ഒരു മോഹലതികയിൽ

ഒരു മോഹലതികയിൽ വിരിഞ്ഞ പൂവേ
ഒരു മോഹം വിളിച്ചപ്പോളുണർന്ന പൂവേ
ഒരു ദുഃഖവേനലേറ്റു കരിയുമോ നീ
ഒരു നോവിൻ തെന്നലേറ്റു കൊഴിയുമോ നീ (ഒരു മോഹ..)

ശരത്തുകളറിയാതെ തളിർത്തുവല്ലോ
വസന്തങ്ങളറിയാതെ വളർന്നുവല്ലോ
ഇരവുകളറിയാതെയുറങ്ങുക നീ
പകലുകളറിയാതെയുണരുക നീ (ഒരു മോഹ..)

അറിയാതെയെന്നകക്കാമ്പിൽ കുരുത്ത പൂവേ
അകമാകെക്കുളിർ കോരിച്ചൊരിഞ്ഞ പൂവേ
ഒരു ദുഃഖവേനലിലും കരിയല്ലേ നീ
ഒരു നോവിൻ തെന്നലിലും കൊഴിയല്ലെ നീ (ഒരു മോഹ..)