ഫാമിലി/കോമഡി/ത്രില്ലർ

വർഷങ്ങൾക്ക് മുൻപ് കോലാലമ്പൂരിലെ ഒരു ആശുപത്രിയിൽ ജനിച്ചവരായിരുന്നു കോ ബ്രദേഴ്സ് എന്നു വിളികുന്ന രാജ(മമ്മൂട്ടി)യും കരി(ലാൽ) ഇവരുടേ ജനനസമയത്ത് ആശുപത്രിയിൽ തീവ്രവാദിയാക്രമണമുണ്ടാവുകയും രക്ഷപ്പെടാനുള്ള തിരക്കിൽ ഒരു കുട്ടി മാറിപ്പോയതായും അറിയുന്നു. കാരണം കുട്ടികളിൽ ഒരാൾ വെളുത്തവനും മറ്റൊരാൾ കറുത്തവനും ആയിരുന്നു. ഇരുവരും തമ്മിൽ യാതൊരു സാദൃശ്യങ്ങളുമുണ്ടായിരുന്നില്ല. കരി എന്ന് വിളിക്കപ്പെടുന്ന കുട്ടി ചെറുപ്പം മുതലേ പലരുടേയും അവഗണനക്കും കളിയാക്കലിനും വിധേയനാകുന്നു. പക്ഷെ എല്ലാ ഘട്ടത്തിലും രാജ അവന്റെ കൂടെ നിൽക്കുന്നു. അതുകൊണ്ട് തന്നെ മുതിർന്നപ്പോൾ മറ്റു ബന്ധുക്കളെ ഉപേക്ഷിച്ച് രാജയും കരിയും ഒരുമിച്ച് ‘ബ്രദേഴ്സ്’ ആയി ജീവിക്കുന്നു. കോ- എന്ന അക്ഷരത്തിൽ തുടങ്ങുന്ന സ്ഥലനാമങ്ങളോട് ഇവർക്ക് പ്രതിപത്തിയുള്ളതുകൊണ്ട് അത്തരം സ്ഥലങ്ങളിൽ ഇവർ താമസിക്കുന്നു. മുൻപ് ഡൽഹിയിലെ കോണാട്ട് പ്ലേസിൽ ഇവർ ബോക്സിങ്ങ് ചാമ്പ്യന്മാരായിരുന്നു. ബിസിനസ്സ് നടത്തിയും പണം ആവശ്യത്തിലധികം ഉണ്ടാക്കിയും ജീവിതം ആഘോഷിക്കുമ്പോൾ അവർ വിവാഹിതരാകാൻ ഏറെ വൈകുന്നു. അതിനു കാരണം ഇവരെപ്പോലെത്തന്നെ ഇരട്ട സഹോദരിമാരെത്തന്നെ ഒരുമിച്ച് ഒരു പന്തലിൽ വിവാഹം കഴിക്കണം എന്നതായിരുന്നു ഇവരുടേ ആവശ്യം. ഒരിക്കൽ അതിനുള്ള അവസരം വന്നപ്പോൾ കരിയുടേ വധു പള്ളിയിലെത്താൻ വൈകിയതുകൊണ്ട് രാജ ഒരു വിവാഹം മാത്രമായി നടക്കില്ല എന്നു പറയുന്നു. തെറ്റിദ്ധാരണ കൊണ്ട് ആ വിവാഹം അവർ ഉപേക്ഷിക്കുന്നു. ഇതിനിടയിലാണ് ഒരു ബംഗ്ലാവ് വാങ്ങുന്നതിനു അവർ ജോൺ സാമുവൽ (ലാലു അലക്സ്) എന്ന തകർന്ന ബിസിനസ്സ്കാരനെ കാണുന്നത്. വലിയൊരു തുകക്ക് വീട് വിൽക്കാനായിരുന്നു ജോൺ സാമുവലിന്റെ ആഗ്രഹം. കാരണം അയാൽ മുൻപ് നടത്തിപ്പോന്നിരുന്ന ആശുപത്രി അയാളുടെ കുടുംബ ശത്രുക്കളായ ഐസക്കും (ബാബു ആന്റണി) സഹോദരരും കൈവശം വെക്കുകയും മയക്കു മരുന്ന്, മദ്യം മുതലായ ബിസിനസ്സുകൾ ചെയ്തിരുന്നു. അവരിൽ നിന്നും ആശുപത്രി ലേലത്തിൽ പിടിക്കണമെന്നായിരുന്നു ജോൺ സാമുവലിന്റെ ഉദ്ദേശം. അതിനു വേണ്ടി തന്റെ ഇരട്ടപെണ്മക്കളെ (കനിഹ & പത്മപ്രിയ) അറിയിക്കാതെ അയാൾ ആ വീടു കോ ബ്രദേഴ്സിനു വിൽക്കുന്നു. ജോൺ സാമുവലിനു ഇരട്ട പെൺകുട്ടികൾ ഉണ്ടെന്നും അവർ മെഡിസിനു പഠിക്കുകയാണെന്നും അറിഞ്ഞ കോ ബ്രദേഴ്സ് തങ്ങളുടെ സെക്യൂരിറ്റികളായ ഗോപാലന്റേയും (സലീം കുമാർ) ബാലന്റേയും(മണിയൻ പിള്ള രാജു) കുബുദ്ധിയിൽ മയങ്ങി ജോൺ സാമുവലിന്റെ വീടിനു മുകളിൽ വാടകക്ക് താമസിക്കുന്നു. ജോൺ സാമുവലുമായി അമിത മദ്യപാനം നടത്തിയ ഒരു രാത്രിയിൽ സാമുവലിന്റെ മക്കൾ വീട്ടിൽ വരികയും ഈ സംഭവം കണ്ട് ദേഷ്യപ്പെട്ട് കോ ബ്രദേഴ്സിനെ വീട്ടിൽ നിന്ന് പുറത്താക്കുന്നു. പിറ്റേന്ന് ബോധം തെളിഞ്ഞ സാമുവൽ കോ ബ്രദേഴ്സിനെ വീട്ടിലേക്ക് തിരിച്ചു കൊണ്ടുവരികയും മക്കളെ ഉപദേശിക്കുകയും ചെയ്യുന്നു. കോ ബ്രദേഴ്സിന്റെ മനസ്സിലിരുപ്പ് മനസ്സിലാക്കിയ ജോൺ സാമുവൽ തന്റെ മക്കളെ അവർക്ക് വിവാഹം കഴിപ്പിച്ചു കൊടുക്കാൻ തീരുമാനിക്കുന്നു. കോ ബ്രദേഴ്സിന്റെ പണം കൊണ്ട് ജോൺ സാമുവൽ ആശുപത്രി തിരികെ പിടിക്കുകയും അത് പുനർ നവീകരണം നടത്തുകയും ആശുപത്രിയിലെ ഹെൽത്ത് ക്ലബ്ബ് നടത്താൻ കോ ബ്രദേഴ്സിനെ അനുവദിക്കുകയും ചെയ്യുന്നു. ആ സമയത്താണ് കോ ബ്രദേഴ്സിനേയും ജോൺ സാമുവലിനെയും ഞെട്ടിപ്പിക്കുന്ന വിവരങ്ങളുമായി ചില തന്ത്രങ്ങൾ മെനഞ്ഞ് ഐസക്കും കൂട്ടരും വരുന്നത്. ഐസക്കിൽ നിന്നും കേട്ട വിവരങ്ങൾ ഇരുവരേയും സ്തബ്ധരാക്കുന്നു.

ആര്‍ക്കിയോളജി ഡിപ്പാര്‍ട്ട്മെന്റില്‍ ജോലി ചെയ്യുന്ന കാളിദാസന്‍ (ലാല്‍) നാല്പതിനടൂത്ത് പ്രായമുള്ള അവിവാഹിതനാണ്. ചെറുപ്പം മുതലേ അതീവ ഭക്ഷണപ്രിയനായ കാളിദാസന്‍ വ്യത്യസ്ഥവും രുചികരവുമായ ഭക്ഷണം കഴിക്കുന്നതിനു വേണ്ടി പരിചയസമ്പന്നനായ ബാബു (ബാബുരാജ്) എന്ന നിഷ്കളങ്കനായ കുക്കിനെ കൂട്ടിയിട്ടുണ്ട്. കാളിദാസന്റെ താമസസ്ഥലത്തേക്ക് ചെറുപ്പത്തിന്റെ ഊര്‍ജ്ജവും വായ്നോട്ടം ഹോബിയാക്കിയ,   തന്റെ ബന്ധുകൂടിയായ മനു രാഘവന്‍(ആസിഫ് അലി) എത്തുന്നു. മൊബൈല്‍ ഫോണ്‍ ഉപയോഗിക്കാത്തെ കാളിദാസനു മനു ഒരു മൊബൈല്‍ സമ്മാനിക്കുന്നു.
നഗരത്തിലെ മറിയ (കല്‍പ്പന) എന്ന ബ്യൂട്ടിഷന്റെ വീട്ടില്‍ പേയിംഗ് ഗസ്റ്റായി താമസിക്കുന്ന അവിവാഹിതയും സുന്ദരിയുമായ മായ (ശ്വേതാമേനോന്‍) ഒരു ഡബ്ബിംഗ് ആര്‍ട്ടിസ്റ്റാണ് ഒപ്പം നല്ലൊരു ഭക്ഷണപ്രിയയും നല്ലൊരു കുക്കുമാണ് മായ. സഹ താമസക്കാരിയായി കോളേജ് വിദ്യാര്‍ത്ഥിയും ബന്ധുവുമായ മീനാക്ഷി(മൈഥിലി) യുമുണ്ട് .
ഡബ്ബിങ്ങ് തിയ്യറ്ററിലെ വിരസമായ ഒരു ദിവസത്തിലാണ് മായ ‘തട്ടില്‍ കുട്ടിദോശ‘ എന്ന തന്റെ പഴയ ഭക്ഷണത്തെ ഓര്‍ക്കുന്നതും ഹോം ഡെലിവറി ചെയ്യാന്‍ മൊബൈലില്‍ വിളിച്ച് ഓര്‍ഡര്‍ ചെയ്യുന്നതും. എന്നാല്‍  ആ ഫോണ്‍ കോള്‍ റോംങ്ങ് നമ്പറായി എത്തുന്നത് കാളിദാസന്റെ മൊബൈലിലാണ്. സ്ത്രീകളോട് സംസാരിക്കുന്നതും പെരുമാറുന്നതുമൊന്നും താല്പര്യമില്ലാത്ത കാളിദാസനെ ആ ഫോണ്‍ കോള്‍ ഇഷ്ടപ്പെട്ടില്ലെങ്കിലും മായയുടെ ഭക്ഷണത്തിനോടുള്ള താല്പര്യത്തെ മനസ്സിലാക്കുന്നു. ക്രമേണ ഈ ഫോണ്‍ വിളി  ഭക്ഷണകാര്യത്തില്‍ സമാന ചിന്താഗതിക്കാരായ അവരുടെ ഇടയില്‍ തമ്മില്‍ കാണാതെയുള്ള സൌഹൃദത്തിനും പിന്നെ പ്രണയത്തിനും വഴിമാറുന്നു. ഒരിക്കല്‍ നേരിട്ട് കാണണമെന്നു പറയുന്നു ഇരുവരും. പക്ഷെ, തന്റെ പ്രായത്തിലും സൌന്ദര്യത്തിലും ഇന്‍ഫീരിയര്‍ ആയ കാളിദാസനു മായയെ നേരിട്ട് കാണാനുള്ള ആത്മവിശ്വാസം വരുന്നില്ല, പ്രേമകാര്യങ്ങളില്‍ പരിചയമുള്ള മനു ഇതിനു പരിഹാരം കാണുന്നു. കാളിദാസനു പകരം താന്‍ പോകാമെന്നും ആളെ കണ്ട് സംസാരിച്ച് കൂടുതലറിയാമെന്നും പറഞ്ഞതനുസരിച്ച് മനു മായയെ കാണാന്‍ വേണ്ടി പോകുന്നു.

ആ കൂടിക്കാഴ്ച ഇവരുടെയെല്ലാവരുടേയും സൌഹൃദത്തിലും ബന്ധങ്ങളിലും പല വഴിത്തിരിവുകള്‍ സൃഷ്ടിക്കുന്നു.....

സിനിമയുടെ റിവ്യു ഇവിടെ വായിക്കാം