kattile mainaye

കാട്ടിലെ മൈനയെ പാട്ടുപഠിപ്പിച്ചതാരോ കുളിർകാറ്റോ
കാറ്റിന്റെ താളത്തിൽ ആടുന്ന പൊൻ മുളം കാടോ മലർ മേടോ
അലമാലയായിരം മയിലാടിടുന്ന പോൽ ഇളകും കടലോ ഇനിയാരോ

ചന്ദന പൂങ്കാവുകളിൽ തന്നന്നമാടുന്ന പൂവുകളോ
പൂവുകളിൽ ആടി വരും കുഞ്ഞു മാലാഖ തൻ തൃക്കഴലോ
തൃക്കഴലാടും പൊൽത്തളയോ
പൊൽത്തള ചാർത്തും മുത്തുകളോ
ഓ താളം ചൊല്ലിത്തന്നു
(കാട്ടിലെ..)

ചെങ്കദളീ കൂമ്പുകളീൽ തേൻ വിരുന്നുണ്ണുന്ന തുമ്പികളോ
തുമ്പികൾ തൻ പൂഞ്ചിറകിൽ തുള്ളി തുളുമ്പുന്ന പൊൻ വെയിലോ
പൊൻ വെയിലാടും പുൽകൊടിയോ
പുൽക്കൊടി തുമ്പത്തെ മുത്തുകളോ
ഓ താളം ചൊല്ലിത്തന്നു