രാവിൻ ചുണ്ടിലുണർന്നൂ

രാവിൻ ചുണ്ടിലുണർന്നൂ
രാധാമാധവഗാനം
രാഗമില്ലാത്ത ഗാനം
താളമില്ലാത്ത ഗാനം (രാവിൻ ചുണ്ടിൽ..)

ചന്ദനശീതള ചന്ദ്രികയിൽ
ചാരുവാം സ്വപ്നത്തിൻ പൊൻ തോണിയിൽ
ഈ രാവിലീരാഗകല്ലോലമാലയിൽ
ഈറനുടുത്തു വരൂ തോഴീ  (രാവിൻ ചുണ്ടിൽ..)

നിൻ തളിർമേനിയിൽ ഓമനേ നിൻ
നീരണിപ്പൊൻ മലർക്കാർവേണിയിൽ
ഈ രാവിലീ പ്രേമസ്വപ്നാനുഭൂതിയിൽ
ഞാനിന്നലിഞ്ഞു ചേരും തോഴീ (രാവിൻ ചുണ്ടിൽ..)