പടച്ചവൻ നമുക്കൊരു വരം

പടച്ചവൻ നമുക്കൊരു വരം തന്നാൽ പിന്നെ
പിടിച്ചതും തൊട്ടതും പൊന്നാക്കും (2)

കുളത്തിലെ മീനെല്ലാം പൊരിച്ച മീനാക്കും
എളുപ്പം പിടിച്ചിട്ടു തിന്നാനൊക്കും
നെല്ലിൻ വയലിൽ നെയ്ച്ചോറു വിളയും
കല്ലെടുത്തൂതി കൽക്കണ്ടമാക്കും (പടച്ചവൻ..)

കാട്ടിലെ കരിയില  കസവുമുണ്ടാക്കും
റോട്ടിലെ തെണ്ടിയെ പണക്കാരനാക്കും
പശുവിനെ കറന്നാൽ പാൽക്കാപ്പി കിട്ടും
പാടത്തെ തോട്ടിൽ പായസമൊഴുക്കും (പടച്ചവൻ...)

മാടങ്ങളെല്ലാം മാളികയാക്കും
മാളികപ്പടിപ്പുര നവരത്നമാക്കും
മാറാത്ത രോഗങ്ങൾ മാറ്റിത്തീർക്കും
കാറും ജോറും എല്ലാർക്കുമൊക്കും (പടച്ചവൻ...)