യമുനാതീരത്തിൽ

യമുനാതീരത്തിൽ പ്രമദമലർവ്വനത്തിൽ
ഒരു നാൾ മാധവൻ കുഴലൂതി (യമുനാ...)
കാളിന്ദീനദിയിലെ പൊന്നലച്ചാർത്തു പോൽ
താളത്തിൽ ചിലങ്കകൾ കിലുങ്ങി
മൃദംഗമേളത്തിൽ രാസലീല തുടങ്ങി
മുഴങ്ങീ മുരളീസുധകര മൃദുരവ മുഴങ്ങീ
തുടങ്ങീ വനാന്തലതികകൾ നടനം തുടങ്ങീ
മനസിജശരം തരളിത മനം
കളമൊഴിരവം നിഖിലം മധുരം
അരുണം വദനം സുമിതം ഹൃദയം
തനുവും മനവും ലഹരീചപലം (കാളിന്ദീ...)

ശാരദാപൂർണ്ണിമാമണ്ഡപത്തിൽ
നീരജമിഴിമാർ നിരന്നാടുമ്പോൾ
മധുമയരാഗത്തിൽ മദകരഭാവത്തിൽ
മധുസൂദനൻ വേണുവൂതി
മതിമറന്നവരെല്ലാം നൃത്തമാടി (യമുനാ...)