ലളിതസംഗീതം

അമാവാസി നാളില്‍
ഞാനൊരു പൂര്‍ണ്ണചന്ദ്രനെ കണ്ടു..
അഴിച്ചിട്ട കരിമുടിക്കിടയില്‍ നിന്നും
അഴകുറ്റ നിന്‍ മുഖമായിരുന്നു
അതൊരപൂര്‍വ്വ ദര്‍ശനമായിരുന്നു.....

തൈലം പകരാതെ താനേ കത്തുന്ന
തങ്കവിളക്കൊന്നു ഞാന്‍ കണ്ടു..
അമൃതസരസ്സിലെ അനഘാംബുജം പോലെ അതുലേ ..
അമൃതസരസ്സിലെ അനഘാംബുജം പോലെ
അതുലേ നിന്‍ പുഞ്ചിരിയായിരുന്നു..
അതൊരമോഹദര്‍ശനമായിരുന്നു...

അഷ്ടപദീലയം തുള്ളിത്തുളുമ്പുന്ന
അമ്പലപ്പുഴയിലെ നാലമ്പലത്തിൽ
നെയ്ത്തിരി കത്തുന്ന കൽവിളക്കും ചാരി
നിർദ്ധനൻ ഞാൻ മിഴിപൂട്ടിനിന്നു..

ഹൃദയത്തിലുരുകാത്ത ദാരിദ്ര്യ ദുഃഖമാം
വെണ്ണയും കണ്ണീരാം പാൽക്കിണ്ണവും
ഗോകുലപാലകനേകുവാൻ നിന്ന ഞാൻ
വൃന്ദാവന കുളിർത്തെന്നലായി
വൃന്ദാ‍വന സാരംഗമായി
(അഷ്ടപദീലയം)

കണ്ണനെ കാണാതെ തളർന്നു ഞാൻ കളിത്തട്ടിൽ
കൃഷ്ണഗാഥ പാടി വീണുറങ്ങി...
ശംഖൊലി കേട്ടു ഞാനുണർന്നപ്പോൾ കണികണ്ടു
നിൻ തിരുമാറിലെ വനമാലയും
നിൻ വിരലൊഴുകും മുരളികയും
(അഷ്ടപദീലയം)

.

പൂക്കളം കാണുന്ന പൂമരം പോലെ നീ
പൂമുഖത്തിണ്ണയില്‍ നിന്നു...
വീതിക്കസവുള്ള വീരാളിപ്പട്ടില്‍ നിൻ
പൂമേനി പൊന്നായി മിന്നി.. നിൻറെ
പൂമേനി പൊന്നായി മിന്നി..

പൂവണി പൂവണിയോരോന്നും പിന്നെ നിൻ
തൂമുഖഭാവവും കണ്ടും
നിൻറെ കയ്യില്‍നിന്നും പണ്ടു ഞാൻ നേടിയ
പൂവടതൻ രുചിയോര്‍ത്തും..
മുറ്റത്തു നിന്നു ഞാൻ തമ്പുരാട്ടീ, മുഗ്ദ്ധ
മീക്കാഴ്ച തന്നേയൊരോണം..
കാലത്തിൻ കോലത്താല്‍ വേര്‍പിരിഞ്ഞോര്‍ നമ്മൾ
കാണുകയായിതാ വീണ്ടും...

തിരുവാതിരപ്പൂവേ പൂവേ ഉണരൂ ഉണരൂ

ഒരു സന്ന്യാസി തിരയുന്നു നിന്നെ പ്രേമസന്ന്യാസി തേടുന്നു

തിരുവാതിരപ്പൂവേ പൂവേ ഉണരൂ ഉണരൂ

ഒരു സന്ന്യാസി തിരയുന്നു നിന്നെ പ്രേമസന്ന്യാസി തേടുന്നു

തിരുവാതിരപ്പൂവേ

ഒരു ദുരന്തനായിക പോലെ എന്തേ മൗനം എപ്പോഴും

ഒരു ദുരന്തനായിക പോലെ എന്തേ മൗനം എപ്പോഴും

നിന്റെ കാലൊച്ച കേൾക്കുവാനായി

നിനെ കാലൊച്ച കേൾക്കുവാനായി

കാതോർത്തിരിക്കുന്നു ഞാനിന്നും കാതോർത്തിരിക്കുന്നു ഞാൻ

വരുനീ അഴകേ ആരോമലേ

തിരുവാതിരപ്പൂവേ പൂവേ ഉണരൂ ഉണരൂ

ഒരു സന്ന്യാസി തിരയുന്നു നിന്നെ പ്രേമസന്ന്യാസി തേടുന്നു

തിരുവാതിരപ്പൂവേ

സ്വപ്നങ്ങളൊരുവഴിയേ മനുഷ്യന്റെ വിധിയോ മറ്റൊരുവഴിയേ

സ്വപ്നങ്ങളൊരുവഴിയേ മനുഷ്യന്റെ വിധിയോ മറ്റൊരുവഴിയേ

കാലിടറാതെ പോവുക നീ, കണ്ണുനീർ പൈങ്കിളിയേ

കണ്ണുനീർ പൈങ്കിളിയേ

സ്വപ്നങ്ങളൊരുവഴിയേ മനുഷ്യന്റെ വിധിയോ മറ്റൊരുവഴിയേ

സ്വപ്നങ്ങളൊരുവഴിയേ..

നീരാളി പോലെ പിൻ‌തുടരുന്നൂ

നോവിൻ കൂർത്ത നഖമുനകൾ

നീരാളി പോലെ പിൻ‌തുടരുന്നൂ

നോവിൻ കൂർത്ത നഖമുനകൾ

ഞാനിന്നിക്കരെ നീയോ അക്കരെ

കടത്തുവഞ്ചിയോ അകലേ, അകലേ

സ്വപ്നങ്ങളൊരുവഴിയേ മനുഷ്യന്റെ വിധിയോ മറ്റൊരുവഴിയേ

സ്വപ്നങ്ങളൊരുവഴിയേ..

മിഴിനീർവീണു ഈറനണിഞ്ഞൊരീ

(ഹമ്മിങ്)

പ്രതിശ്രുത പ്രിയവധുവൊരുങ്ങീ

പീലിമിഴിക്കോണുകൾ തുളുമ്പീ

അവളുടെ അസുലഭ താരുണ്യം നുകരാ‍ൻ

പുതിയൊരു പുരുഷൻ വന്നൂ

പ്രതിശ്രുത പ്രിയവധുവൊരുങ്ങീ

പീലിമിഴിക്കോണുകൾ തുളുമ്പീ

അസ്തമനതീരത്ത് തനിയെ ഞാൻ നിന്നൂ

അകലേ കല്ല്യാണം നടന്നൂ

തിരകളും കേട്ടില്ല തീരവും കേട്ടില്ല

തിരകളും കേട്ടില്ല തീരവും കേട്ടില്ല

തകരുന്ന ഹൃദയത്തിൻ നോവുപാട്ട്

ഇന്നും പാടുന്നു നിന്നെയോർത്തെൻ മനം

തീരാത്ത ദുഃഖത്തിൻ നോവുപാട്ട്

പ്രതിശ്രുത പ്രിയവധുവൊരുങ്ങീ

പീലിമിഴിക്കോണുകൾ തുളുമ്പീ

വസന്തങ്ങൾ നിരവധി ഇതിലേ പോയപ്പോൾ

(ആലാപ്)

പറയാതെ എന്റെ മനസ്സിൽ പൂവായ് എന്തേ നീ വിടർന്നൂ

പറയാതെ എന്റെ മനസ്സിൽ പൂവായ് എന്തേ നീ വിടർന്നൂ

നിറയും മിഴികൾ പറയും കഥകൾ

(ആലാപ്)

നിറയും മിഴികൾ പറയും കഥകൾ

എനിക്കായൊരുക്കുന്നു നൊമ്പരങ്ങൾ

പറയാതെ എന്റെ മനസ്സിൽ പൂവായ് എന്തേ നീ വിടർന്നൂ

നീ എന്റെ മനസ്സിന്റെ താളലയങ്ങളും രാഗവും കേട്ടുറങ്ങീ

നീ എന്റെ മനസ്സിന്റെ താളലയങ്ങളും രാഗവും കേട്ടുറങ്ങീ

തപ്തനിശ്വാസങ്ങൾ താരാട്ടുപാടുമെൻ തങ്കക്കിനാവിന്റെ തീരങ്ങളിൽ

തപ്തനിശ്വാസങ്ങൾ താരാട്ടുപാടുമെൻ തങ്കക്കിനാവിന്റെ തീരങ്ങളിൽ

അന്നു നീ തൂകിയ വർണ്ണങ്ങൾ, ഇന്നെൻ നൊമ്പരങ്ങൾ

ഒരിക്കൽ ഈശ്വരൻ വിളികേൾക്കും,

എന്റെ നീറുന്ന ഗദ്ഗദം കേൾക്കും

ഒരിക്കൽ ഈശ്വരൻ വിളികേൾക്കും,

എന്റെ നീറുന്ന ഗദ്ഗദം കേൾക്കും

തോരാത്തകണ്ണീർ തുടക്കും, ഭഗവാൻ

തിരുമിഴിപൂക്കൾ തുറക്കും

ഒരിക്കൽ ഈശ്വരൻ വിളികേൾക്കും,

എന്റെ നീറുന്ന ഗദ്ഗദം കേൾക്കും

എന്റെ സ്വപ്നങ്ങളെ നേർച്ചയായ് നൽകും

എന്റെ ധ്യാനം തുടരും

എന്റെ സ്വപ്നങ്ങളെ നേർച്ചയായ് നൽകും

എന്റെ ധ്യാനം തുടരും

ഹൃദയാഭിലാഷങ്ങൾ കോർത്തുകോർത്തൊരു നിവേദനം നൽകും

വീണുതകർന്നൊരെൻ മാനസവേണുവിൽ വീണ്ടും രാഗങ്ങളുണരും

അകലെയിരുന്നവൾ രാഗം കേൾക്കും

കാർത്തിക താരമുറങ്ങീ കാറ്റുംകോളുമടങ്ങീ

നൊന്തുപിടഞ്ഞൊരു കാമുകഹൃദയം

ഇന്നുമുറങ്ങിയില്ലാ നോവും തീർന്നില്ല

കാർത്തിക താരമുറങ്ങീ കാറ്റും കോളുമടങ്ങീ

പൊൻ‌മലർചുണ്ടിലൊരുമ്മയുമായ് കണ്മണി വന്നില്ലാ

പൊൻ‌മലർചുണ്ടിലൊരുമ്മയുമായ് കണ്മണി വന്നില്ലാ

മോതിരവിരലിൽ മോഹിച്ചു തീർത്തൊരു മോതിരമിട്ടില്ലാ,

നീയെന്റെ പ്രിയതമയായില്ലാ

കാർത്തിക താരമുറങ്ങീ കാറ്റും കോളുമടങ്ങീ

ഒന്നിച്ചുകണ്ട കിനാവിലെ കുഞ്ഞിന് ആയുസ്സുതന്നില്ലാ

ഒന്നിച്ചുകണ്ട കിനാവിലെ കുഞ്ഞിന് ആയുസ്സുതന്നില്ലാ

മുട്ടിയുരുമ്മി ഇരുന്നാകുട്ടന് ഇങ്കുകൊടുത്തില്ലാ‍, ആലോലം

(ആലാപ്)

കടലിൻ അഗാധതയിൽ

കനവുണർത്തും ചിപ്പിയൊന്നിൽ

ഒരു മഴത്തുള്ളി നീ തപസ്സിരുന്നൂ

മുത്തായ് മണിമുത്തായ് മിഴിതുറന്നൂ

കടലിൻ അഗാധതയിൽ

കനവുണർത്തും ചിപ്പിയൊന്നിൽ

പൊന്മണിമുത്തിന്നു കൂട്ടിരുന്നൂ

മുത്തങ്ങളേകുവാൻ കൊതിച്ചിരുന്നൂ

പൊന്മണിമുത്തിന്നു കൂട്ടിരുന്നൂ, ഞാൻ

മുത്തങ്ങളേകുവാൻ കൊതിച്ചിരുന്നൂ

നിറമുള്ള സ്വപ്നങ്ങൾ ചിറകുവെച്ചൂ

ചിറകിന്റെ തൂവലാൽ ഒളിച്ചുവെച്ചൂ, എന്റെ

മനസിനഗാധതയിൽ മറച്ചുവെച്ചൂ

കടലിൻ അഗാധതയിൽ

കനവുണർത്തും ചിപ്പിയൊന്നിൽ

ഗന്ധർവ്വലോകത്ത് കഥയറിഞ്ഞൂ