മെലഡി

പൊന്നന്തിയില്‍ പൂനിലാച്ചിറകില്‍ 
സ്വപ്നത്തിലേ സ്വര്‍ഗ്ഗമൂര്‍ന്നിറങ്ങി
തിളങ്ങും പൊന്‍തൂവലിന്‍ 
തൂമഞ്ഞു മെയ്യില്‍ മെഴുകി 
ഈറന്‍ അണിഞ്ഞു നാം 
ഒന്നു ചേരാനായ് നമ്മള്‍ ഓര്‍ത്തതല്ലല്ലോ
പൊന്നന്തിയില്‍ പൂനിലാച്ചിറകില്‍ 
സ്വപ്നത്തിലേ സ്വര്‍ഗ്ഗമൂര്‍ന്നിറങ്ങി

ആ... ആ.... ലാലാലലാ...ആ..... ലലലലലാ
ഗമപസനിരിസ ലാലാലാലാ ലാലലലാലാ
സായൂജ്യപീയൂഷമേകുന്ന നേരം
മഴനീരിലിളനീരുമായ് വരു വരു നീ
മധുമഴ പൊഴിയും മലരുകളുതിരും
രാവില്‍ മുന്നില്‍ പൊന്‍മണിമയരൂപം
സായൂജ്യപീയൂഷമേകുന്ന നേരം
കുളി൪കോരും ഉടൽ മൂടുവാൻ വരു വരു നീ
മധുമഴ പൊഴിയും

പൂനിലാവിന്‍ തോഴിയോ തേനൂറും ലാവണ്യമേ
വെണ്ണതോല്‍ക്കും ശില്‍പ്പമോ നീയെന്റെ സാരള്യമേ
മിഴികളില്‍ നിഴലിടും കനവുകള്‍ പലതും
സഫലമായ് ഹൃദയത്തില്‍ കതിരിടും സമയം
നിറമാറിന്‍ ചൂടേകുവാന്‍ വരു വരു നീ
മധുമഴ പൊഴിയും മലരുകളുതിരും
രാവില്‍ മുന്നില്‍ പൊന്‍മണിമയരൂപം

ചൊല്ലാം നിൻകാതിൽ എല്ലാം ഞാൻ നാളെ 
ജീവന്റെ സർവ്വസ്വമേ (2)
മധുകണികകൾ തേടും എന്നാത്മനാദം 
കേൾക്കാനായ് അരികിൽ നീ വാ...വാ
ചൊല്ലാം നിൻ കാതിൽ എല്ലാം ഞാൻ നാളെ 
ജീവന്റെ സർവ്വസ്വമേ

സോളമന്റെ ഗീതത്തിൻ സൗമ്യരാഗഗീതത്തിൻ 
മധുരങ്ങൾ നൽകുന്നു നീ
പൂവണിഞ്ഞ കാലത്തിൻ തേനണിഞ്ഞ മോഹത്തിൻ 
ഇതളെണ്ണി നിൽക്കുന്നു നീ
ഒരു നേരം കാണാതിരുന്നീടുവാൻ 
കഴിയാതെയായല്ലോ നമ്മൾ തമ്മിൽ 
അകതാരിലെപ്പോഴും ഉണർ‌വ്വേകാൻ നീ വേണം
എന്നാളുമെന്നാളും എൻ ഇണക്കിളിയേ
ചൊല്ലാം നിൻ കാതിൽ എല്ലാം ഞാൻ നാളെ 
ജീവന്റെ സർവ്വസ്വമേ

മധുരമാം ലഹരിയില്‍ പുളകമായ് മാനസം 
തളിരിടും ഓര്‍മ്മയില്‍ പൂവിളം തെന്നയായ് 
ഇണക്കിളി നീ വരൂ .. . . 
മധുരമാം ലഹരിയില്‍. . 

അത്മാവിനുള്ളിലൊരിക്കിളി കൂട്ടാൻ
ദേവതേ നിന്നെ ഞാൻ നാളേറെ തേടി (2)
രോമാഞ്ചം കൊണ്ടോരീ തേയില കാടുകൾ 
ആമോദത്താലിവൾ ആളാകെ മാറി 
ആളാകെ മാറി (മധുരമാം... )

ദാഹിച്ചു കൊണ്ടെൻ സ്വപ്‌നങ്ങൾ നില്പ്പൂ 
വാരി പുണ൪ന്നെന്നെ ഉന്മാദയാക്കൂ (2)
മാദകരാവിലീ മാരന്റെ മേനിയെ 
മാലാഖേ നീ വന്നു മാറോടണയ്ക്കൂ 
മാറോടണയ്ക്കൂ. . 

അരിമുല്ലയ്‌ക്കും ചിരി വന്നു
വനമല്ലിയ്‌ക്കും ചിരി വന്നു
അവിടുന്നരികില്‍ വരുമെന്നറിഞ്ഞു
ഓരോ ചെടിയും പൂ തന്നു
ഓരോ ചെടിയും പൂ തന്നു
ലലലലാലാ.. ലലലലാലലലാ.. . . 
(അരിമുല്ല...)

അമ്പലമണികള്‍ മുഴങ്ങുന്നു- എങ്ങും 
ചന്ദനപരിമളമൊഴുകുന്നു (2)
എന്റെയുടലും എന്റെ ഉയിരും
ഇന്നീ കൈകളിലേകുന്നു - ഞാന്‍
ഇന്നീ കൈകളിലേകുന്നു....
ലലലലാലാ ലലലാലലലലാ. . 
(അരിമുല്ല...)

പൂനിലാവിന്‍ അലകളില്‍ ഒഴുകീ
പുളകം ചൂടും രാത്രി
നീലമിഴികളില്‍ മാദകലഹരി
തുളുമ്പി നില്‍കും രാത്രി
പൂനിലാവിന്‍ അലകളില്‍ ഒഴുകീ

താമരനൂലിഴയും തരളിതഹൃദയം 
ഗാനമുയര്‍ത്തുമ്പോള്‍.. (2)
ആ സര്‍ഗ്ഗഗാനത്തിന്‍ പല്ലവിയാകാൻ
ആദ്യത്തെ പൂ വിരിഞ്ഞൂ 
ആദ്യത്തെ പൂ വിരിഞ്ഞൂ... 
പൂനിലാവിന്‍ അലകളില്‍ ഒഴുകീ

ആയിരത്തിരിയുഴിയും മധുരിതനിമിഷം
മോഹമുണര്‍ത്തുമ്പോള്‍ (2)
ആ വര്‍ണ്ണസ്വപ്നങ്ങള്‍ തഴുകിയുറങ്ങാന്‍
ആദ്യത്തെ രാവണഞ്ഞു
ആദ്യത്തെ രാവണഞ്ഞു...

രാഗാനുരാഗ ഹൃദയങ്ങള്‍
രാഗാര്‍ദ്ര ഭാവനയനങ്ങള്‍
ഇഴുകി തമ്മിലലിഞ്ഞാൽപ്പിന്നെ
മൂകത പോലും മൊഴിയാകും

ദോ ദില്‍ ജോ ഏക്‌ ബന്‍ ജായെ
ഖാമോഷിയോം കി ധുന്‍ ഗായേ
നസ്രോം കി സബാന്‍ ഖാമോഷി ഹൈ
അഷ്കോം മേ ഭീ ഖുശി ഹൈ

ദിനം പലേ ദിനം വരും ഇതേ വിധം
നിഴല്‍ പോലെ ഞാന്‍
മനം ഒരേ മനം തൊടും ഇതേ വിധം
ഇനി ഓരോ നിമിഷവും (ദിനം...)
ഓഹൊഹൊഹോ...ഓഹോ
ആ...ആ...ആ.. 
രാഗാനുരാഗ ഹൃദയങ്ങള്‍
രാഗാര്‍ദ്ര ഭാവ നയനങ്ങള്‍

നിമിഷത്തിൽ ഒരു സുഖ നിമിഷത്തിലെന്തേ  
നിന്‍ ഹൃദയത്തിന്‍ തന്തികള്‍ താനേപാടീ  
കവിളിലൊരഞ്ജാത പുളകത്തിന്‍
സിന്ദൂര  മുകുളങ്ങള്‍ മെല്ലെ വിരിഞ്ഞൂ
നിമിഷത്തിൽ ഒരു സുഖ നിമിഷത്തില്‍.....

സ്വര്‍ണ്ണ ശലഭങ്ങള്‍ ചുറ്റും പറന്നൊരു
വര്‍ണ്ണ പരിവേഷം ചാര്‍ത്തിയോ
സ്വര്‍ണ്ണ ശലഭങ്ങള്‍ ചുറ്റും പറന്നൊരു
വര്‍ണ്ണ പരിവേഷം ചാര്‍ത്തിയോ
മായാമയൂരമായി നിന്‍ മനമാനന്ദം
മാരിവില്‍ പീലികള്‍ നീര്‍ത്തിയോ
എന്തെന്ന് അറിയാതെ ഏന്തിനെന്നറിയാതെ
നിമിഷത്തിൽ ഒരു സുഖ നിമിഷത്തില്‍.....

രാത്രി ഉറങ്ങും നേരം
നിശാഗന്ധി സ്വപ്നം വിടർത്തും നേരം
തെന്നൽ വന്നു വിളിച്ചൂ നിലാവിനെ
ഒരു സ്വകാര്യം പറയാൻ
(രാത്രി ഉറങ്ങും.....)

കാട്ടാറിൻ ചിറ്റോളങ്ങളേ തഴുകും നേരം
ഒരു വെള്ളിക്കൊലുസ്സിൻ മന്ദഹാസം കേട്ട നേരം
കണ്ടെൻ മനം കുളിർത്തു നീരാടാൻ വന്നൊരു കന്യകയെ
(രാത്രി ഉറങ്ങും.....)

കാട്ടാറിന്നാഴങ്ങൾ അറിയുവാനവൾ ഇറങ്ങും നേരം
ആ മാറു തഴുകുവാനായി ഞാൻ ചെന്നതിവേഗം
ഓർത്തെൻ മനം കുളിർത്തു കാറ്റായീ മാറിയതോ ഭാഗ്യം
(രാത്രി ഉറങ്ങും....)

ആ.. ആഹഹാഹാഹഹാ ആഹാ ആഹഹാഹാഹഹാ

നിമിഷങ്ങളില്‍..  ഞാന്‍ നിര്‍വൃതിയായി
നിതാന്തമധുരിമയായി
വികാരതളികയില്‍ വീണുമയങ്ങിയ 
വിലാസവതിയായീ.. 
 
രാഗവിമൂകം അവനുടെ ചുണ്ടില്‍
ഇതളിതളായ് ഞാന്‍ വിരിയുന്ന നേരം
മഞ്ഞുരുകുന്നൊരു താഴ്വരയില്‍ എന്നെ-
മറ്റൊരു ഗോപികയാക്കി
അറിഞ്ഞൂ ഞാനറിഞ്ഞൂ
അറിഞ്ഞൂ ഞാനറിഞ്ഞൂ.. 
താരുണ്യത്തിന്‍ താളം
നിമിഷങ്ങളില്‍ ഞാന്‍ നിര്‍വൃതിയായി