നിന്നെക്കണ്ടു കൊതി തീര്‍ന്നോരു കണ്ണുകളുണ്ടോ
നിന്നെത്തൊഴുതു തൃപ്തിയടഞ്ഞ കയ്യുകളുണ്ടോ
നിന്നെക്കുമ്പിട്ടാശ ശമിച്ച ശിരസ്സുകളുണ്ടോ
നിന്റെ നാമം പാടിമടുത്തൊരു നാവുകളുണ്ടോ
അയ്യപ്പാ അയ്യപ്പാ സ്വാമി അയ്യപ്പാ
--നിന്നെക്കണ്ടു.....
കണ്ടാല്‍ മതിവന്നിടുമോ നിന്നുടെ കോമളരൂപം
കേട്ടാല്‍ മതിവന്നിടുമോ നിന്നുടെ കീര്‍ത്തനജാലം
കടുപ്പമാണെന്നാലും കേറും കരിനീലാദ്രികളില്‍
മടുപ്പുവന്നിടുമോ മണികണ്ഠാ ചവിട്ടുവാൻ വീണ്ടും
അയ്യപ്പാ അയ്യപ്പാ സ്വാമി അയ്യപ്പാ
---നിന്നെക്കണ്ടു....
ഒരിയ്ക്കല്‍ നിന്മല പൊന്മല പൂകിയ ഭക്തനു വീണ്ടും
ഒരുക്കമല്ലെ ഭഗവാനേ പൊൻപടികൾ കേറീടാൻ
തുടിച്ചിടും നിൻ ചൈതന്യ പാലാഴിയിലെ-പൂന്തേൻ
തിരകളില്‍ മുങ്ങിക്കുളിയ്ക്കുവാൻ കൊതിയില്ലാത്തവരുണ്ടോ
അയ്യപ്പാ അയ്യപ്പാ സ്വാമി അയ്യപ്പാ
---നിന്നെക്കണ്ടു....
സ്വാമി അയ്യപ്പാ ...സ്വാമി അയ്യപ്പാ.....സ്വാമി അയ്യപ്പാ
