നിഴൽ നാടകത്തിലെ നായിക നീ

നിഴല്‍നാടകത്തിലെ നായിക നീ 
അഴലിന്റെ പന്തലിൽ ഇരുളിൽ നടക്കുന്ന 
നിഴല്‍നാടകത്തിലെ നായിക നീ 
(നിഴല്‍..)

അണിയുന്നതെന്തിനു കണ്ണുനീരിൻ 
മണിമുത്തു മാലകൾ നീ വെറുതെ 
എന്തിനലങ്കാരം - എന്തിനു സിന്ദൂരം 
എന്തിനോ കിനാക്കൾതൻ പുഷ്പഹാരം 
(നിഴല്‍..)

സൂര്യനും ചന്ദ്രനും വിളക്കു വച്ചാൽ 
സുന്ദരലോകത്തിൻ യവനികയിൽ 
മായുന്നു തെളിയുന്നു - നീയൊരു നിഴലായി
കാണികളില്ലാത്ത കളിയരങ്ങിൽ 
(നിഴല്‍..)