ഫാമിലി/ക്യാമ്പസ്

അടിപൊളിയായി ക്യാമ്പസ് ജീവിതം ആസ്വദിക്കുന്ന സുഹൃത്തുക്കളാണു അരുൺ (വിഷ്ണു രാഘവ്) അബി (ബെൻ ലാലു അലക്സ്) റോണി ( ജോ സിബി മലയിൽ) സൂരജ് (അനുമോഹൻ) ഇവർ ഒരേ അപ്പാർട്ട് മെന്റിലെ അടുത്തടുത്ത ഫ്ലാറ്റുകളിലാണു താമസം. അരുൺ സാമ്പത്തികമായി അല്പം പിന്നിലാണു മറ്റു സുഹൃത്തുക്കൾ താരതമ്യേന സമ്പന്നരും. എങ്കിലും പലരുടേയും മാതാപിതാക്കൾ ബിസിനസ്സും മറ്റു കാര്യങ്ങളുമായി ഇവരുടേ കാര്യത്തിൽ ശ്രദ്ധിക്കാൻ കഴിയുന്നില്ല. ക്യാമ്പസ്സും, പിന്നെ ബാറും, ഡാൻസും, വായ് നോട്ടവും, ബൈക്ക് റേസിങ്ങുമായി ഇവർ ജീവിതം ആസ്വദിക്കുന്നു. അരുൺ മിക്കസമയവും ഇന്റർനെറ്റ് കഫേയിൽ സോഷ്യൽ നെറ്റ് വർക്കുകളിൽ സജ്ജീവമാണു. അങ്ങിനെ ഓർക്കുട്ടിലുടെ അരുൺ ഒരു പെൺകുട്ടിയെ പരിചയപ്പെടുന്നു. ക്രിസ്റ്റൽ എന്നാണവരുടേ പേർ, ജർമ്മൻ സ്വദേശി. അരുണിനെ അമ്പരപ്പിച്ചുകൊണ്ട് ക്രിസ്റ്റൽ ഒരു ദിവസം കേരളത്തിലേക്ക് വരാമെന്നു പറയുന്നു. ക്രിസ്റ്റലിനു താമസിക്കാൻ അരുൺ ഇവരുടെ അപ്പാർട്ട്മെന്റിൽ തന്നെ ഒരു ഫ്ലാറ്റ് സംഘടിപ്പിച്ചു കൊടൂക്കുന്നു. ക്രിസ്റ്റലുമായി പരിചയപ്പെട്ടപ്പോഴാണൂ ക്രിസ്റ്റൽ (റീമ കല്ലിങ്കൽ) മലയാളിയാണെന്നും ജർമ്മൻ ദമ്പതികളുടെ ദത്തുപുത്രിയാണെന്നും മനസ്സിലാകുന്നത്. നാട്ടിൽ തനിക്ക് നഷ്ടപ്പെട്ടുപോയ തന്റെ മാതാപിതാക്കളെ കണ്ടുപിടിക്കുക എന്നതായിരുന്നു ആഗമനോദ്ദേശം എന്ന് ക്രിസ്റ്റൽ കൂട്ടുകാരോട് പറയുന്നു.

ഇവരുടേ അപ്പാർട്ട്മെന്റിൽ തന്നെയാണൂ പ്രസിദ്ധ സിനിമാ താരം പ്രേംനാഥ് (സിദ്ദിഖ്) താമസിക്കുന്നത്.  പ്രസിദ്ധ സാഹിത്യകാരൻ പ്രൊഫ. നരേന്ദ്രൻ (എം ജി ശശി) വിശ്രമ ജീവിതം നയിക്കുന്നത് ഇതേ അപ്പാർട്ട്മെന്റിൽ തന്നെയാണു.  എങ്കിലും ഇതിലെ പലരും തമ്മിൽ തമ്മിൽ അടുപ്പങ്ങളില്ല. എല്ലാവർക്കും പുറമേ കാണുന്ന സന്തോഷത്തിനു പകരം ഉള്ളിലൊതുക്കിയ സങ്കടങ്ങളും സംഘർഷങ്ങളുമുണ്ട്.

ഇതിനിടയിലാണ് ഈ നാൽ വർ സംഘത്തിന്റെ ഒരു കൂട്ടുകാരൻ ഇവരുടേ അപ്പാർട്ട്മെന്റിൽ വെച്ച് അപകട മരണത്തിൽ പെടുന്നത്. അതുകൊണ്ട് കുറച്ചു നാൾ ഇവരെ നാട്ടിൽ നിന്നും മാറ്റി നിർത്താൻ ക്രിസ്റ്റൽ ഇവരുടേ മാതാപിതാക്കളോട് പറയുന്നും. എല്ലാവരുടേയും അഭിപ്രായപ്രകാരം ഈ നാൽവർ സംഘം  ക്രിസ്റ്റലുമൊന്നിച്ച് തിരുവില്ലാമലയിലേക്ക് പുറപ്പെടൂന്നു. ആ ഗ്രാമത്തിൽ തനിക്ക് നഷ്ടപ്പെട്ട തന്റെ മാതാപിതാക്കളെ കണ്ടുത്തുകയായിരുന്നു ക്രിസ്റ്റലിന്റെ ലക്ഷ്യം.

ആ ഗ്രാമത്തിലെ ജീവിതം ഈ നാലു ക്യാമ്പസ് വിദ്യാർത്ഥികളുടേയും ജീവിതത്തെ വല്ലാതെ സ്വാധീനിക്കുകയും മാറ്റി മറിക്കുകയും ചെയ്യുന്നു. ക്രിസ്റ്റലിനു തന്റെ അന്വേഷണത്തിൽ നിന്ന് അപ്രതീക്ഷിതമായി പലതും കണ്ടേത്താനും സാധിക്കുന്നു.

താനെഴുതിയ പ്രണയ നോവലുകൾ പുസ്തകരൂപത്തിലാക്കി ബസ്റ്റാന്റുകളിൽ നേരിട്ടു വില്പന നടത്തുകയാൺ വിനയചന്ദ്രന്റെ(കുഞ്ചാക്കോ ബോബൻ) ജോലി; ഒപ്പം പ്രണയതൽപ്പരരെന്ന് തോന്നുന്നവരെ തന്റെ സംഭാഷണചാതുരി കൊണ്ട് ഒന്നിപ്പിക്കുകയും ചെയ്യുന്ന വിരുതൻ. വിനയചന്ദ്രൻ താമസിക്കുന്ന ലോഡ്ജിനടുത്തുള്ള ടെലഫോൺ ബൂത്തിലെ ജോലിക്കാരിയായ ഗൗരി(അനന്യ) വിനയചന്ദ്രന്റെ കൂട്ടുകാരിയാണ്. ബസ്റ്റാന്റിലും പരിസരത്തുവെച്ചും വിനയചന്ദ്രനെ കാണുന്ന പ്രൊഫ. സത്യശീലൻ (ഇന്നസെന്റ്) വിനയചന്ദ്രനെ ഒരു ദൗത്യം ഏൽപ്പിക്കുന്നു. സത്യശീലൻ പഠിപ്പിക്കുന്ന കോളേജിലെ തന്നെ തന്റെ പഴയ പ്രേമഭാജനമായ പ്രൊഫ. അജിതകുമാരി(ബിന്ദുപണിക്കർ)യുമായി വീണ്ടും പ്രണയ സഫലീകരണം. അതിനു വേണ്ടി വിനയനെ കോളേജ് കാന്റീനിലെ ജോലിക്കാരനായി സത്യശീലൻ നിയമിക്കുന്നു. കോളേജിലെ വിദ്യാർത്ഥിനി മഞ്ജു(വിദ്യാ ഉണ്ണി)വിന്റെ പുറകെ വൺവേ പ്രേമവുമായി നടക്കുകയാണ്  മറ്റൊരു വിദ്യാർത്ഥി സുധി (ഭഗത്)വിനയചന്ദ്രന്റെ തന്ത്രങ്ങൾ മൂലം അവർ തമ്മിൽ പ്രണയത്തിലാകുന്നു. വിനയന്റെ ഈ വിജയം വിദ്യാർത്ഥികളെ ആവേശഭരിതരാക്കുന്നു. അവർ വിനയനു ഒരു പേർ നൽകുന്നു. "ഡോക്ടർ ലൗ, എ റൊമാൻസ് കൺസൾട്ടന്റ്" കോളേജിലെ തന്റേടിയും  ഡെവിൾ എന്ന ഇരട്ടപ്പേരുള്ളവളുമായ എബിൻ(ഭാവന)എന്ന പെൺകുട്ടിയുടെ പിറകെ പ്രേമാഭ്യർത്ഥനയുമായി റോയ് (ഹേമന്ത് )നടക്കാൻ തുടങ്ങിയിട്ട് വർഷങ്ങളായി. പക്ഷെ തന്റേടിയായ എബിനു യാതൊരു കുലുക്കവുമില്ല. ഇവരെ പ്രണയത്തിലാക്കാനുള്ള ദൗത്യം കൂട്ടുകാർ വിനയചന്ദ്രനെ പരസ്യമായി  ഏൽപ്പിക്കുന്നു. ദൗത്യം ഏറ്റെടുക്കുന്ന വിനയൻ തന്ത്രങ്ങൾ ആവിഷ്കരിക്കുന്നു. കൂട്ടുകാരികൾ മുഖേന ഈ വിവരം അറിയുന്ന എബിൻ തിരിച്ചും തന്ത്രങ്ങൾ മെനയുന്നു. ഒരു വാലന്റയിൻസ് ഡേക്ക് എബിനെ വിളിച്ച് പ്രണയം തുറന്നു പറയുന്ന റോയിയെ കാമ്പസ്സിലെ മുഴുവൻ വിദ്യാർത്ഥികളുടേയും മുന്നിൽ വെച്ച് എബിൻ അപമാനിക്കുന്നു. അവിടേക്ക് വരുന്ന വിനയചന്ദ്രനോട് എബിൻ തനിക്ക് റോയിയോടല്ല മറിച്ച് വിനയചന്ദ്രനോട് പ്രണയമാണെന്ന് പറയുന്നു. അമ്പരന്നു നിൽക്കുന്ന വിനയനോട് എബിൻ ഒരു പന്തയം വെക്കുന്നു. ഈ അദ്ധ്യയന വർഷം തീരുന്ന എൻഡിങ്ങ് ഡേക്ക് മുൻപ് വിനയനു തന്റെ തന്ത്രമുപയോഗിച്ച് റോയീയെ തന്നെക്കൊണ്ട് പ്രണയിപ്പിക്കാൻ നോക്കാം. അത് നടന്നില്ലെങ്കിൽ തനിക്ക് വിനയനോടുള്ള പ്രണയം പരസ്യമായി അംഗീകരിക്കണം എന്ന്. സത്യത്തിൽ എബിനു വിനയനെ കുരുക്കാനുള്ള ഒരു തന്ത്രമായിരുന്നു അത്. ഒരു വാശിയായി വിനയച്ന്ദ്രൻ അത് ഏറ്റെടുക്കുന്നു.പിന്നീടങ്ങോട്ട് ഇരു വിഭാഗത്തിന്റേയും വാശിയും തന്ത്രങ്ങളുമായിരുന്നു. ആ ദൗത്യത്തിനിടയിലാണു എബിനെക്കുറിച്ചുള്ള യഥാർത്ഥവിവരങ്ങൾ വിനയചന്ദ്രനു ലഭിക്കുന്നത്.അതറിയുന്ന വിനയനാകെ ആശയക്കുഴപ്പത്തിലാകുന്നു. തുടർന്ന് അപ്രതീക്ഷിതമായ സംഭവങ്ങൾ അവിടെ അരങ്ങേറുന്നു.