
രക്തക്കുഴലുകൾ ഇഴഞ്ഞൂ
പുളഞ്ഞു പിണഞ്ഞു
ഹൃദയത്തിലവയുടെ
വിരലടയാളങ്ങൾ പതിഞ്ഞു
ആരു നീ ആരു നീ
ആരു നീ ആരു നീ ഉന്മാദിനീ
മനസ്സും മാംസവും പുഷ്പിച്ചു
മന്മഥനാ പൂക്കൾ കൊയ്തെടുത്തു

മുഖശ്രീ കുങ്കുമം ചാർത്തുമുഷസ്സേ
മൂന്നാറിലുദിക്കുമുഷസ്സേ
പ്രകൃതിയും ഞാനും നിന്നുദയത്തിൽ
പ്രാണായാമത്തിൽ നിന്നുണർന്നൂ

ഒരു പുഷ്പം ഞങ്ങൾ ചോദിച്ചൂ
നീ ഒരു പൂങ്കാവനം തീർത്തു തന്നു
നന്ദിയില്ലാത്തവർ ഞങ്ങളാ പൂവനം
ഗന്ധർവന്മാർക്കു വിറ്റു
സ്വർണ്ണനക്ഷത്രങ്ങളാക്കി അവരതു
സ്വർണ്ണനക്ഷത്രങ്ങളാക്കി - തരില്ലേ
ഇനി ഞങ്ങൾക്കൊന്നും തരില്ലേ തരില്ലേ
(മുഖശ്രീ..)

പോലല്ലീ ലേലി ലല്ലീ
പോലല്ലീ ലേലി ലല്ലീ
പോലല്ലീ ലേലി ലല്ലീ
പോലല്ലേലോ...

ചന്ദനപ്പൂവരമ്പിന്റരികരികെ
പോകണ നേരം
ഇരുകൂട്ടം കന്നും മക്കളും
തെരുതെരെ നടക്കണ നേരം
പോലേലം പോലേലം
പോലേലം പാടിനടന്ന
ഇഞ്ചച്ചെറുമനെ കണ്ടപ്പോ
ഓട്ടക്കണ്ണിട്ടു നാണിച്ചു ഇന്റെ
പെരുവിരല്‍ നക്കിയതെന്തിനാടീ
ഇക്കെന്തിന് ധിക്കാരം -ഞാന്‍
കണ്ടല്ലോ നിന്റെ കിന്നാരം
(പോലല്ലീ...)

ചന്ദ്രോത്സവത്തിനു ശുകപുരത്തെത്തിയ
ശ്രീമംഗലപ്പക്ഷി
ഇന്നെന്റെ സ്വപ്നമാം സന്ധ്യാംബരത്തില്‍
വന്നെന്നെ നീ കീഴടക്കി

വെണ്‍ചന്ദനത്തിന്‍ സുഗന്ധം നിറയുന്ന
നിന്നന്തരംഗത്തിന്‍ മടിയില്‍ ഒരു
സ്വര്‍ണ്ണപ്പൂണൂല്‍ ചരടില്‍ കുരുങ്ങിയ
നിന്നനുരാഗത്തിന്‍ മടിയില്‍
എന്റെമോഹങ്ങള്‍ക്കു വിശ്രമിക്കാനിന്നൊ-
രേകാന്തപഞ്ജരം കണ്ടൂ ഞാന്‍