മെലഡി

ഗോകുലനികുഞ്ജത്തിൽ മൈക്കണ്ണിമാരുടെ
നൂപുരകിലുക്കങ്ങൾ കേട്ടില്ലേ
രാസനർത്തന ലഹരിയിൽ മുഴുകുന്നു
രാധാരമണനും സഖിമാരും
(ഗോകുലനികുഞ്ജത്തിൽ..)

കളിച്ചു ചിരിച്ചൊഴുകും കാനനച്ചോലയിൽ
കളഹംസങ്ങൾ പോലേ..  (2)
മുരളീമൃദുരവ നിർഝരി തന്നിൽ
മുഴുകീ രാധയും സഖിമാരും
സഖിമാരും....
മുഴുകീ രാധയും സഖിമാരും
ആ..ആ..ആ..ആ...
(ഗോകുലനികുഞ്ജത്തിൽ..)

വദനത്തിൽ തെളിയുന്ന പുഞ്ചിരിയോടേ
വാനിൽ ശശാങ്കനെ പോലേ (2)
രജതചന്ദ്രികയിലാടിപ്പാടി
രമണീയാംഗൻ ഗോപാലൻ
ഗോപാലൻ.. രമണീയാംഗൻ ഗോപാലൻ
ആ...ആ...ആ..ആ....
(ഗോകുലനികുഞ്ജത്തിൽ..)

കൃഷ്ണശിലാതല ഹൃദയങ്ങളേ 
കണ്ണീരിലലിയാത്ത കനിവേതുമില്ലാത്ത 
കാന്തോരാന്തര ശില്പങ്ങളേ (കൃഷ്ണ.. )
ഒരു ശപ്തനിമിഷത്തിൽ അറിയാതിവിടേയ്ക്ക് 
വഴിതെറ്റി വന്നൊരു മാലാഖ ഞാൻ 

ചിതയിൽ കയറിയ യൌവ്വനങ്ങൾ കാലം 
ചവുട്ടിക്കുഴച്ചിട്ട ജീവിതങ്ങൾ 
അറിയാത്ത കുറ്റത്തിൻ കുരിശേന്തും ഞങ്ങളിലെ 
നിരപരാധികളെ ആരറിയാൻ 
നിരപരാധികളേ..  ആരറിയാൻ 
(കൃഷ്ണശിലാതല....) 

കാമാസക്തരാം കഴുകന്മാർ -ചുറ്റും 
ചിറകടിച്ചാർത്തരികിൽ അണയുമ്പോൾ 
ഈ മഗ്ദലനയിലെ സ്വർഗ്ഗദേവതയ്ക്കൊരു 
ശാപമോക്ഷമേകുമേ യേശുദേവൻ 
ശാപമോക്ഷമേകുമേ യേശുദേവൻ 
(കൃഷ്ണശിലാതല....) 

ശാരദ സന്ധ്യയ്ക്കു കുങ്കുമം ചാർത്തിയ
ചന്ദ്രമുഖീ സഖീ പുഷ്പഗന്ധീ (2)
രതിദേവ ക്ഷേത്രത്തിൽ പൂജയ്ക്കായ് വന്ന
സുരദേവതേ നീ ഒരുങ്ങി വരൂ (2)

മോഹനസ്വപ്നങ്ങൾ മോതിരം മാറിയ
മന്മഥദേവാ കാത്തിരിപ്പൂ (2)
നിൻ മുഖപത്മത്തിൽ മുത്തങ്ങൾ വാങ്ങാൻ
പ്രിയകാമുകാ നീ ഇറങ്ങി വരൂ (2)

പുലരിപ്പൂവിന്റെ ലജ്ജയും ചൂടി
പുലരിക്കാറ്റിന്റെ കുളിരും കോരി (2)
പുണരാനെത്തിയ പൊൻകിനാവേ (2)
അണയൂ എന്നിൽ പൂനിലാവേ
ശാരദ സന്ധ്യയ്ക്കു കുങ്കുമം ചാർത്തിയ
ചന്ദ്രമുഖീ സഖീ പുഷ്പഗന്ധീ 

തെന്നലേ തൂമണം തൂകിവാ
തെന്നലേ തൂമണം തൂകിവാ 
തിങ്കളേ വീഞ്ഞുമായ്‌ കൂടെവാ 
കന്നിയിളം മേനിയിൽ ഇന്നു നിങ്ങൾ തഴുകും 
അംഗരാഗം കൊണ്ടുവാ 
പൂങ്കുമ്പിളിൽ.....തൂരുരുരു....
കനകതളികയിൽ.....തൂരുരുരു....

ആ....ഹാഹാഹാ.....
കല്ലിൽ പൂത്തുലഞ്ഞു കാളരാത്രികളിൽ ഞാൻ 
കണ്ണിൽ കാമസൂത്രം പീലിവീശിയുണർന്നു 
ശയ്യയിൽ പുളകമേകും വീണപൂവായി ഞാൻ 
പൂമേടയിൽ......തൂരുരുരുരു....
മദനലഹരിയിൽ.....തൂരുരുരുരു..... 
(തെന്നലേ തൂമണം...) 

ആ....ആ....ആ... 
ഇന്നത്തെ രാത്രിക്കെന്തു ചന്തം 
ചന്ദനത്തെന്നലിന്നെന്തു സുഗന്ധം 
(ഇന്നത്തെ.....) 
ഈ രാത്രി മറയാതിരുന്നെങ്കിൽ 
ഈ രാഗം മറക്കാതിരുന്നെങ്കിൽ 
ഇന്നത്തെ രാത്രിക്കെന്തു ചന്തം 
ചന്ദനത്തെന്നലിന്നെന്തു സുഗന്ധം 

മദനരസം തുളുമ്പുന്ന കരളോടെ 
മദജലം പൊടിയുന്ന മിഴിയോടെ 
(മദനരസം....) 
നാണത്തിൻ മുഴുക്കാപ്പ്‌ ചാർത്തി..  
നവവധുവായ്‌ ഞാൻ നിൽപൂ 
നവവധുവായ്‌ ഞാൻ നിൽപൂ.. 
ആ...ആ...ആ... 
ഇന്നത്തെ രാത്രിക്കെന്തു ചന്തം 
ചന്ദനത്തെന്നലിന്നെന്തു സുഗന്ധം 

ഈ മഞ്ഞവെയിൽപ്പൂ.. നീ തന്ന നിലാപ്പൂത്തിരിതൻ
ചിറകില്‍ നിന്നൂർന്നു നിന്‍ സിന്ദൂരചുണ്ടില്‍ വിരിഞ്ഞാലോ (2) 
പകലൊരു കിനാവിലാ പൂ തേടും ഞാന്‍ (2)
തണൽ താഴ്വരകൾ താളം തുള്ളും നേരം...ഓ... 
ഈ മഞ്ഞവെയിൽപ്പൂ.. നീ തന്ന നിലാപ്പൂത്തിരിതൻ
ചിറകില്‍ നിന്നൂർന്നു നിന്‍ സിന്ദൂരചുണ്ടില്‍ വിരിഞ്ഞാലോ

ഒന്നുരിയാടാൻ ഒന്നിച്ചുകൂടാൻ എന്നെ വിളിച്ചവനേ 
എന്നെ മറന്നാലും എല്ലാം മറന്നാലും നിന്നെ മറക്കൂല്ലാ 
എന്നാണേ നിന്നാണേ നിന്നെ മറക്കൂല്ലാ 
(ഒന്നുരിയാടാൻ....) 

പനയോല ഞൊറിവെച്ച വട്ടക്കുടക്കീഴിൽ 
പകല് പടിഞ്ഞാറു ചെന്നപ്പോൾ 
അങ്ങേക്കുന്നിലും.... ഇങ്ങേക്കുന്നിലും.... 
അങ്ങേക്കുന്നിലും ഇങ്ങേക്കുന്നിലും 
എന്നെ നോക്കി നിന്നെ നോക്കി നിന്നപ്പോൾ 
എന്റെ മനസ്സിലും നിന്റെ മനസ്സിലും 
എന്തിനുമേതിനും മോഹം 
എന്നാണേ നിന്നാണേ ദാഹം 
(ഒന്നുരിയാടാൻ....) 

മഴമുകില്‍ മയങ്ങി മലര്‍മിഴി തിളങ്ങി (2)
ശ്യാമവാനം നോക്കിനില്‍ക്കും (2)
താമരേ നീ തേടുവതേത് സൂര്യമുഖം
താമരേ നീ തേടുവതേത് സൂര്യമുഖം
ഇണത്താരമുരുമ്മി വിരിമാറിലൊതുങ്ങി
മൂകനായ് ഞാന്‍ തേടിയെത്തും (2)
കാതരേ നിന്‍ ആര്‍ദ്രമാനസതീരം
കാതരേ നിന്‍ ആര്‍ദ്രമാനസതീരം
മഴമുകില്‍ മയങ്ങി മലര്‍മിഴി തിളങ്ങീ..  

ഇതളുകളുണരും പരിമളമുയരും രഥവീഥികളില്‍ നാളേ (2)
തേരിന്‍ മുന്നില്‍ വരും കരതാരുകള്‍ ചേര്‍ക്കും മുന്നിലവള്‍ 
മാരിക്കാറണിയും തിരമാലകള്‍ മൗനം വീണടിയും
താമരേ നീ തേടുവതേത് സൂര്യമുഖം
ഇണത്താരമുരുമ്മി വിരിമാറിലൊതുങ്ങീ... 

സായംകാലം ചെഞ്ചായം പൂശും 
വെൺമേഘം പോലെന്റെയുള്ളിലും പടരൂ പ്രകാശമേ 
വീശും തെന്നൽ കിന്നാരം ചൊല്ലും 
മന്ദാരം പോലെന്റെയുള്ളിലും വിടരൂ വസന്തമേ 
(സായംകാലം...)

പ്രതീക്ഷയിൽ വളർന്നു നീ 
പ്രസാദമായ് നിറഞ്ഞു നീ 
മിഴിയിതളിൽ കിനാവുമായ് 
വാ വാ കുളിരഴകേ 
വാടിയിൽ മധുകണമായ് 
(സായംകാലം..) 

ഒരുങ്ങിയെൻ മനോരഥം 
തിരഞ്ഞു നിൻ തപോവനം 
വിരലൊഴുകും മിഴാവുമായ് 
വാ വാ ശ്രുതിലയമേ 
വീണയിൽ സ്വരമണിയായ് 

(സായംകാലം....) 

കാടു പൂത്തതും പൂ വിരിഞ്ഞതും നീയറിഞ്ഞോടീ പെണ്ണാളേ
കായലോരത്ത് വേല ചെയ്യുമ്പോൾ കാറ്റു വന്നതു ചൊല്ലീലോ
കാവിലിന്നലെ തോറ്റംപാട്ടിനു കാട്ടുമൈനകൾ വന്നല്ലോ
കാട്ടുപൊയ്കയിൽ നീരാടുമ്പോൾ കാറ്റു വന്നതു ചൊല്ലീല്ലോ
തെയ്യാരേ.. പാടി താളം തുള്ളടീ പെണ്ണേ
ഇന്നു പൂമീൻ കൊല്ലണ നാളേ
മാനം പൊന്നിന്റെ പൂക്കണി മേലേ ചാർത്തുന്നേ 
തപ്പു കൊട്ട് ആഹാഹാ.. താനം പാട് ഓഹോഹോ...തമ്പുരാന്റെ പൂമുറ്റത്ത്
കാടു പൂത്തതും പൂ വിരിഞ്ഞതും നീയറിഞ്ഞോടീ പെണ്ണാളേ
കായലോരത്ത് വേല ചെയ്യുമ്പോൾ കാറ്റു വന്നതു ചൊല്ലീലോ