3 ഡോട്ട്സ്

പല കാരണങ്ങളാൽ ജയിലിൽ അകപ്പെട്ടവരായിരുന്നു വിഷ്ണുവും(കുഞ്ചാക്കോ ബോബൻ) ലൂയിയും(ബിജു മേനോൻ) പത്ഭനാഭനെന്ന പപ്പനും(പ്രതാപ് പോത്തൻ) പപ്പൻ ബാങ്ക് ജീവനക്കാരനും വിവാഹിതനുമായിരുന്നു. ജയിലിൽ വെച്ച് മൂവരും പരിചയപ്പെടുകയും സൌഹൃദത്തിലാകുകയും ചെയ്യുന്നു. ജയിലിൽ വെച്ച് ഡോ. സാമുവൽ ഐസക് എന്ന കൌൺസിലർ ഡോക്ടറുടെ കൌൺസിലിങ്ങ് ഇവരിൽ മനം മാറ്റം ഉണ്ടാക്കുന്നു. ജയിൽ മോചനത്തിനുശേഷം മൂവരും പപ്പന്റെ ഫ്ലാറ്റിൽ താമസമാക്കുന്നു. അലസജീവിതവും മദ്യപാനവുമായി ലൂയി ദിവസങ്ങൾ തള്ളി നീക്കുന്നു. എന്നാൽ വിഭ്യാഭ്യാസമുള്ള വിഷ്ണു എന്തെങ്കിലും ഓഫീസ് ജോലിക്ക് ശ്രമിക്കുന്നുവെങ്കിലും വിഷ്ണുവിന്റെ പഴയ കാലം അറിയുമ്പോൾ പല ജോലിയും നഷ്ടമാകുന്നു. ‘പാസ്റ്റ് ഈസ് ദ പ്രസന്റ് പ്ലോബ്ലം’ എന്ന നിലയ്ക്കായിരുന്നു ഇവരുടെ കാര്യങ്ങൾ.

വീണ്ടും ഡോ. ഐസക് സാമുവലിനെ കണ്ടുമുട്ടുന്ന അവർ ഐസകിന്റെ നിർദ്ദേശമനുസരിച്ച് സ്വയം ജോലിക്ക് ശ്രമിക്കുന്നു. അതുപ്രകാരം പപ്പന്റെ ഓമ്നി വാൻ ആംബുലൻസ് ആയി മാറ്റുകയും സർവ്വീസ് നടത്തുകയും ചെയ്യുന്നു. മറ്റൊരുദിവസം ഐസക് തോമസ് മൂവരേയും കണ്ട് തന്റെ ഒരു ബന്ധുവിന്റെ ഡേ കെയർ നടത്താൻ സാധിക്കുമോ എന്നാവശ്യപ്പെടുന്നു. മൂവരും അത് സമ്മതിക്കുന്നു. ഇതിനിടയിൽ വിഷ്ണു ഒരു പെൺകുട്ടിയെ പരിചയപ്പെടുന്നു. ലക്ഷ്മി(ജനനി) എന്ന ആ പെൺകുട്ടീയെ ടീച്ചർ ആയി ഡേ കയറിൽ അപ്പോയ്ന്റ് ചെയ്യുന്നു.

ഡോ ഐസക് തോമസിന്റെ വിവാഹ ജീവിതം കുഴപ്പത്തിലായിരുന്നു. ഭാര്യയുമായി പിണങ്ങി ജീവിക്കുന്ന അയാൾ വിവാഹ മോചനത്തിനായി കോടതിയിൽ കേസ് ഫയൽ ചെയ്തിരിക്കുകയാണ്. തന്റെ മകനെ പിരിഞ്ഞിരിക്കുന്നത് അയാൾക്ക് ഏറെ വിഷമമായിരുന്നു. വിവാഹ മോചന കേസ് വിജയിക്കുവാനും മകനെ തനിക്കു കിട്ടുവാനും ഡോ ഐസക് തോമസും വക്കീലും ഒരു തന്ത്രം പ്രയോഗിക്കുന്നു. മകനെ തട്ടിക്കോണ്ടു പോയതായി ക്രിയേറ്റ് ചെയ്യുക. അതിനു അയാൾ നിയോഗിക്കുന്നത് ഈ മൂവർ സംഘത്തെയാണ്. മൂവരും ഐസക് തോമസിന്റെ മകനെ കൂട്ടിക്കൊണ്ട് കൃഷ്ണഗിരിയിലേക്ക് പോകുന്നു. അവിടെ വെച്ച് ഡോക്ടറുടെ മകൻ മാത്തുണ്ണിയും മൂവർ സംഘവും വളരെ അടുപ്പത്തിലാകുന്നു.

എന്നാൽ മൂവർ സംഘം കരുതിയതുപോലെയായിരുന്നില്ല കാര്യങ്ങൾ.