പറയൂ നിൻ ഗാനത്തിൽ

പറയൂ നിൻ ഗാനത്തിൽ നുകരാത്ത തേനിന്റെ
മധുരിമയെങ്ങനെ വന്നൂ (2)
നിശയുടെ മടിയിൽ നീ വന്നു പിറന്നൊരാ
നിമിഷത്തിൻ ധന്യതയാലോ (2)
(പറയൂ നിൻ.....)

പരമപ്രകാശത്തിൻ ഒരു ബിന്ദുവാരോ
നിൻ നെറുകയിലിറ്റിയ്ക്കയാലോ (2)
കരളിലെ ദുഃഖങ്ങൾ വജ്രശലാകയായ്
ഇരുൾ കീറി പായുകയാലോ (2)
(പറയൂ നിൻ.....)

പറയൂ നിൻ ഗാനത്തിൽ കേൾക്കാത്ത രാഗത്തിൻ
മധുരിമയെങ്ങനെ വന്നൂ (2)
ഇരുളിന്റെ കൂടാരമാകെ  കുലുങ്ങുമാറരിയ പൂഞ്ചിറകുകൾ വീശി (2)
വരുമൊരുഷസ്സിന്റെ തേരുരുൾ
പാട്ടിന്റെ ശ്രുതിയൊത്തു പാടുകയാലോ (2)
(പറയൂ നിൻ.....)

കനിവാർന്ന നിൻ സ്വരം കണ്ണീരാലീറനാം
കവിളുകളൊപ്പുകയാലോ (2)
പറയൂ നിൻ  ഗാനത്തിൽ ആരും കൊതിക്കുമീ
മധുരിമയെങ്ങനെ വന്നൂ (2)
(പറയൂ നിൻ.....)