മെലഡി

കർപ്പൂരത്തേന്മാവിൽ കൊതി തുള്ളും മലയണ്ണാനേ
കാലത്തേ നീയെനിക്കൊരു മാമ്പഴം കൊണ്ടത്തായോ
മാമ്പഴം കൊണ്ടത്തായോ..
കരിമലക്കാട്ടിനുള്ളിൽ തിന കൊയ്യും കുരുവിപ്പെണ്ണേ
കുറി കൂട്ടാൻ എനിക്കിത്തിരി ചന്ദനം കൊണ്ടത്തായോ
ചന്ദനം കൊണ്ടത്തായോ 

കർപ്പൂരത്തേന്മാവിൽ കൊതി തുള്ളും മലയണ്ണാനേ
കാലത്തേ നീയെനിക്കൊരു മാമ്പഴം കൊണ്ടത്തായോ
മാമ്പഴം കൊണ്ടത്തായോ..

നിദ്രതൻ നീരാഴി നീന്തിക്കടന്നപ്പോൽ
സ്വപ്നത്തിൻ കളിയോടം കിട്ടീ
കളിയോടം മെല്ലെ തുഴഞ്ഞു ഞാൻ മറ്റാരും
കാണാത്ത കരയിൽ ചെന്നെത്തീ
കാണാത്ത കരയിൽ ചെന്നെത്തി
നിദ്രതൻ നീരാഴി നീന്തിക്കടന്നപ്പോൽ
സ്വപ്നത്തിൻ കളിയോടം കിട്ടീ

വെള്ളാരം കല്ലു പെറുക്കി ഞാനങ്ങൊരു
വെണ്ണക്കൽ കൊട്ടാരം കെട്ടി
ഏഴു നിലയുള്ള വെണ്മാടക്കെട്ടിൽ ഞാൻ
വേഴാമ്പൽ പോലെയിരുന്നൂ
രാജകുമാരനെ കാണാൻ
നിദ്രതൻ നീരാഴി നീന്തിക്കടന്നപ്പോൽ
സ്വപ്നത്തിൻ കളിയോടം കിട്ടീ

ഗുരുവായൂരുള്ളൊരു കണ്ണനന്നൊരു ദിനം 
കരുമാടിക്കുട്ടന്റെ വേഷം കെട്ടി - ഒരു 
കരുമാടിക്കുട്ടന്റെ വേഷം കെട്ടി 
പെരിയാറിന്‍ തീരത്ത് പേരാലിന്‍ തണലത്ത് 
മുരളിയുമൂതി ചെന്നിരുന്നു - കണ്ണന്‍ 
മുരളിയുമൂതി ചെന്നിരുന്നു 
ഗുരുവായൂരുള്ളൊരു കണ്ണനന്നൊരു ദിനം 
കരുമാടിക്കുട്ടന്റെ വേഷം കെട്ടി 

പാട്ടിന്റെ സ്വരം കേട്ടു പാര്‍വ്വണചന്ദ്രികപോല്‍
പാല്‍ക്കടല്‍ മാതാവും വന്നിറങ്ങി 
ഗാനത്തിന്‍ ലഹരിയില്‍ ഭൂമിയും മനുഷ്യരും 
വാനിലെ താരങ്ങളും വീണുറങ്ങി 
ഗുരുവായൂരുള്ളൊരു കണ്ണനന്നൊരു ദിനം 
കരുമാടിക്കുട്ടന്റെ വേഷം കെട്ടി 

പ്രിയതമാ.....പ്രിയതമാ..... 
പ്രണയലേഖനം എങ്ങിനെ എഴുതണം 
മുനികുമാരികയല്ലേ .......

പ്രിയതമാ പ്രിയതമാ 
പ്രണയലേഖനം എങ്ങിനെ എഴുതണം 
മുനികുമാരികയല്ലേ - ഞാനൊരു 
മുനികുമാരികയല്ലേ 
(പ്രിയതമാ... )

ചമത മുറിക്കും കൈവിരലുകളാല്‍ 
ഹൃദയതംബുരു എങ്ങിനെ മീട്ടും (2)
പ്രണവം ചൊല്ലും ചുണ്ടുകളാല്‍ ഞാന്‍ 
പ്രേമകാകളിയെങ്ങിനെ പാടും (2)
നാഥാ ... നാഥാ ... നീയെവിടെ 
(പ്രിയതമാ... )

മുല്ലപ്പൂ തൈലമിട്ടു
മുടിചീകിയ മാരനൊരുത്തന്‍
കള്ളക്കണ്‍ താക്കോലിട്ടു കതകു തുറന്നു
കരളിന്റെ നാലുകെട്ടില്‍ കള്ളന്‍ കടന്നു

കിന്നാരം ചൊല്ലും പെണ്ണു കിളിവാതിലില്‍
നിന്നതു കണ്ടു
കള്ളക്കണ്‍ താക്കോലിട്ടു കതകു തുറന്ന്
കരളിന്റെ നാലുകെട്ടില്‍ കള്ളന്‍ കടന്നു

കാവൽക്കാരുറങ്ങുമ്പോൾ കൈ നിറയെ നിധി വാരി
കാലൊച്ച കേള്‍പ്പിക്കാതെ കടന്നുവല്ലോ
കാവൽക്കാരുറങ്ങുമ്പോൾ കൈ നിറയെ നിധി വാരി
കാലൊച്ച കേള്‍പ്പിക്കാതെ കടന്നുവല്ലോ - അവൻ
കനകവും മുത്തും കൊണ്ട്‌ കടന്നുവല്ലോ

ഏതു പൂവു ചൂടണം എന്നോടിഷ്ടം കൂടുവാൻ
ഏതു പാട്ട് പാടണം എന്നെയെന്നും തേടുവാൻ
അവൻ എന്നെയെന്നും തേടുവാൻ (ഏതു പൂവു.. )
ഓ....ഓ...ഓ...
എന്നെയെന്നും തേടുവാൻ.. ഹൊയ് ഹൊയ്

ഓ....ഓ.....ഓ....
കാത്തിരിയ്ക്കും കണ്ണുകൾക്ക് പൂക്കണിയേന്തി
വീട്ടിലെന്റെ വിരുന്നുകാരൻ വന്നു ചേരുമ്പോൾ (2)
കണ്ടു കണ്ടു കൺ കുളിർക്കാൻ എന്തൊരു മോഹം (2)
പണ്ടു കണ്ട പോലെയാണു പരിചയഭാവം (2)
(ഏതു പൂവു...)

കണിയാനും വന്നില്ല കവിടി വാരി വച്ചില്ല
കല്യാണത്തിനു നാള്‍ കുറിച്ചെടി നെല്ലോലക്കുരുവീ - എന്റെ
കല്യാണത്തിനു നാള്‍ കുറിച്ചെടി നെല്ലോലക്കുരുവീ
(കണിയാനും... )

ജാതകങ്ങള്‍ ചേര്‍ത്തില്ല ജാതിയേതെന്നോര്‍ത്തില്ല
കൂടെപ്പോവാന്‍ നാള്‍ കുറിച്ചെടി കുഞ്ഞാറ്റക്കുരുവി (2)
പെണ്ണുകാണാന്‍ കൂടെവന്നത് വെണ്ണിലാവു മാത്രം (2)
കല്യാണം നിശ്ചയിച്ചത് കണ്ണും കണ്ണും മാത്രം
കണ്ണും കണ്ണും മാത്രം
(കണിയാനും ....)

പിന്നെയുമിണക്കുയിൽ പിണങ്ങിയല്ലോ 
ഇന്നെന്താണിന്നെന്താണുറക്കമില്ലേ ഉറക്കമില്ലേ
പിന്നെയുമിണക്കുയിൽ പിണങ്ങിയല്ലോ 
ഇന്നെന്താണിന്നെന്താണുറക്കമില്ലേ ഉറക്കമില്ലേ

കഥയൊന്നു ചൊല്ലുവാൻ ബാക്കിയില്ലേ
ശ്ശ്‌---മെല്ലെ - ഇനി മെല്ലെ 
ഈ കളിയും ചിരിയും കളിത്തോഴിമാർ 
കേൾക്കില്ലേ - ഇല്ലേ 

നാളെയവർ കൈകൊട്ടി കളിയാക്കില്ലേ 
നാളെയവർ കൈകൊട്ടി കളിയാക്കില്ലേ 
ഇതു പതിവല്ലേ - മധു വിധുവല്ലേ 
ഈ മണിയറയിൽ തള്ളിയതവരെല്ലാമല്ലേ - അല്ലേ 
പിന്നെയുമിണക്കുയിൽ പിണങ്ങിയല്ലോ 
ഇന്നെന്താണിന്നെന്താണുറക്കമില്ലേ ഉറക്കമില്ലേ

മനോരഥമെന്നൊരു രഥമുണ്ടോ
അറിഞ്ഞൂടാ...
മന്മഥനെന്നൊരു ദേവനുണ്ടോ
അറിഞ്ഞൂടാ...
മനോരഥമെന്നൊരു രഥമുണ്ടോ
മന്മഥനെന്നൊരു ദേവനുണ്ടോ
അറിഞ്ഞൂടാ...അറിഞ്ഞൂടാ...അറിഞ്ഞൂടാ

സ്വപ്‌നങ്ങള്‍ തെളിക്കുന്ന തേരില്‍ - അവന്‍
സ്വർഗ്ഗത്തുന്നിരവില്‍ വന്നിറങ്ങാറുണ്ടോ
ആ.... ആ.... ആ
സ്വപ്‌നങ്ങള്‍ തെളിക്കുന്ന തേരില്‍ - അവന്‍
സ്വർഗ്ഗത്തുന്നിരവില്‍ വന്നിറങ്ങാറുണ്ടോ
കമലപ്പൂങ്കണ്മുനകള്‍ കാട്ടി - അവന്‍
കന്യകമാരെ വന്നു മയക്കാറുണ്ടോ - അവന്‍
കന്യകമാരെ വന്നു മയക്കാറുണ്ടോ
ഞങ്ങള്‍ക്കറിഞ്ഞൂടാ തോഴീ അറിഞ്ഞൂടാ