മണ്ണിൻ മണമീണമാക്കും

മണ്ണിൻ മണമീണമാക്കും
മലയാളത്തത്തമ്മേ
ഓണവില്ലിൻ നാദം കേൾപ്പൂ
ഓമനക്കിളിയമ്മേ (മണ്ണിൻ..)

നിൻ പാട്ടിൻ വീചികളിൽ ആ
പുന്നെല്ലിൻ ഗന്ധമൂറും
നീ ചൊല്ലും കഥകൾ കേട്ടാൽ
നെഞ്ചാകെ ഓർമ്മ പൂക്കും
ഇണയട്ടെ പുള്ളുവഗീതം
ഉയരും നിൻ പാട്ടിനൊപ്പം (മണ്ണിൻ..)

തുഞ്ചന്റെ കാകളിയിൽ ഒരു
പഞ്ചാരപ്പാട്ടു പാടൂ
കുഞ്ചന്റെ തുള്ളലിൽ നിന്നും
തേൻ ചോരും താളമേകൂ
ഉണരട്ടെ പഞ്ചമരാഗം
ഉണരട്ടെ കേരളസ്വപ്നം (മണ്ണിൻ..)