പട്ടടക്കാളി

പട്ടടക്കാളീ പട്ടടക്കാളീ പട്ടടക്കാളീ
പട്ടും ചിലങ്കയും കെട്ടടീ കളീ
കൊട്ടും കുരവയും കേൾക്കടീ കാളീ
അട്ടഹസിക്കെടീ ആർത്തു വിളിക്കെടീ
വെട്ടിക്കുരുതിയ്ക്കു നേരമായ് കാളീ

കാടും മലയുമടക്കിണ കാളീ
കാട്ടുമലയരെ കാക്കിണ കാളീ
വെട്ടിത്തിളയ്ക്കണ ചോര തെറിക്കിണ
വട്ടക്കണ്ണു തുറക്കെടീ കാളീ

മാടനറുകൊല ആനമറുതാ
മക്കളെയെല്ലാം വിളിയെടീ കാളീ
തൃക്കരവാളൊന്നെടുക്കടീ കാളീ
മക്കക്കു ദാഹം കെടുക്കടീ കാളീ