കളിയാക്കുമ്പോൾ കരയും

കളിയാക്കുമ്പോൾ കരയും പെണ്ണിൻ
കണ്ണീർക്കവിളിലൊരുമ്മ
കരിമുകിൽ വേണിയിൽ കൈവിരൽ കോർത്ത്‌
കള്ളക്കവിളിലൊരുമ്മ (കളിയാക്കുമ്പോൾ..)
 
ഒത്തിരിനാളായോർമ്മകൾ തോറും
ഒഴുകി വരുന്നൊരു ഗാനം
ഒരു നിമിഷത്തിൽ ഒഴുകുകയാണെൻ
അധരപുടങ്ങളിലൂടെ (കളിയാക്കുമ്പോൾ..)
 
കരയും പെണ്ണിൻ കൺകളിലെങ്ങനെ
കദളിപ്പൂക്കൾ വിരിഞ്ഞു
കള്ളിപ്പെണ്ണേ നിൻ ചുണ്ടിണയിൽ
കന്നിനിലാവു പരന്നു