ഇത്തിരി നാണം പെണ്ണിൻ കവിളിനു

ഇത്തിരി നാണം പെണ്ണിൻ കവിളിനു കുങ്കുമമേകുമ്പോൾ
മംഗളഗന്ധം ആണിൻ കരളിനെ ഇക്കിളിയൂട്ടുമ്പോൾ
ആശംസാ പുഷ്പങ്ങൾ നിങ്ങൾക്കായ്‌ നൽകുന്നു ഞാൻ (ഇത്തിരി..)

മഗരി മഗരി സധസ സരിമ  രിമപ മപധ
ധ സ ധ സ ധസരി  മഗരി മഗ
ധ സ ധ സ ധസരി മഗരി മഗ
 ധ സ ധ സ ധസരി )മഗരി മഗ

ഓടം തുഴയും മാൻ മിഴികളെ സ്വപ്നം തഴുകും നേരം
സ്വപ്നം അരുളും താരണികളിൽ മോഹം ഉതിരും നേരം (ഓടം... )
മിഥുനങ്ങളെ പുലരട്ടെ നിങ്ങടെ നാൾകൾ
പുതു മൊട്ടിൻ കിങ്ങിണിയോടെ
ജീവിതമെന്നും മധുവിധുവാകാൻ ഭാവുകമേകുന്നു
ആശംസാ പുഷ്പങ്ങൾ നിങ്ങൾക്കായ്‌ നൽകുന്നു ഞാൻ

തേനിൽ കുഴയും നൂറിഴകളെ നാദം പുണരും കാലം
നാദം ഉണരും ഉള്ളിണകളിൽ ദാഹം വളരും കാലം (തേനിൽ.... )
മിഥുനങ്ങളെ നിറയട്ടെ മധുരിമയാലെ
ഇനിയുള്ള രാവുകളെല്ലാം നിങ്ങടെ ബന്ധം
മാതൃകയാകാൻ മംഗളമരുളുന്നു
ആശംസാ പുഷ്പങ്ങൾ നിങ്ങൾക്കായ്‌ നൽകുന്നു ഞാൻ

ഇത്തിരി നാണം പെണ്ണിൻ കവിളിനു കുങ്കുമമേകുമ്പോൾ
മംഗളഗന്ധം ആണിൻ കരളിനെ ഇക്കിളിയൂട്ടുമ്പോൾ
ആശംസാ പുഷ്പങ്ങൾ നിങ്ങൾക്കായ്‌ നൽകുന്നു ഞാൻ