ലളിതസംഗീതം

പ്രിയപ്പെട്ട ഡിസംബര്‍ മറന്നു
പോയൊരു പാട്ടിന്റെ മഴനൂല്‍പോലെ
മറ്റൊരു ജന്മത്തിന്റെ നക്ഷത്രപ്പൊട്ടുപോലെ
ഒരു മെഴുതിരിയായ്‌ ഞാനുരുകുന്നതു
നിനക്കു വേണ്ടി മാത്രം.
പിന്നെയുമേതോ രാക്കിളി പാടി
പ്രണയത്തിന്‍ ഗസല്‍ രാഗം

പിന്നെയുമേതോ രാക്കിളി പാടി
പ്രണയത്തിന്‍ ഗസല്‍ രാഗം ഏതോ
പ്രണയത്തിന്‍ ഗസല്‍ രാഗം
ഓരമ്മകളാല്‍ ഒഴുകുമൊരീറന്‍
മിഴിയിലെ മഴമുകില്‍പോലെ
(പിന്നെയുമേതോ)

ആ...ആ.....
ആകലെ നിന്നും ഒരു സാന്ധ്യ മേഘം
കടലിനെ നോക്കി പാടുമ്പോള്‍
പറയാതെ നീ നിന്‍ പ്രണയം മുഴുവനും
പനിനീര്‍ കാറ്റായ്‌ പകരുകയോ
(പിന്നെയുമേതോ)

ശാരോണിലെ ശിശിരമേ
മുന്തിരിപൂക്കളില്‍ മൂവന്തിപോലെയെന്‍
മനസ്സു മിടിക്കുന്നുവോ മിഴികള്‍ തുടിക്കുന്നുവോ
ശാരോണിലെ ശിശിരമേ

ഉറങ്ങുന്ന നേരത്തു ദൂരെനിന്നാരോ
ഉമ്മകള്‍കൊണ്ടെന്നെ എറിയുന്നുവോ
മഴക്കിളിതൂവലില്‍ മനസ്സിന്റെ ചിറകുമായ്‌
മറ്റേതോ ജന്മം ഞാന്‍ തിരയുന്നുവോ
വെറുതെ വെറുതെ വെറുതെ

എനിയ്ക്കെന്റെ മാത്രമായ്‌ ഉഷസ്സിന്റെ ജാലകം
മണ്‍സൂണ്‍ മഴവന്നു തുറക്കുന്നുവോ
ഒരു കുഞ്ഞുപാട്ടിന്റെ ഈറന്‍ ഗിറ്റാറിന്മേല്‍
ഓര്‍മ്മകള്‍‍ മീട്ടി ഞാന്‍ ഉറങ്ങട്ടെയോ
വെറുതെ വെറുതെ വെറുതെ
(ശാരോനിലെ ശിശിരമേ)

ഇവിടെയമ്പാടി തന്‍ ഒരു കോണിലറിയ മണ്-
കുടിലില്‍ ഞാന്‍ മേവുമൊരു പാവം

കൃഷ്ണാ നീയെന്നെയറിയില്ല

ഇവിടെയമ്പാടി തന്‍ ഒരു കോണിലറിയ മണ്-
കുടിലില്‍ ഞാന്‍ മേവുമൊരു പാവം

പ്രണയം ഒഴുകിയൊഴുകിയണയും…
നിമിഷം…. ഇതാ…
ഹൃദയം അതിലൊരലയിലുലയും
നിമിഷം.. ഇതാ…
മഴയായ്……….. പൊഴിയും
കുളിരായ്………..തഴുകും…..
മൌനമായ് പുണരുമെന്നിൽ നിൻ (പ്രണയം)

നിൻ മുഖമോർമ്മയിലുണരുമ്പോൾ
പൌർണ്ണമിതൻ പനിമതിയുതിരും
നിൻ ചൊടിയിതളുകൾ വിടരുമ്പോൾ
കുങ്കുമസന്ധ്യകളതിലലിയും, വരൂ
സഖീ ആത്മ നിർവൃതിതൻ
മധുരം, നുകരാൻ….

നിൻ വിരൽ പടരും ലഹരികളിൽ
കവിതകളായിരമിതളണിയും
നിൻ ചുടു നിശ്വാസങ്ങളിലെൻ
നൊമ്പരമൊരു കഥയായ് മറയും, തരൂ
യുഗം പ്രിയേ നിൻ മനസ്സിൽ
പടരാൻ, പകരാൻ…

ഓർമ്മകൾ ഓർമ്മകൾ
ഓർമ്മകൾ നിന്നോർമ്മകൾ
പൊഴിയും നിലാമഴയായ്
പുണരും പൂന്തെന്നലായ്
ആഴിതൻ തിരമാലയായ്
ഓർമ്മകൾ… നിന്നോർമ്മകൾ

നിഴലുകളായ് വിടപറയുകയായ്
കനവുകളീ ഋതുസന്ധ്യയിൽ
പ്രിയമൊഴികൾ കുളിരരുവികളായ്
പിടയുകയായെൻ ജീവനിൽ
വിരഹാന്ധമീ വേനലിൽ
മനസ്സിൽ നിലാവിൻ തുള്ളിയായ്
വരുനീ…. വരുനീ……

പറയുകയായ് നിൻ കഥയിതിലെ
ഇണതിരയും പുലർമൈനകൾ
പൊഴിയുകയായ് മഴമുകിലുകൾ നിൻ
സ്മരണകളിൽ ചുടുകണ്ണുനീർ
യുഗമാകിലും ഞാൻ കാത്തിടാം
അരികിൽ കിനാവിൻ തൂവലായ്
വരുനീ…. വരുനീ……