സർ സി.പി.

ഒരുവശത്ത്‌ തികഞ്ഞ നര്‍മ്മ മുഹൂര്‍ത്തങ്ങള്‍, മറ്റൊരു വശത്ത്‌ രണ്ടു സ്‌ത്രീകളുടെ ത്യാഗോജ്വലമായ, അധ്വാനത്തിന്റെ വികാരഭരിതമായ മുഹൂര്‍ത്തങ്ങള്‍, പ്രതികാരം, പ്രണയം ഇതിനെല്ലാം ഈ ചിത്രം ഏറെ പ്രാധാന്യം നല്‍കുന്നു.വര്‍ഷങ്ങള്‍ക്കു മുമ്പ്‌ കുട്ടനാട്ടില്‍ എത്തപ്പെട്ടവരാണ്‌ മേരി, കൊച്ചുമേരി സഹോദരിമാർ .ഇവരുടെ സഹോദരന്റെ മകനാണ്‌ സര്‍ സി.പി. എന്ന്‌ വിളിക്കപ്പെടുന്ന ചെത്തിമുറ്റത്ത്‌ ഫിലിപ്പ്‌. ചെറുപ്രായം മുതല്‍ ഇവന്‍ വളരുന്നത്‌ ഈ അമ്മച്ചിമാര്‍ക്കൊപ്പമാണ്‌. സി.പി. കോളേജ് എന്നു പറയുന്നത് ലോകത്ത് ലഭിക്കാവുന്ന സകല ഡിഗ്രികളും എടുത്തുകൊടുക്കപ്പെടുന്ന ഒരു സ്ഥാപനമാണ്. മുപ്പതുലക്ഷം രൂപയടച്ചാല്‍ കാലിഫോര്‍ണിയ യൂണിവേഴ്‌സിറ്റിയിലെ എം.ബി.ബി.എസ്. അടക്കം ലോകത്ത് ലഭിക്കാവുന്ന എല്ലാ ഡിഗ്രികളും എടുത്തുകൊടുക്കപ്പെടും. സി.പി. കോളേജിന്റെ പ്രിന്‍സിപ്പലാണ് ചെത്തിമറ്റത്ത് ഫിലിപ്പ്. ഈ കോളജിന്റെ പി.ആര്‍.ഒ. ആയി ആലീസ്‌ എന്ന പെണ്‍കുട്ടി എത്തുന്നതോടെ പുതിയ സംഭവവികാസങ്ങള്‍ അരങ്ങേറുകയാണ്...