ഋതുഭേദസന്ധ്യേ ഭഗവാനെ വാഴ്ത്താൻ
ശബരീശനാമം ചുണ്ടിലുണ്ടോ
ആയിരം നക്ഷത്രം കോർക്കാതെ കോർത്തൊരു
ജപ മണിമാല നിൻ കൈയ്യിലുണ്ടോ
കൽ വിളക്കെരിയിക്കാൻ കൈയ്യിലെ പാത്രത്തിൽ
കളഭത്തിൽ നനയുന്ന നറുനെയ്യുണ്ടോ
നെറ്റിയിലണിയിക്കാൻ നല്ലിലച്ചീന്തിൽ
കാഞ്ചന കസ്തൂരി തിലകമുണ്ടോ
അരവണയുണ്ടാക്കാൻ ആത്മാവിലിത്തിരി
അരിമണിപ്പൊന്നിന്റെ മണികളുണ്ടോ
കണ്ണടച്ചുറങ്ങാൻ കാറ്റിന്റെ താളത്തിൽ
ഹരിവരാസനം മനസ്സിലുണ്ടോ
