കണ്ണാരം പൊത്തി പൊത്തി

കണ്ണാരം പൊത്തി പൊത്തി
കൈലേസ് കണ്ണിൽ കെട്ടി
അമ്പിളിയും വെണ്മുകിലും കളിയാടുന്നൂ - ദൂരേ
അമ്പിളിയും വെണ്മുകിലും കളിയാടുന്നൂ

കിന്നാരം ചൊല്ലി ചൊല്ലി
കിളിച്ചുണ്ടിൽ നുള്ളി നുള്ളി
കൊച്ചു തെന്നൽ മൊട്ടുകളായ് വിളയാടുന്നൂ - അതാ
കൊച്ചു തെന്നൽ മൊട്ടുകളായ് വിളയാടുന്നൂ

കാണേണ്ട കേൾക്കേണ്ട കന്നിനിലാവേ - ഞാൻ
കാമിനിയുടെ കാതിലൊരു കഥ പറയട്ടേ
കാണേണ്ട കേൾക്കേണ്ട കനകതാരമേ - ഞാൻ
കാമുകന്റെ കാതിലൊരു കവിത മൂളട്ടേ

കണ്ണാരം പൊത്തി പൊത്തി
കൈലേസ് കണ്ണിൽ കെട്ടി
അമ്പിളിയും വെണ്മുകിലും കളിയാടുന്നൂ - ദൂരേ
അമ്പിളിയും വെണ്മുകിലും കളിയാടുന്നൂ

പാടാതെ പാടാതെ പാതിരാക്കുയിലേ - ഞാൻ 
പാടിവരും പൊൻ കിനാവിൻ പാട്ടു കേൾക്കട്ടെ
മിന്നാതെ മിന്നാതെ മിന്നാമിനുങ്ങേ - എൻ
കണ്മണി തൻ കണ്ണിലുള്ള വെട്ടം കാണട്ടെ

കണ്ണാരം പൊത്തി പൊത്തി
കൈലേസ് കണ്ണിൽ കെട്ടി
അമ്പിളിയും വെണ്മുകിലും കളിയാടുന്നൂ - ദൂരേ
അമ്പിളിയും വെണ്മുകിലും കളിയാടുന്നൂ

കിന്നാരം ചൊല്ലി ചൊല്ലി
കിളിച്ചുണ്ടിൽ നുള്ളി നുള്ളി
കൊച്ചു തെന്നൽ മൊട്ടുകളായ് വിളയാടുന്നൂ - ദൂരേ
അമ്പിളിയും വെണ്മുകിലും കളിയാടുന്നൂ - അതാ
കൊച്ചു തെന്നൽ മൊട്ടുകളായ് വിളയാടുന്നൂ