മതിലേഖ വീണ്ടും മറഞ്ഞു

മതിലേഖ വീണ്ടും മറഞ്ഞു തോഴീ
മമജീവവാനമിരുണ്ടു തോഴീ
മണിവീണ വീണു തകർന്നുവല്ലോ
മലരണിസ്വപ്നങ്ങൾ മാഞ്ഞുവല്ലോ (മതിലേഖ..)

കതിരിട്ടൊരെൻ പ്രേമകല്പനകൾ
കദനത്തിൻ ചൂടിൽ കരിഞ്ഞു പോയി
കളകാഞ്ചി പാടിയ പൈങ്കിളിയും
കനകച്ചിറകറ്റു വീണു പോയി (മതിലേഖ..)

അഴലിന്റെ നീർവിരൽത്തുമ്പുകളാൽ
അവസാനശയ്യ വിരിക്കുക നീ
അകതാരിലൂറുന്ന ഗദ്ഗദത്താൽ
അവസാനഗാനവും പാടുക നീ (മതിലേഖ..)